Balayya : బాలయ్య కు బర్త్డే విషెస్ చెప్పిన యువరాజ్ సింగ్
సినీ రంగం నుంచి ఎంతో మంది బాలయ్యకు బర్త్డే విషెస్ ను తెలుపుతున్నారు. హిందూపురం టీడీపీ ఎమ్మెల్యేగానూ బాలకృష్ణ ఉండటంతో అనేక మంది రాజకీయ నేతలు కూడా ఆయనకు శుభాకాంక్షలు తెలియజేస్తున్నారు. ఈ మేరకు చాలా మంది ట్వీట్లు కూడా చేస్తున్నారు. టీమిండియా మాజీ దిగ్గజ ఆల్రౌండర్ అయిన యువరాజ్ సింగ్ కూడా బాలకృష్ణకు పుట్టిన రోజు శుభాకాంక్షలు తెలిపారు. ఆయనను ప్రశంసిస్తూ ట్వీట్ కూడా చేశారు.
క్యాన్సర్ ఆసుపత్రితో సమాజానికి ఎంతో సేవ చేస్తున్నారంటూ బాలకృష్ణను యువరాజ్ ప్రశంసించారని సమాచారం.”బాలకృష్ణ సర్ మీకు హృదయపూర్వక పుట్టిన రోజు శుభాకాంక్షలు. క్యాన్సర్ ఆసుపత్రి అలాగే రీసెర్చ్ సెంటర్ పట్ల అంకితభావంతో మీరు సమాజంపై ఎంతో సానుకూల ప్రభావాన్ని చూపిస్తున్నారు. అలాగే చాలా కార్యక్రమాల ద్వారా మీరు సేవ చేస్తున్నారు.మీరు చాలా మందికి ఆదర్శం.. ఈ సంవత్సరమంతా మీకు గొప్పగా ఉండాలి” అని యువరాజ్ సింగ్ ట్వీట్ ను చేశారు. గతంలో బాలకృష్ణతో కలిసి దిగిన ఫొటోలను కూడా యువీ పోస్ట్ చేశారు. హైదరాబాద్లోని బసవతారకం ఇండో అమెరికన్ క్యాన్సర్ ఆసుపత్రికి బాలకృష్ణ చైర్మన్గా అయితే ఉన్నారు. చాలా మంది పేదలకు బాలయ్య వైద్య సాయం కూడా చేస్తున్నారు. మరిన్ని సేవా కార్యక్రమాలు కూడా నిర్వహిస్తున్నారు.యువరాజ్ సింగ్ కూడా గతంలో క్యాన్సర్ బారిన పడి కీమోథెరపి ని తీసుకున్నారు. అనంతరం క్యాన్సర్ను జయించి ఆయన కోలుకున్నారు. 2011 ప్రపంచకప్ను భారత్ గెలవడంలో ముఖ్య పాత్ర పోషించి.. ఆ తర్వాత క్యాన్సర్ చికిత్స తీసుకున్నారు యువరాజ్. అప్పటి నుంచి క్యాన్సర్కు సంబంధించి చాలా అవగాహన కార్యక్రమాల్లో కూడా పాల్గొంటున్నారు., బాలకృష్ణ పుట్టిన రోజు సందర్భంగా ఆయన నటిస్తున్న భగవంత్ కేసరి చిత్రం టీజర్ నేడు విడుదలైన విషయం తెలిసిందే.తెలంగాణ యాసతో బాలకృష్ణ చెప్పిన డైలాగ్లు మాత్రం అదిరిపోయేలా ఉన్నాయి. మరోసారి పక్కా మాస్ యాక్షన్ సినిమాతో వస్తున్నారు బాలయ్య.బాలయ్య తెలంగాణ యాస తో చెప్పే డైలాగ్స్ అభిమానులకు పూనకం తెప్పించాయి