Toxic: టాక్సిక్’ ఫస్ట్ సింగిల్ రిలీజ్ టైం ఫిక్స్!

పాన్ ఇండియా స్టార్ యష్ (Yash), దర్శకురాలు గీతూ మోహన్ దాస్ కాంబినేషన్‌లో తెరకెక్కుతున్న భారీ చిత్రం ‘టాక్సిక్: ఎ ఫెయిరీ టేల్ ఫర్ గ్రోన్ అప్స్’. KVN ప్రొడక్షన్స్ అత్యంత ప్రతిష్టాత్మకంగా నిర్మిస్తున్న ఈ సినిమా మార్చి 19, 2026 న ప్రపంచవ్యాప్తంగా గ్రాండ్‌గా విడుదల కానుంది. తాజాగా ఈ సినిమా నుంచి ఒక క్రేజీ అప్‌డేట్ వచ్చింది. ఈ చిత్రంలోని ఫస్ట్ సింగిల్ ‘తబాహి’ విడుదలకు మేకర్స్ ముహూర్తం ఖరారు చేశారు. యష్, కియారా అద్వానీల మధ్య సాగే ఈ రొమాంటిక్ నంబర్ కోసం ఫ్యాన్స్ ఎంతో ఆతృతగా ఎదురుచూస్తున్నారు. రీసెంట్‌గా రిలీజ్ అయిన హాట్ అండ్ రొమాంటిక్ పోస్టర్ సోషల్ మీడియాలో సెన్సేషన్ క్రియేట్ చేసిన సంగతి తెలిసిందే.

షర్ట్‌లెస్ లుక్‌లో యష్, ఆయనను బిగి కౌగిలిలో బంధించిన కియారా.. ఈ ఇద్దరి కెమిస్ట్రీ ‘నెక్స్ట్ లెవల్’లో ఉండబోతోందని పోస్టర్ చూస్తేనే అర్థమవుతోంది. తాజాగా అందుతున్న సమాచారం ప్రకారం, ఈ ‘తబాహి’ సాంగ్‌ను మార్చి 2న మధ్యాహ్నం 12:59 గంటలకు విడుదల చేయనున్నారు. ఈ చిత్రానికి విశాల్ మిశ్రా సంగీతం అందిస్తుండగా, యష్ పాత సినిమాల సెంటిమెంట్‌ను ఫాలో అవుతూ రవి బసృర్ బ్యాక్‌గ్రౌండ్ స్కోర్, ఒక స్పెషల్ సాంగ్ అందిస్తున్నారు. ఈ సినిమాలో కియారాతో పాటు నయనతార, హుమా ఖురేషి, తారా సుతారియా వంటి భారీ తారాగణం నటిస్తోంది.