‘కేజీయఫ్’ సినిమాను అంత ఈజీగా మరిచిపోలేం. కన్నడ ఇండస్ట్రీ నుంచి ఎలాంటి అంచనాలు లేకుండా వచ్చిన ఈ సినిమా పాన్ ఇండియా బాక్సాఫీస్ దగ్గర దుమ్ముదులిపేసింది. ఫస్ట్ పార్ట్ పెంచేసిన అంచనాలతో సెకండ్ పార్ట్ ఏకంగా రూ.1200 కోట్లకు పైగా వసూలు చేసి సంచనలం సృష్టించింది. ఈ సినిమాతో దర్శకుడు ప్రశాంత్ నీల్, హీరో యష్ పాన్ ఇండియా స్టార్స్ అయిపోయారు. ఇప్పుడు పాన్ ఇండియా ఇమేజ్‌ను కంటిన్యూ చేసేలా ఆచితూచి అడుగులేస్తున్నాడు యష్. అందుకే కేజీయఫ్ 2 తర్వాత కాస్త గ్యాప్ తీసుకొని.. ‘టాక్సిక్’ అనే సినిమా చేస్తున్నాడు. భారీ స్కేల్‌లో కేవీఎన్ సంస్థ నిర్మాణంలో వస్తున్న ఈ సినిమాకు మలయాళ దర్శకురాలు గీతూ మోహన్ దాస్ దర్శకత్వం వహిస్తున్నారు.
Also Read: MS Dhoni: 19 ఏళ్ల రికార్డు ఇప్పటికీ చెక్కుచెదరలేదు.. ఒకే ఒక్కడు ఎంఎస్ ధోనీ!
ప్రస్తుతం ఈ సినిమా షూటింగ్ స్టేజీలో ఉండగా.. ఊహించని వివాదంలో చిక్కుకుంది. రీసెంట్‌గా బెంగళూరు సమీపంలోని పీణ్య-జలహళ్లి దగ్గరలో సెట్ నిర్మాణ కోసం అక్రమంగా వేలాది చెట్లు నరికేశారనే ఆరోపణలొచ్చాయి. ఈ విషయంపై కర్ణాటక అటవీశాఖ మంత్రి ఈశ్వర్ ఖండ్రే ఆగ్రహం వ్యక్తం చేశారు. దీంటో టాక్సిక్ షూటింగ్‌కు బ్రేక్ పడింది. ఇదిలా ఉంటే.. యష్‌కి సంబంధించిన ఓ వీడియో సోషల్ మీడియాను షేక్ చేస్తోంది. మామూలుగా అయితే బయట చాలా కూల్‌గా కనిపిస్తాడు యష్. కానీ ఓ బర్త్ డే పార్టిలో మాత్రం డ్యాన్స్ ఇరగదీశాడు. తాజాగా బర్త్ డే పార్టీకి హాజరైన యష్ తనదైన స్టెప్పలతో హోరెత్తించారు. స్టార్ హీరో శివరాజ్‌కుమార్‌ హిట్‌ సాంగ్‌కు డ్యాన్స్ చేసి వావ్ అనిపించాడు. ఇది పాత వీడియోనా? లేక లేటెస్ట్ వీడియోనా? అనే క్లారిటీ లేదు కానీ.. యశ్ డ్యాన్స్ చేసిన వీడియోను ఓ నెటిజన్‌ ట్విటర్‌లో పోస్ట్ చేయడంతో తెగ వైరలవుతోంది.