Missing Woman Found Alive: చనిపోయిందని అంత్యక్రియలు చేసిన కుటుంబ సభ్యులు.. నెల రోజుల తర్వాత తిరిగొచ్చిన మహిళ

ఓ మహిళ చనిపోయినట్లు భావించిన ఆమె కుటుంబ సభ్యులు అంత్యక్రియలు చేశారు. నెల రోజుల తర్వాత అకస్మాత్తుగా ఆమె ఇంటికి చేరుకున్నారు. ఆ మహిళ సజీవంగా ఉండటం చూసి అందరూ ఆశ్చర్యపోయారు. విషాదం నెలకొన్న ఆ ఇంట్లో ఆనందం వెల్లువిరిసింది. స్థానికులు, పోలీసులు తెలిపిన వివరాల ప్రకారం.. మొహబ్బత్ పర్సా పంచాయతీలోని భాద్ప నయా బస్తీ నివాసి రామ్ స్వరూప్ రాయ్ భార్య రమా దేవి (45) మే 17న అకస్మాత్తుగా ఇంటి నుంచి అదృశ్యమైంది. కుటుంబ సభ్యులు అంతటా వెతికారు. కానీ ఎక్కడా ఆచూకీ లభ్యం కాలేదు.

Also Read:YS Jagan: ఏపీఎండీసీ ద్వారా బాండ్లు జారీ.. రాష్ట్ర భవిష్యత్త్ను నాశనం చేసేలా ప్రభుత్వ నిర్ణయం..

మే 26న, థానా ఘాట్‌కు తూర్పున, నది ఒడ్డున పడి ఉన్న ఒక మహిళ మృతదేహం గురించి సమాచారం అందడంతో, బంధువులు అక్కడికి చేరుకుని, ఆ మృతదేహం ఆకారం, పరిమాణంలో తప్పిపోయిన మహిళ మృతదేహాన్ని పోలి ఉన్నట్లు గుర్తించారు. ఆ తర్వాత, బంధువులు స్థానిక పోలీస్ స్టేషన్‌కు సమాచారం అందించారు. బంధువులు తమ మహిళ అయి ఉండవచ్చని అభిప్రాయపడ్డారు. రివిల్‌గంజ్ పోలీస్ స్టేషన్ సంఘటనా స్థలానికి చేరుకుని మహిళ మృతదేహాన్ని తమ ఆధీనంలోకి తీసుకుని, పోస్ట్‌మార్టం నిర్వహించిన తర్వాత బంధువులకు అప్పగించారు.

Also Read:Operation Midnight Hammer: ఫోర్డో అణు కేంద్రంపై అమెరికా విధ్వంసం.. శాటిలైట్‌ చిత్రాలు వెలుగులోకి

బంధువులు ఆ మృతదేహాన్ని దహనం చేసి, జూన్ 11న కర్మకాండలు కూడా చేశారు. ఈ క్రమంలో జూన్ 22 ఉదయం ఆ మహిళ భాద్ప నయా బస్తీలోని తన ఇంటికి చేరుకున్నప్పుడు ఈ కథలో కొత్త మలుపు తిరిగింది. ఆ మహిళ సజీవంగా ఉండటం చూసి కుటుంబ సభ్యులు ఆశ్చర్యపోయారు. ఆ మహిళ బతికి ఇంటికి చేరుకుందనే వార్త విని, చుట్టూ జనం గుమిగూడారు. అయితే ఇక్కడ ట్విస్ట్ ఏంటంటే.. ఆ మహిళ మానసిక రుగ్మతలతో బాధపడుతోందని తేలింది. ఆమె తన కుటుంబానికి తెలియజేయకుండా కోల్‌కతాలోని తన తల్లి ఇంటికి వెళ్లింది. దాదాపు ఒక నెల తర్వాత ఆమె స్వయంగా తిరిగి రావడంతో కథ సుఖాంతమైంది.