ప్రస్తుతం ఎంతో మంది తక్కువ సమయంలోనే సోషల్ మీడియాలో ప్రత్యేక గుర్తింపు సంపాదించుకునేందుకు ఆరాటపడుతున్నారు. అందుకోసం ప్రమాదకర స్టంట్లు చేస్తూ.. లైకుల కోసం ప్రాణాలకు తెగిస్తున్నారు. ఫాలోవర్స్ మోజులో కొందరు యువకులు డేంజరస్ స్టంట్స్ చేస్తున్నారు. ప్రాణాలతో చెలగాడం ఆడుతున్నారు. ఈ మధ్య ఇలా పిచ్చి పైత్యపు పనులు చేసి చాలామంది ప్రాణాలు కూడా పోగొట్టుకున్నారు. ఇదిలా ఉండగా.. తాజాగా ఓ మహిళ లైక్స్ కోసం ఏకంగా పోలీస్ స్టేషన్ బయట కత్తితో రీల్ చేసింది. దాన్నీ సోషల్ మీడియాలో పోస్ట్ చేయగా.. వైరల్ గా మారింది.
READ MORE: Tailors: మహిళల కొలతలు మగవారు తీసుకోవద్దు.. మహిళా కమిషన్ ప్రతిపాదన!
సోషల్ మీడియాలో వైరల్ అవుతున్న వీడియో లక్నోకి చెందినది. ఇందులో ఓ మహిళ పోలీసు స్టేషన్ వెలుపల కత్తితో వీడియో తీస్తోంది. ఆ మహిళ పోలీసు స్టేషన్ నుంచి కత్తితో బయటకు వస్తున్నట్లు వీడియోలో కనిపిస్తుంది. వీడియోలో కనిపిస్తున్న మహిళ పేరు హిమాన్షి యాదవ్. ఆమె లక్నోలోని పరా హన్స్ ఖేడా చౌకీ నివాసి. ఈ వీడియో హిమాన్షి యాదవ్ ప్రొఫైల్ నుంచి అప్లోడ్ చేయబడింది. ప్రస్తుతం పోలీసులు వీడియో ద్వారా సమాచారాన్ని సేకరిస్తున్నారు. కేసు నమోదు చేసినట్లు పోలీసు అధికారులు తెలిపారు. ఆమెను పట్టుకుని విచారిస్తామని తెలిపారు.
READ MORE:Seaplane: శ్రీశైలంలో సేఫ్గా ల్యాండ్ అయిన సీ ప్లేన్.. ట్రయల్ రన్ విజయవంతం..
అయితే ఈ రకమైన రీల్స్పై సోషల్ మీడియాలో జోరుగా చర్చ జరుగుతోంది. ఇలాంటి ఘటన స్టేషన్లోనే జరగడంపై జనాల నుంచి ప్రశ్నలు వస్తున్నాయి. వీడియోలు తీస్తుంటే పోలీసులు ఏం చేస్తున్నారని నెటిజన్లు ఫైర్ అవుతున్నారు. ఆ మహిళ స్టేషన్కు కత్తి ఎలా తీసుకొచ్చింది? పోలీసులు వీడియో తీయడానికి ఎలా అనుమతి ఇచ్చారు? ఆ వీడియోను సోషల్ మీడియాలో అంత దర్జాగా ఎలా పోస్ట్ చేశారు? అంటూ ప్రశ్నల వర్షం కురిపిస్తున్నారు.
पुलिस चौकी में चाकू से लैस रील..!!
लखनऊ पुलिस कमिश्नरेट
😳😳
शेयर करो… pic.twitter.com/88eBT9pK5t— Vandana Sonkar (@Vndnason) November 8, 2024
