Vivo V50 Elite Edition: వివో సంస్థ ఈ ఫిబ్రవరిలో భారత్లో తన ఫ్లాగ్షిప్ స్మార్ట్ఫోన్ vivo V50 ను విడుదల చేసింది. తాజాగా అదే సిరీస్లో vivo V50 ఎలైట్ ఎడిషన్ ను తాజాగా భారత మార్కెట్లో విడుదల చేసింది. ఈ ఎడిషన్ ప్రత్యేకత ఏమిటంటే.. ఇందులో vivo TWS 3e ఇయర్బడ్స్ డార్క్ ఇండిగో కలర్లో ఫ్రీగా అందిస్తారు. ఈ ఇయర్బడ్స్ 30dB వరకు యాక్టివ్ నాయిస్ క్యాన్సిలేషన్ (ANC) సపోర్ట్ను కలిగి ఉంటాయి.
Read Also: Rajnath Singh: పాక్ వద్ద అణ్వాయుధాలు సురక్షితమా..? అంతర్జాతీయ జోక్యం అవసరం..!
ఇక ఈ vivo V50 ఎలైట్ ఎడిషన్ పలు ప్రీమియం ఫీచర్లతో భారత మార్కెట్లోకి విడుదలైంది. ఇందులో 6.77 అంగుళాల FHD+ (2392 × 1080 పిక్సెల్స్) రిజల్యూషన్ కలిగిన కర్వ్డ్ AMOLED డిస్ప్లే అందించబడింది. ఇది 120Hz రిఫ్రెష్ రేట్, HDR10+ సపోర్ట్, డైమండ్ షీల్డ్ గ్లాస్ ప్రొటెక్షన్ వంటి ఆకర్షణీయ లక్షణాలతో వస్తోంది.
పర్ఫార్మెన్స్ పరంగా చూస్తే.. ఈ ఫోన్లో శక్తివంతమైన Qualcomm స్నాప్ డ్రాగన్ 7 Gen 3 (4nm) చిప్సెట్ను Adreno 720 GPU తో కలిపి ఉపయోగించారు. ఇది 12GB LPDDR4X RAM, 512GB UFS 2.2 స్టోరేజ్ తో లభిస్తోంది.
ఇక కెమెరా విభాగంలో.. 50MP ప్రధాన కెమెరా (OIS, ZEISS ఆప్టిక్స్) తో పాటు 50MP అల్ట్రా-వైడ్ కెమెరా కూడా కలిపి రెండు వెనుక కెమెరాలు ఉన్నాయి. ముందు భాగంలో 50MP ఆటోఫోకస్ సెల్ఫీ కెమెరా ఉంది. ఈ కెమెరాలు 4K వీడియో రికార్డింగ్కు సపోర్ట్ చేస్తాయి. ఇక సాఫ్ట్వేర్ విషయానికి వస్తే.. ఈ ఫోన్ Android 15 ఆధారిత Funtouch OS 15 తో రన్ అవుతుంది. ఇది ఆధునిక ఫీచర్లతో యూజర్ అనుభవాన్ని మరింత మెరుగుపరుస్తుంది.
Read Also: Team India: ప్రమాదంలో టీమిండియా ?
ఈ మొబైల్ కు IP68, IP69 రేటింగ్ ఉండడం వల్ల నీటి, ధూళి నుండి రక్షణ కలిగిస్తుంది. అదనంగా, ఇన్-డిస్ప్లే ఫింగర్ ప్రింట్ స్కానర్, USB Type-C ఆడియో, స్టీరియో స్పీకర్లు వంటి ప్రీమియం ఫీచర్లు కూడా ఉన్నాయి. కనెక్టివిటీ పరంగా 5G బ్యాండ్లకు, Wi-Fi 6, Bluetooth 5.4, GPS, GLONASS మొదలైన ఆధునిక నెట్వర్క్ ఫీచర్లకు మద్దతు ఉంది. ఇక ఈ ఫోన్కు 6000mAh భారీ బ్యాటరీ తో పాటు 90W ఫాస్ట్ చార్జింగ్ సపోర్ట్ ఉంది. దీని వలన వేగంగా చార్జింగ్ అవడం మాత్రమే కాదు, ఎక్కువ సమయం పని చేయగలదు కూడా.
vivo V50 ఎలైట్ ఎడిషన్ రూ.41,999 ధరకు లభ్యమవుతుంది. ఇది స్టాండర్డ్ ఎడిషన్ కంటే కేవలం రూ. 1000 ఎక్కువ. ఈ ఫోన్ ఫ్లిప్ కార్ట్, అమెజాన్, అలాగే అన్ని భాగస్వామ్య రిటైల్ స్టోర్లలో ఈ రోజు నుంచే అందుబాటులో ఉంటుంది. ఇక లాంచ్ ఆఫర్ కింద.. ఆన్లైన్ లో HDFC, SBI, Axis బ్యాంక్ కార్డ్స్ పై రూ. 3000 వరకు ఇన్స్టెంట్ క్యాష్బ్యాక్ లేదా రూ. 3000 ఎక్స్చేంజ్ బోనస్ పొందవచ్చు. అలాగే 6 నెలల వరకు No Cost EMI సదుపాయం కలదు. అలాగే ఆఫ్లైన్ కూడా మరికొన్ని ఆఫర్లు అందించనున్నారు.
