Vishnu Priya Entry Song at Bigg Boss Telugu 8: ‘విష్ణుప్రియ భీమినేని’ గురించి ప్రత్యేకంగా చెప్పాల్సిన అవసరం లేదు. షార్ట్ ఫిల్మ్‌తో కెరీర్ మొదలుపెట్టిన విష్ణుప్రియ.. ఆపై యాంకర్‌గా మారారు. ‘పోవే పోరా’ షోతో ఫుల్ ఫేమస్ అయి.. పలు టీవీ షోలలో అవకాశాలు దక్కించుకున్నారు. తనదైన శైలిలో యాంకరింగ్ చేస్తూ బుల్లితెర ఆడియెన్స్‌కు దగ్గరయ్యారు. కొన్ని కామెడీ స్కిట్స్ కూడా చేసి.. అభిమానులను నవ్వించారు. ‘జరీజరీ చీర కట్టి’ సాంగ్‌తో యూట్యూబ్‌ను షేక్ చేశారు.
తెలుగు బుల్లితెర యాంకర్‌గా సందడి చేసిన విష్ణుప్రియ.. బిగ్బాస్ తెలుగు 8లోకి ఎంట్రీ ఇచ్చారు. పన్నెండో కంటెస్టెంట్‌గా విష్ణుప్రియ హుషారెత్తించే స్టెప్పులేస్తూ హౌస్‌లోకి వచ్చారు. తనకు ఈ సీజన్‌లో ఎంటర్‌టైన్‌మెంట్‌ లిమిట్‌లెస్‌గా కావాలని చెప్పారు. అయితే విష్ణుప్రియ గతంలో చేసిన వ్యాఖ్యలు ఇప్పుడు వైరల్ అయ్యాయి. కోట్లు ఇచ్చినా బిగ్బాస్ ముఖమే చూడనన్న ఈ బుల్లితెర బ్యూటీ.. ఏకంగా హౌస్‌లోకి ఎంట్రీ ఇచ్చారు. తన అందచందాలతో అల్లాడించే ఈ యాంకరమ్మ.. హౌస్‌లో ఆట ఎలా ఆడుతుందో చూడాలి.
Also Read: Dwayne Bravo Retirement: రిటైర్మెంట్‌ ప్రకటించిన విండీస్‌ దిగ్గజం డ్వేన్‌ బ్రావో!
ప్రముఖ రియల్టీ షో బిగ్బాస్ తెలుగు సరికొత్త సీజన్‌ ఆదివారం రాత్రి (సెప్టెంబరు 1) షురూ అయింది. ఇన్ఫినిటీ ఆఫ్‌ ఫన్‌ అండ్‌ ఎంటర్‌టైన్‌మెంట్‌ పేరుతో మొదలైంది. బిగ్బాస్ సీజన్‌ 8లో ఎంటర్‌టైన్‌మెంట్‌, ఫన్‌, టర్న్‌లు, ట్విస్ట్‌లకు లిమిటే లేదు అంటూ వ్యాఖ్యాత నాగార్జున సందడి చేశారు. ఈ సీజన్‌లో సరికొత్తగా హౌస్‌మేట్స్‌ను ఇద్దరి చొప్పున కలిపి పంపారు. పృథ్వీరాజ్తో కలిసి విష్ణుప్రియ హౌస్‌లోకి వెళ్లారు.
#vishnuPriya entry song for #BiggBossTelugu8 pic.twitter.com/p1L7opSJt5
— Aristotle (@goLoko77) September 1, 2024