టాలీవుడ్ సీనియర్ స్టార్ హీరో వెంకటేష్, బ్లాక్ బస్టర్ డైరెక్టర్ అనిల్ రావిపూడి మళ్ళీ జతకడుతున్నారు. ‘F2’, ‘F3’, ‘సంక్రాంతికి వస్తున్నాం’ వంటి హిట్ల తర్వాత వీరిద్దరి కాంబోలో రాబోతున్న కొత్త సినిమాపై ఇప్పుడు భారీ అంచనాలు నెలకొన్నాయి. ఈ సినిమాలో వెంకటేష్ సరసన హీరోయిన్గా కీర్తి సురేష్ (Keerthy Suresh) ఎంపికైనట్లు తెలుస్తోంది.
Also Read : Allu Sirish Marriage: ఒకటైన అల్లు శిరీష్ – నయనిక.. వెడ్డింగ్ ఫోటోలు వైరల్!
వెంకటేష్ మార్కు టైమింగ్, అనిల్ రావిపూడి కామెడీకి తోడు ఇప్పుడు కీర్తి సురేష్ లాంటి పెర్ఫార్మర్ తోడవడంతో ఈ ప్రాజెక్ట్ ఆసక్తికరంగా మారింది. ఇప్పటికే కీర్తి ఈ ప్రాజెక్ట్కు గ్రీన్ సిగ్నల్ ఇచ్చిందని, త్వరలోనే అఫీషియల్ అనౌన్స్మెంట్ రానుందని సమాచారం. ఇక ఈ సినిమాలో నందమూరి కళ్యాణ్ రామ్ ఒక పవర్ఫుల్ అండ్ ఫన్నీ రోల్ చేస్తుండటం మరో విశేషం. ప్రస్తుతం కళ్యాణ్ రామ్ జోడీగా నటించే హీరోయిన్ కోసం సెర్చ్ జరుగుతోంది. కాగా షైన్ స్క్రీన్స్, సురేష్ ప్రొడక్షన్స్ సంయుక్తంగా నిర్మిస్తున్న ఈ చిత్రానికి భీమ్స్ సిసిరోలియో సంగీతాన్ని అందిస్తున్నారు. జూన్ నుంచి ఈ సినిమా రెగ్యులర్ షూటింగ్ ప్రారంభం కానుంది. అనిల్ రావిపూడికి బాగా కలిసొచ్చిన సంక్రాంతి (2027) సెంటిమెంట్ను ఫాలో అవుతూ, వచ్చే ఏడాది పండుగ కానుకగా ఈ చిత్రాన్ని విడుదల చేయాలని మేకర్స్ ప్లాన్ చేస్తున్నారు.
