UP : కారును హెలికాప్టర్ చేసేశాడు.. పోలీసులు దాన్ని ఏం చేశారంటే..? (వీడియో)

ఉత్తరప్రదేశ్‌ రాష్ట్రం ప్రతాప్‌గఢ్ జిల్లాలోని పట్టి కొత్వాలీ ప్రాంతంలో పోలీసులు ఓ ప్రత్యేకమైన కారును స్వాధీనం చేసుకున్నారు. ఈ కారు జౌన్‌పూర్ జిల్లా మహారాజ్‌గంజ్ పోలీస్ స్టేషన్ ప్రాంతానికి చెందిన లోహిండా నివాసి రాజ్ నారాయణ్ కి చెందినదిగా పోలీసులు గుర్తించారు. పోలీసులు స్వాధీనం చేసుకున్న కారు కేవలం సాధారణ కారు మాత్రమే కాదు. దాన్ని రాజ్ నారాయణ్ ఓ హెలికాప్టర్‌ రూపంగా మార్చారు. ఆ వాహనాన్ని చూసిన పోలీసులు ఒక్కసారిగా బిత్తరపోయారు. అయితే.. ఈ కారును పెళ్లిళ్లలో వధూవరుల ఊరేగింపు కోసం అద్దెకు ఇచ్చేవారట. విశేషం ఏంటంటే.. ఈ కారుకు పై భాగంలో రెక్కలు సైతం అమర్చారు. వెనక భాగంలో హెలికాప్టర్‌కి ఉండే ప్రత్యేక ఆకారంలో మోడిఫైడ్ చేశాడు.

READ MORE: PM Modi: భారత్-పాక్ ఉద్రిక్తతల మధ్య, ఉగ్రవాదులకు మోడీ స్ట్రాంగ్ వార్నింగ్..

పట్టి కొత్వాల్ అవన్ కుమార్ దీక్షిత్ బధ్వా బజార్‌లో గస్తీ తిరుగుతుండగా.. ఈ హెలికాప్టర్ ఆకారంలో ఉన్న కారును చూశారు. ఈ కారును రోహిడా నివాసి దినేష్ కుమార్ పటేల్ నడుపుతున్నాడు. పోలీస్ ఇన్స్పెక్టర్ అవన్ కుమార్ ఈ కారును చూసి ఆశ్చర్యానికి గురయ్యారు. వెంటనే కారు ఆపి.. దాన్ని పరిశీలించారు. ఆ విచిత్రమైన కారును చూసిన స్థానికులు దాన్ని చూడటానికి పెద్ద మొత్తంలో గుమిగూడారు. దీంతో పోలీసులు ఆ కారును స్టేషన్‌కు తరలించారు. దీంతో పాటు ఈ కారు రూపం అనధికారికంగా మార్చినందుకు రూ.25,000 చలానా జారీ చేశారు. ఇటువంటి మోడిఫైడ్ వాహనాలపై చర్యలు తీసుకుంటున్నామని అదనపు పోలీసు సూపరింటెండెంట్ తెలిపారు. గతంలో, వారు 18 నుంచి 20 కార్లు, బుల్లెట్ బైక్‌లపై చర్యలు తీసుకున్నట్లు వెల్లడించారు.

प्रतापगढ़ में दौड़ती दिखी हेलीकॉप्टर जैसे अनोखी कार।*

प्रतापगढ़ पट्टी कोतवाली क्षेत्र के ढकवा बाजार में एक ऐसी कार सड़क पर दौड़ती हुई दिखी जैसे हेलीकॉप्टर आ रहा हो पुलिस ने जैसे कार को देखा तुरन्त रुकवाया और दस्तावेज चेक किया, कार की रूपरेखा हेलीकॉप्टर जैसे दिखाई दे रही थी… pic.twitter.com/wwpWHY3i2z

— News Watch India (@NewsWatch_Ind) May 1, 2025