గబ్బర్ సింగ్’ వంటి బ్లాక్ బస్టర్ తర్వాత పవన్ కళ్యాణ్ – హరీష్ శంకర్ కాంబో కావడంతో ‘ఉస్తాద్ భగత్ సింగ్’ పై అటు అభిమానుల్లో ఇటు ట్రేడ్ వర్గాల్లో భారీ అంచనాలు నెలకొన్నాయి. అంతటి బారి అంచనాల మధ్య మార్చి 19న వరల్డ్ వైడ్ గా రిలీజ్ అయిన ఈ సినిమా బాక్సాఫీస్ వద్ద ఫలితం మాత్రం అందుకు భిన్నంగా ఉంది. కంటెంట్ బలహీనంగా ఉండటం పోటీగా వచ్చిన చిత్రాల ప్రభావంతో ఈ సినిమా కేవలం రెండు వారాలకే తన రన్ను ముగించే స్థితికి చేరుకుంది.
Also Read : Peddi : రామ్ చరణ్ పెద్ది వాయిదా ఫిక్స్.. అసలు కారణం ఏంటంటే
ఉస్తాద్ భగత్ సింగ్ వరల్డ్ వైడ్ బాక్సాఫీస్ వద్ద ఈ సినిమా ఇప్పటి వరకు సుమారు రూ. 92 కోట్ల గ్రాస్ మాత్రమే వసూలు చేసినట్లు ట్రేడ్ రిపోర్ట్స్ చెబుతున్నాయి. పవన్ కళ్యాణ్ మార్కెట్ స్టామినాతో పోలిస్తే ఇది చాలా తక్కువ మొత్తం. గత ఆదివారం ఈ చిత్రం కేవలం రూ. 1.03 కోట్ల నెట్ వసూళ్లను మాత్రమే రాబట్టగా సోమవారం నాటికి ఆ వసూళ్లు సగానికి పైగా పడిపోయాయి. దీంతో పవర్ స్టార్ కెరీర్లో ఇది మరొక భారీ డిజాస్టర్గా మిగిలిపోయేలా కనిపిస్తోంది. బాలీవుడ్ యాక్షన్ మూవీ ‘ధురంధర్ 2’ బాక్సాఫీస్ వద్ద ప్రభంజనం సృష్టిస్తుండటం ‘ఉస్తాద్’కు శాపంగా మారింది. మరోవైపు ఉస్తాద్లో పాత కాలపు మాస్ ఫార్ములా సన్నివేశాలు ఉండటంతో ప్రేక్షకులు పెదవి విరిచారు. ముఖ్యంగా మల్టీప్లెక్స్ మరియు అర్బన్ సెంటర్లలో ఈ సినిమా ప్రభావం చాలా తక్కువగా ఉంది. హరీష్ శంకర్ గత సినిమాల్లోని సీన్లను గుర్తు చేసే విధంగా ఉండటం, స్క్రీన్ ప్లేలో వేగం తగ్గడం వంటి కారణాల వల్ల సామాన్య ప్రేక్షకులు ఈ సినిమాకు దూరమయ్యారు. ఫలితంగా భారీ నష్టాలతో ఉస్తాద్ భగత్ సింగ్ డిస్ట్రిబ్యూటర్స్ కు భారీ నష్టాలు తెచ్చిపెట్టింది.
