Uppena Movie : బాలీవుడ్ లోకి ‘ఉప్పెన’ మూవీ.. హీరోయిన్ ఎవరో తెలుసా?

మెగా కాంపౌండ్ నుంచి వచ్చిన హీరో వైష్ణవ్ తేజ్, కృతి శెట్టి జంటగా నటించిన సినిమా ఉప్పెన.. ఎటువంటి అంచనాలు లేకుండా వచ్చి భారీ విజయాన్ని అందుకుంది.. బుచ్చిబాబు సాన దర్శకత్వంలో వచ్చిన ఈ సినిమా ప్రేక్షకుల మనసు దోచుకుంది.. ఆ సినిమా టీవిలో వస్తున్నా మిస్ అవ్వకుండా జనాలు చూస్తుంటారు.. అంత క్రేజ్ ను అందుకుంది.. ఈ సినిమాతో హీరో, హీరోయిన్లకు క్రేజ్ పెరిగిపోయింది. వరుస సినిమాల్లో నటిస్తూ బిజీగా ఉన్నారు..

ఇదిలా ఉండగా.. ఇటీవల మన సౌత్ లో హిట్ అయిన సినిమాలను బాలీవుడ్ లో రీమేక్ చేస్తున్న సంగతి తెలిసిందే. ఇప్పటికే చాలా సినిమాలు రీమేక్ అయ్యాయి. అక్కడ కూడా భారీ విజయాన్ని అందుకుంటున్నాయి.. ఇప్పుడు ఉప్పెన సినిమా కూడా రీమేక్ కాబోతుందని వార్తలు వినిపిస్తున్నాయి.. రామ్ చరణ్ 16 వ సినిమాను గ్రాండ్ గా లాంచ్ చేశారు.. ఈ కార్యక్రమానికి హాజరైన బోణికపూర్ ఉప్పెన సినిమా పై ఆసక్తికర వ్యాఖ్యలు చేశారు..

ఈ సందర్బంగా ఆయన ఈ సినిమాని హిందీలో కూడా రీమేక్ చేయడానికి ప్రయత్నిస్తున్నాము. నా చిన్న కూతురు ఖుషి కపూర్ ని ఉప్పెన సినిమా చూడమని చెప్పాను అని అన్నట్లు చెప్పుకొచ్చారు.. అంటే ఉప్పెన సినిమా త్వరలోనే బాలీవుడ్ లో రీమేక్ కాబోతుందని తెలుస్తుంది.. హీరోయిన్ గా ఖుషి కపూర్ ను ఎంపిక చెయ్యగా, హీరోగా ఎవరూ చేస్తారో చూడాలి.. ఏది ఏమైనా ఈ సినిమా బాలీవుడ్ జనాలను కూడా మెప్పించింది.. త్వరలోనే రీమేక్ సినిమా పై అధికారిక ప్రకటన రానుంది..