NEET 2024: నీట్ అవకతవకలపై స్పందించిన కేంద్ర విద్యాశాఖ మంత్రి.. ఏమన్నారంటే?

నేషనల్ ఎలిజిబిలిటీ కమ్ ఎంట్రన్స్ టెస్ట్‌కి సంబంధించి అవినీతి, స్కామ్ ఆరోపణలు వస్తున్నాయి. అయితే ఈ విషయాలన్నింటినీ కొట్టిపారేస్తూ.. విద్యార్థులు గందరగోళానికి గురికాకుండా నీట్ కౌన్సెలింగ్‌లో పాల్గొనాలని విద్యాశాఖ కోరింది. నీట్ కేసులో సుప్రీంకోర్టు ఆదేశాల మేరకు అభ్యర్థుల ప్రయోజనాలకు భరోసా కల్పించేందుకు కేంద్ర ప్రభుత్వం కట్టుబడి ఉందని కేంద్ర విద్యాశాఖ మంత్రి ధర్మేంద్ర ప్రధాన్ శుక్రవారం తెలిపారు.

READ MORE: Penna Cement: అదానీ గ్రూప్ చేతికి పెన్నా సిమెంట్‌.. ఏకంగా 10,422 కోట్లకు కొనుగోలు..

ధర్మేంద్ర ప్రధాన్ మాట్లాడుతూ..” పిల్లల కెరీర్‌తో ఆడుకోవద్దు. నీట్ కౌన్సెలింగ్ ప్రారంభం కానుంది. ఇప్పుడు గందరగోళానికి గురికాకుండా ఈ దిశగా ముందుకు సాగాల్సిన అవసరం ఉంది. సుప్రీం కోర్టు సూచనల మేరకు ఎలాంటి చర్యలు తీసుకోవాల్సి ఉన్నా ప్రభుత్వం దానిని పూర్తి చేస్తుంది. నీట్ విషయంలో సుప్రీంకోర్టు సూచనలను అనుసరించి తగిన చర్యలు తీసుకునేందుకు ఎన్టీఏ కట్టుబడి ఉంది. సుప్రీంకోర్టు సూచనల మేరకు 1,563 మంది విద్యార్థులకు మళ్లీ పరీక్షలు నిర్వహిస్తాం. ఇందుకు సంబంధించిన వాస్తవాలన్నీ సుప్రీంకోర్టు ముందు ఉన్నాయి. పేపర్ లీకేజీలను అరికట్టేందుకు, కాపీ కొట్టకుండా పరీక్షలను నిర్వహించేందుకు కేంద్ర ప్రభుత్వం ‘పబ్లిక్ ఎగ్జామినేషన్ ప్రివెన్షన్ ఆఫ్ అన్యాయ మీన్స్ యాక్ట్’ను ఆమోదించింది. ఈ విషయం కాంగ్రెస్ గుర్తుంచుకోవాలి. అందులో చాలా కఠిన నిబంధనలు ఉన్నాయి.” అని వ్యాఖ్యానించారు. విద్యార్థుల భవిష్యత్తుపై రాజకీయాలు చేయడం కాంగ్రెస్‌కు పాత అలవాటని విద్యాశాఖ మంత్రి అన్నారు. భారతదేశ అభివృద్ధికి కాంగ్రెస్ సహకరించాలని.. ఈ విషయంపై రాజకీయాలు చేయడం గందరగోళాన్ని వ్యాప్తి చేస్తే..విద్యార్థుల మానసిక ప్రశాంతత దూరమవుతుందన్నారు.