Gulshan Devaiah About Janhvi Kapoor in Ulajh Shooting: బాలీవుడ్ హీరోయిన్ జాన్వీ కపూర్ గురించి తాను తప్పుగా మాట్లాడలేదని నటుడు గుల్షన్ దేవయ్య స్పష్టం చేశారు. ఇద్దరి మధ్య మంచి స్నేహం లేదని మాత్రమే తాను అన్నానని తెలిపారు. జాన్వీ మంచి నటి అని ఆయన చెప్పారు. సుధాన్షు సరియా దర్శకత్వంలో తెరకెక్కుతున్న చిత్రం ఉలఝ్. ఈ సినిమాలో జాన్వీ కపూర్, గుల్షన్ దేవయ్య నటించారు. ఆగస్టు 2న ఉలఝ్ ప్రేక్షకుల ముందుకు రానున్న నేపథ్యంలో ఇద్దరూ వరుస ఇంటర్వ్యూలో పాల్గొంటున్నారు.
తాజాగా గుల్షన్ దేవయ్య ఓ ఇంటర్వ్యూలో మాట్లాడుతూ… ‘జాన్వీ కపూర్తో నాకు ఫ్రెండ్లీ రిలేషన్ లేదు. సన్నివేశాల చిత్రీకరణ సమయంలోనే నాతో మాట్లాడేది’ అని అన్నారు. ఈ వ్యాఖ్యలు సోషల్ మీడియాలో చర్చనీయాంశంగా మారాయి. గుల్షన్పై ట్రోల్స్ రావడంతో ఆయన స్పందించారు. ‘జాన్వీ కపూర్ గురించి నేను తప్పుగా మాట్లాడలేదు. మా ఇద్దరి మధ్య మంచి స్నేహం లేదు అని అన్నాను. అది మా ఇద్దరి తప్పు కాదు. జాన్వీ మంచి నటి. చాలా ప్రొఫెషనల్గా నటిస్తారు. మా ఇద్దరి మధ్య సన్నివేశాలు బాగా వచ్చాయి’ అని గుల్షన్ అన్నారు.
Also Read: Realme 13 Pro 5G Launch: రియల్మీ నుంచి రెండు సూపర్ స్మార్ట్ఫోన్లు.. నయా ఫీచర్, బిగ్ బ్యాటరీ!
‘చేసే ప్రతి సినిమా సెట్లోనూ చిత్ర యూనిట్ అంతా ఓ కుటుంబంలా కలిసిపోవాలనే నిబంధన లేదు. నేను ఎవరినీ కించపరచడం లేదు. ఉద్దేశపూర్వకంగా ఎవరి గురించి తప్పుగా మాట్లాడలేదు. సినిమా కోసం నేను, జాన్వీ వందశాతం కష్టపడ్డాం. డైరెక్టర్ చెప్పినట్లు చేశాం. నేను చాలా మంది హీరోయిన్స్తో నటించా. వారితో నాకు మంచి స్నేహం ఉంది. రాధికా ఆప్టే, సోనాక్షి సిన్హాలతో కలిసి నటించడం ఎప్పటికీ మర్చిపోలేను. మేము సెట్లో ఎన్నో విషయాలు చర్చించుకునే వాళ్లం. జాన్వీతో మాత్రం సినిమా గురించి మాత్రమే చర్చించా. ఇదే విషయాన్ని ఇంటర్వ్యూలో తెలిపా. ఇక ఈ విషయాన్ని ఇక్కడితో వదిలేయండి’ అన్ని గుల్షన్ దేవయ్య పేర్కొన్నారు.