Sisters Hanged: బ్రహ్మ కుమారీస్ ఆశ్రమంలో ఉరివేసుకుని చనిపోయిన అక్కచెల్లెళ్లు

ఆగ్రాలోని జాగ్నేర్ పోలీస్ స్టేషన్ పరిధిలోని బ్రహ్మ కుమారీస్ ఆశ్రమంలో ఇద్దరు సోదరీమణులు శుక్రవారం అర్ధరాత్రి ఉరివేసుకుని ఆత్మహత్య చేసుకున్నారు. ఆత్మహత్యకు ముందు అక్కచెల్లెళ్లు ఆశ్రమంలోని వాట్సాప్ గ్రూప్‌లో సూసైడ్ నోట్‌లు పంపారు. తమ ఆత్మహత్యకు నలుగురు ఉద్యోగులను బాధ్యులను చేశారు. మెసేజ్ చూసి కుటుంబ సభ్యులు ఆశ్రమానికి చేరుకున్నారు. అప్పటికే అక్కాచెల్లెళ్లిద్దరి మృతదేహాలు సీలింగ్‌ ఫ్యాన్‌ల హుక్స్‌కు వేలాడుతూ కనిపించాయి. జగ్నేర్ నివాసితులైన ఏక్తా, శిఖా చాలా కాలంగా బ్రహ్మ కుమారి ఆశ్రమంతో ఉంటున్నారు. నాలుగేళ్ల క్రితం జగ్నేర్‌లోని బసాయి రోడ్డులో బ్రహ్మ కుమారి ఆశ్రమం నెలకొల్పిన తర్వాత అక్కడే నివాసం ఉంటున్నారు.

Read Also: Tula Uma: తుల ఉమకు నిరాశ.. పార్టీ వీడే యోచన!

అయితే, రాత్రి 11.18 గంటలకు రూపవాస్‌కు చెందిన బ్రహ్మ కుమారి ఆశ్రమం తన సోదరీమణులు వాట్సాప్‌లో సూసైడ్ నోట్ పంపినట్లు ఏక్తా, శిఖాల సోదరుడు సోను పోలీసులకు తెలిపారు. ఏక్తా, శిఖా పంపిన సూసైడ్ నోట్ తో భయపడిన కుటుంబ సభ్యులు ఆశ్రమానికి పరుగులు తీశారు. అక్కాచెల్లెళ్లిద్దరూ ఉరివేసుకుని ఉండడం చూసి కన్నీరుమున్నీరుగా విలపించారు. సమాచారం అందుకున్న డీసీపీ సోనమ్‌కుమార్‌ సంఘటనా స్థలానికి చేరుకున్నారు. రెండు రోజుల క్రితం తాను ఇద్దరు అక్కాచెల్లెళ్లను కలిసేందుకు ఆశ్రమానికి వెళ్లానని సోనూ వారితో చెప్పాడు.

Read Also: Mann Ki Baat: ప్రధాని మోడీ ‘మన్ కీ బాత్’పై ప్రత్యేక పుస్తకం.. రాష్ట్రపతికి అందజేత

జగ్నేర్‌లోని బ్రహ్మకుమారి సెంటర్‌లో ఆత్మహత్య చేసుకున్న ఇద్దరు అక్కాచెల్లెళ్లు ఎనిమిదేళ్ల క్రితం మౌంట్ అబూలో దీక్ష చేపట్టారు. దీక్ష చేపట్టిన అనంతరం పట్టణంలో కేంద్రం నిర్మాణ బాధ్యతలు అప్పగించారు. సోదరీమణులిద్దరూ ఆశ్రమానికి ఆర్థిక సహాయం కూడా చేశారని చెప్పారు. ఇక, ఏక్తా పేరుతో లభించిన మూడు పేజీల సూసైడ్ నోట్ ప్రధానికి, ముఖ్యమంత్రికి చేసిన అభ్యర్థనతో ప్రారంభమవుతుంది. ఏడాది కాలంగా అక్కాచెల్లెళ్లిద్దరూ ఒత్తిడిలో ఉన్నారని సూసైడ్ నోట్‌లో పేర్కొన్నారు. ఇందుకు కేంద్రంలోని నలుగురు ఉద్యోగులను బాధ్యులను చేశారు. తన మరణానంతరం పేద పిల్లల చదువులకు కేంద్రం అందించాలని సూసైడ్ నోట్‌లో వెల్లడించారు. ఇద్దరు అక్కాచెల్లెళ్లు ఆత్మహత్యకు పాల్పడి రెండు సూసైడ్ నోట్‌లు పెట్టారని ఏసీపీ ఖేరాఘర్‌ తెలిపారు. ఈ ఘటనపై కేసు దర్యాప్తు చేస్తున్నారు. ఈ నోట్‌లో తమ మరణానికి కారణమైన ఆశారాం బాపు లాంటి వారికి జీవిత ఖైదు విధించాలని సీఎం యోగికి వినతి చేశారు.