TTD: తిరుమల శ్రీవారి భక్తులకు తిరుమల తిరుపతి దేవస్థానం (TTD) శుభవార్త అందించింది. జూన్ 13, 2026న నిర్వహించనున్న అంగప్రదక్షిణ సేవకు సంబంధించిన ఈ-డిప్ (e-DIP) టికెట్ల రిజిస్ట్రేషన్ ప్రక్రియను ప్రకటించింది. అర్హత కలిగిన స్థానిక భక్తులు నిర్ణీత సమయంలో నమోదు చేసుకోవాలని సూచించింది.
టీటీడీ వెల్లడించిన వివరాల ప్రకారం.. జూన్ 11వ తేదీ గురువారం ఉదయం 10 గంటల నుంచి సాయంత్రం 4 గంటల వరకు ఈ-డిప్ రిజిస్ట్రేషన్ నిర్వహించనున్నారు. ఇందులో పాల్గొన్న వారిలో ఈ-డిప్ ద్వారా ఎన్నికైన వారికీ జూన్ 13వ తేదీ శనివారం జరిగే అంగప్రదక్షిణ సేవలో పాల్గొనవచ్చు. అయితే ఈ రిజిస్ట్రేషన్ను కేవలం స్థానిక భక్తులకు మాత్రమే పరిమితం చేశారు. తిరుపతి అర్బన్, తిరుపతి రూరల్, తిరుమల, చంద్రగిరి మండలం, రేణిగుంట మండలాలకు చెందిన భక్తులు మాత్రమే దరఖాస్తు చేసుకునేందుకు అర్హులుగా టీటీడీ తెలిపింది.
అర్హత కలిగిన భక్తులు నిర్ణీత సమయ వ్యవధిలోనే తమ రిజిస్ట్రేషన్ పూర్తి చేసుకోవాలని అధికారులు సూచించారు. రిజిస్ట్రేషన్కు సంబంధించిన నిబంధనలు, అవసరమైన వివరాలను ముందుగానే తెలుసుకుని దరఖాస్తు చేసుకోవాలని కోరారు. శ్రీవారి అంగప్రదక్షిణ సేవలో పాల్గొనే భాగ్యం కలిగేలా భక్తులు ఈ అవకాశాన్ని సద్వినియోగం చేసుకోవాలని టీటీడీ బోర్డు తెలిపింది.