మారుతున్న కాలానికి అనుగుణంగా ఆటోమొబైల్ పరిశ్రమలో విప్లవాత్మకమైన మార్పులు చోటుచేసుకుంటున్నాయి. వాహన తయారీ కంపెనీలు లేటెస్ట్ టెక్నాలజీ అందిపుచ్చుకుని వెహికల్స్ ను రూపొందించి అందుబాటులోకి తీసుకొస్తున్నాయి. ఇందులో పెట్రోల్-డీజిల్, ఎలక్ట్రిక్ నుంచి CNG వరకు వాహనాలు ఉన్నాయి. అయితే ఇంతకుముందు CNG ఆప్షన్.. కార్ల బేస్-వేరియంట్లలో మాత్రమే ఉండేది. ఇప్పుడు ఇది బేస్ వేరియంట్లతో పాటు టాప్ వేరియంట్లలో లభిస్తుంది. ప్రీమియం ఫీచర్లు.. మైలేజీలో తోపు సీఎన్జీ కార్లు కావాలనుకుంటే ఈ టాప్ వేరియంట్ CNG కార్లపై ఓ లుక్కేయండి.
Also Read:MLC Ramagopal Reddy: ఎమ్మెల్యే పదవికి వైఎస్ జగన్ రాజీనామా చేయాలి!
మారుతి స్విఫ్ట్
కొత్త మోడల్ మారుతి స్విఫ్ట్ CNG ఆప్షన్ ను ZXI వేరియంట్‌లో కూడా అందిస్తున్నారు. మారుతి స్విఫ్ట్ టాప్ వేరియంట్‌లో లభించే అన్ని ఫీచర్లు ఇందులో అందించబడ్డాయి. ఇది 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, 6-స్పీకర్ సౌండ్ సిస్టమ్, వైర్‌లెస్ ఫోన్ ఛార్జర్, ఆటోమేటిక్ క్లైమేట్ కంట్రోల్ వంటి ఫీచర్లతో వస్తుంది. భద్రత కోసం స్విఫ్ట్‌లో 6 ఎయిర్‌బ్యాగ్‌లు, EBDతో కూడిన ABS, వెనుక పార్కింగ్ సెన్సార్లు, ఎలక్ట్రానిక్ స్టెబిలిటీ కంట్రోల్ వంటి ఫీచర్లు ఉన్నాయి. దీని 1.2-లీటర్ ఇంజన్ CNG మోడ్‌లో 69.75 PS శక్తిని, 101.8 Nm టార్క్‌ను ఉత్పత్తి చేస్తుంది. ఇది 5-స్పీడ్ మాన్యువల్ ట్రాన్స్‌మిషన్‌తో జతచేయబడింది. ఒక కిలో CNG తో ఇది 32.85 కి.మీ మైలేజీని ఇస్తుందని కంపెనీ పేర్కొంది. ధర రూ. 9.20 లక్షలు (ఎక్స్-షోరూమ్).
Also Read:Kishan Reddy: రెండు నెలలుగా స్టాలిన్ వితండవాదం చేస్తున్నాడు..
మారుతి డిజైర్
మారుతి డిజైర్ ZXI, VXI లలో CNG ఆప్షన్‌తో అందించబడుతుంది. ఇందులో 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఫోన్ ఛార్జర్, 6-స్పీకర్ సౌండ్ సిస్టమ్ మరియు ఆటో AC వంటి ఫీచర్లు ఉన్నాయి. భద్రతా లక్షణాలలో 6 ఎయిర్‌బ్యాగులు, హిల్ హోల్డ్ అసిస్ట్, EBD తో ABS, రివర్స్ పార్కింగ్ సెన్సార్లు ఉన్నాయి. దీని CNG పవర్‌ట్రెయిన్ 1.2-లీటర్ ఇంజిన్‌తో పనిచేస్తుంది. ఇది 69.75 PS శక్తిని, 101.8 Nm టార్క్‌ను ఉత్పత్తి చేస్తుంది. దీని CNG పవర్‌ట్రెయిన్ కిలోకు 33.73 కి.మీ వరకు మైలేజీని ఇస్తుంది. ధర రూ. 9.89 లక్షలు (ఎక్స్-షోరూమ్).
Also Read:SK : శివకార్తికేయన్ ‘పరాశక్తి’ లో మరొక స్టార్ హీరో..?
టాటా పంచ్
టాటా పంచ్ CNG పవర్‌ట్రెయిన్ 1.2-లీటర్ ఇంజిన్‌తో అందించబడుతుంది. ఇది 73.5 PS పవర్, 103 Nm టార్క్‌ను ఉత్పత్తి చేస్తుంది. ఇది 10.25-అంగుళాల టచ్‌స్క్రీన్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, క్రూయిజ్ కంట్రోల్, రివర్స్ పార్కింగ్ కెమెరా వంటి ఫీచర్లతో వస్తుంది. భద్రత కోసం ఇది 2 ఎయిర్‌బ్యాగులు, ఎలక్ట్రానిక్ స్టెబిలిటీ కంట్రోల్ వంటి భద్రతా ఫీచర్లను కలిగి ఉంది. టాటా పంచ్ CNG పవర్‌ట్రెయిన్ 26.99 కి.మీ/కి.గ్రా వరకు మైలేజీని అందిస్తుంది. ధర రూ. 10 లక్షలు (ఎక్స్-షోరూమ్).