ఉత్తరాంధ్ర, రాయలసీమపై ప్రభుత్వం కీలక నిర్ణయం
వెనుకబడిన ప్రాంతాల అభివృద్ధే లక్ష్యంగా ఏపీ సర్కార్ కీలక నిర్ణయం తీసుకుంది. ఈ దసరాకు విశాఖ నుంచి పరిపాలన చేయాలని సంకల్పించిన సీఎం జగన్.. ఆ దిశగా కీలక అడుగు వేశారు. మూడు రాజధానుల అంశం సుప్రీం కోర్టులో ఉండటంతో సీఎం క్యాంపు ఆఫీసు ఏర్పాటుపై న్యాయపరమైన చిక్కులు ఎదురు అవ్వచ్చని ప్రభుత్వ వర్గాలు భావిస్తున్నాయి. దీంతో ముగ్గురు ఉన్నతాధికారులతో ఒక కమిటిని ఏర్పాటు చేశారు సీఎం. వివిధ ప్రభుత్వ శాఖలకు చెందిన కార్యదర్శులు, హెచ్వోడీలు, ప్రత్యేక అధికారులు ఇక నుంచి ఉత్తరాంధ్ర జిల్లాలపై ప్రత్యేక దృష్టి పెట్టాలని ఉత్తర్వులు ఇచ్చింది ప్రభుత్వం. విశాఖ, విజయనగరం, శ్రీకాకుళం, మన్యం, అల్లూరి, అనకాపల్లి జిల్లాల్లో అభివృద్ధి, సంక్షేమ పథకాల అమలు, సీఎం హామీల అమలును నిరంతరం సమీక్షించనున్నారు. ఆయా జిల్లాల ఉన్నతాధికారులతో కలిసి క్షేత్రస్థాయిలో పర్యటించడం, సమీక్షలు చేయడం, తప్పనిసరిగా రాత్రి బస కూడా చేయాల్సి ఉంటుందని ఆదేశించారు. ఆయా జిల్లాల్లో ట్రాకింగ్ వ్యవస్థను ఏర్పాటు చేయాల్సిందిగా ప్రభుత్వం ఆదేశాలు జారీ చేసింది. దీంతో అధికారులు ట్రాన్సిట్ అకామిడేషన్ కోసం దరఖాస్తు చేసుకోవాల్సి ఉంటుంది.
చంద్రబాబుపై కేసులు.. నేడు హైకోర్టు తీర్పు, సుప్రీంకోర్టులో వాదనలు
అంగళ్లు కేసులో టీడీపీ అధినేత చంద్రబాబు ముందస్తు బెయిల్ పిటిషన్పై ఆంధ్రప్రదేశ్ హైకోర్టులో విచారణ పూర్తయింది. ఇరువైపుల వాదనలు విన్న న్యాయస్థానం తీర్పును రిజర్వ్ చేసింది. తీర్పును ఇవాళ వెల్లడిస్తామని న్యాయమూర్తి తెలిపారు. అంగళ్లు కేసులో చంద్రబాబు ఏ-1గా ఉన్నారు. హత్యాయత్నంతో పాటు ఇతర సెక్షన్లపై కేసు నమోదైంది. మొత్తం 179 మంది నాయకులపై పోలీసులు కేసులు పెట్టారు. దీనిపై టీడీపీ నేతలు హైకోర్టుకు వెళ్లారు. విచారణ క్రమంలో కొంతమందికి బెయిల్ వచ్చింది. ఇక ఈ కేసులో ఏ-1గా ఉన్న చంద్రబాబు ముందస్తు బెయిల్ పై ఏపీ హైకోర్టు ఇవాళ తీర్పు వెలువరించనుంది. మరోవైపు.. ఏపీ స్కిల్ డెవలప్ మెంట్ కేసులో చంద్రబాబు క్వాష్ పిటిషన్ పై సుప్రీంకోర్టులో విచారణ జరగనుంది. మధ్యాహ్నం 2 గంటలకు జస్టిస్ అనిరుద్ధ బోసు, జస్టిస్ బేల.ఎమ్.త్రివేదిలతో కూడిన ద్విసభ్య ధర్మాసనం ముందు వాదనలు కొనసాగుతాయి. మంగళవారం సెక్షన్ 17ఏ చుట్టూ వాడివేడిగా వాదనలు జరిగాయి. చంద్రబాబు తరఫున సీనియర్ న్యాయవాది హరీష్ సాల్వే వాదనలు వినిపించారు, సీఐడీ తరఫున ముకుల్ రోహత్గీ వాదించారు. మొత్తంగా ఇటు హైకోర్టు తీర్పు ఎలా ఉండబోతోంది.. అటు.. సుప్రీంకోర్టులో ఎలాంటి వాదనలు సాగనున్నాయి అనేది ఆసక్తికరంగా మారింది.
చంద్రబాబుకు వైద్య పరీక్షలు.. ఆరోగ్య పరిస్థితి ఎలా ఉందంటే..?
ఏపీ స్కిల్ డెవలప్మెంట్ కేసులో అరెస్ట్ అయిన టీడీపీ అధినేత చంద్రబాబు నాయుడు ప్రస్తుతం తూర్పుగోదావరి జిల్లాలోని రాజమండ్రి సెంట్రల్ జైలులో రిమాండ్లో ఉన్నారు.. అయితే, చంద్రబాబు ఆరోగ్య పరిస్థితిపై కుటుంబ సభ్యులు, టీడీపీ శ్రేణుల్లో ఆందోళన నెలకొంది.. మరోవైపు.. ఈ రోజు కూడా చంద్రబాబుకు వైద్య పరీక్షలు నిర్వహించారు డాక్టర్లు.. చంద్రబాబు ఆరోగ్యం నిలకడగా ఉందని చెబుతున్నారు. ఈ రోజు ఉదయం వైద్య పరీక్షలు చేసిన వైద్యులు.. ఉక్కపోత కారణంగా చంద్రబాబు ఒంటిపై వచ్చిన దద్దుర్లకు మెడిసిన్ ఇచ్చారు వైద్యులు.. చంద్రబాబు వైద్య సేవలకు మూడు వైద్య బృందాలు ఏర్పాటు చేశామని.. చంద్రబాబు ఆరోగ్యంపై ఆందోళన చెందాల్సిన అవసరం లేదంటున్నారు రాజమండ్రి సెంట్రల్ జైలు అధికారులు.
24 రోజుల తర్వాత కనిపించిన తెలంగాణ సీఎం.. ఫోటో వైరల్
తెలంగాణ సీఎం కేసీఆర్ గత కొంతకాలంగా అనారోగ్యంతో బాధపడుతున్న సంగతి తెలిసిందే. ఈ విషయాన్ని స్వయంగా మంత్రి కేటీఆర్ చెప్పారు. తనకు వైరల్ ఫీవర్ వచ్చిందని కేసీఆర్ తన అధికారిక ట్విట్టర్ ద్వారా వెల్లడించారు. ఈ సమయంలో సీఎం కేసీఆర్కు ప్రగతి భవన్లోనే ప్రత్యేక వైద్య బృందం చికిత్స అందించింది. ఫలితంగా సీఎం కేసీఆర్ మీడియా ముందుకు వచ్చి దాదాపు 24 రోజులైంది. అప్పటి నుంచి సీఎం కేసీఆర్ ఆరోగ్యంపై ఎలాంటి ప్రకటన వెలువడలేదు. ఈ క్రమంలో ఆయన అనుచరులు, అభిమానులు, కార్యకర్తలు తీవ్ర ఆందోళనకు గురయ్యారు. సీఎం కేసీఆర్ ఏమయ్యారని ప్రతిపక్ష నేతలు ప్రశ్నించారు. మరి బండి సంజయ్ బీజేపీ జాతీయ ప్రధాన కార్యదర్శి అయితే… పెద్దాయన ఏమయ్యాడు? ప్రతి అసెంబ్లీ, ప్రెస్ మీట్లో కేసీఆర్ ఆరోగ్యంపై ఆందోళన వ్యక్తం చేశారు. ఈ విషయంలో చాలాసార్లు మంత్రులు కేటీఆర్, హరీశ్ రావులపై విమర్శలు గుప్పించారు. మరోవైపు సీఎం కేసీఆర్ ఆరోగ్యం బాగానే ఉందని మంత్రులు కేటీఆర్, హరీశ్ రావు చెబుతున్నారు. వారు ఎంత చెప్పినా సీఎం కేసీఆర్ మీడియా ముందుకు రాలేదు. ఈ సమయంలో మేనిఫెస్టోపై సీఎం కేసీఆర్, మంత్రులు హరీశ్ రావు, కేటీఆర్ చర్చించినట్లు తెలుస్తోంది. ఇదిలావుంటే.. మంత్రి శ్రీనివాస్ గౌడ్ ఇటీవల ప్రగతి భవన్కు వెళ్లి సీఎం కేసీఆర్ను మర్యాదపూర్వకంగా కలిశారు. మహబూబ్ నగర్ నియోజకవర్గ అభివృద్ధిపై సమగ్ర సమాచారంతో కూడిన పాలమూరు ప్రగతి నివేదిక అనే పుస్తకాన్ని కేసీఆర్ కు అందజేశారు. ఈ క్రమంలో మంత్రి శ్రీనివాస్ గౌడ్ సీఎం కేసీఆర్ తో ఫోటో దిగారు. ఆ ఫోటోను తన అధికారిక ట్విట్టర్ హ్యాండిల్లో పోస్ట్ చేశారు. ఈ ఫోటో చూస్తుంటే కేసీఆర్ దాదాపు నల్లగా ఉన్నట్లే కనిపిస్తోంది. ఆయన పూర్తిగా కోలుకుని ఎన్నికల ప్రచారంలో పాల్గొంటారని నెటిజన్లు ఆశిస్తున్నారు. కాగా, అక్టోబర్ 15 నుంచి కేసీఆర్ స్వయంగా ఎన్నికల ప్రచారంలోకి దిగి హుస్నాబాద్లో భారీ బహిరంగ సభలో ప్రచారాన్ని ప్రారంభించనున్నారు. అదే రోజు అభ్యర్థులకు బి ఫారాలు అందజేస్తారు. అందరికీ మార్గదర్శకం.
ఈ నెల 15న కాంగ్రెస్ తొలి జాబితా విడుదల చేస్తాం.. కోమటి రెడ్డి ప్రకటన
తెలంగాణలో ఎన్నికల హడావుడి నెలకొంది. అన్ని రాజకీయ పార్టీలు రకరకాలుగా ఎన్నికలకు సిద్ధమవుతున్నాయి. షెడ్యూల్ కూడా విడుదల కావడంతో.. అస్త్రశస్త్రాలు సిద్ధం చేస్తున్నారు. అయితే అధికార పార్టీ మాత్రం అందరికంటే ముందుగా అభ్యర్థుల జాబితాను విడుదల చేసి ప్రచారానికి సిద్ధమవుతోంది. మరోవైపు అభ్యర్థుల జాబితాను విడుదల చేసేందుకు ఇతర పార్టీలు కసరత్తు చేస్తున్నాయి. తమ మధ్య కాంగ్రెస్ పార్టీ ఉంటే… గెలుపు గుర్రాలను ఎంపిక చేసేందుకు… స్క్రీనింగ్ కమిటీ సమావేశాల పరంపర జోరుగా సాగుతుంది. అయితే.. అభ్యర్థులపై ఇంత చర్చ జరిగితే.. సీఎం అభ్యర్థిని ఎంపిక చేసేందుకు ఎంతకైనా దిగజారాల్సిందేనని ప్రత్యర్థులు అంటున్నారు. అలాగే..బీఆర్ఎస్ నేతలు..కాంగ్రెస్ లో సీఎం అభ్యర్థి ఎవరని.. ప్రశ్నిస్తూనే ఉంటారు. కాంగ్రెస్ నేతలు కూడా అందుకు అనుగుణంగానే వ్యవహరిస్తూ ఇతరులకు అవకాశం కల్పిస్తున్నారు. సీనియర్లు అంతా సీఎం అభ్యర్థులే అన్నట్లుగా వ్యవహరిస్తున్నారు.. కొత్తగా వచ్చిన వారు ఇష్టం లేకుంటే ఎడంగా తిరుగుతున్నారు.. సీనియర్లు మాత్రం గౌరవించడం లేదు. ఇప్పటి వరకు కాంగ్రెస్లో ఎవరూ అడగకుండానే సీఎం అభ్యర్థి లేరు. కానీ.. తామే సీఎం అభ్యర్థులమన్నట్లుగా వ్యవహరిస్తున్నారు. ఇప్పుడు అదే విషయం అడిగినా.. ఒక్క వ్యక్తి కూడా నిస్సంకోచంగా ఫలానా వ్యక్తి పేరు చెప్పలేకపోతున్నారు. అది తెలంగాణ కాంగ్రెస్ పరిస్థితి.
‘రాజకీయ లబ్ధి కోసమే బీజేపీ ప్రకటనను వక్రీకరించింది’.. సనాతన ధర్మంపై ఉదయనిధి
సనాతన ధర్మంపై చేసిన ప్రకటనను బీజేపీ ప్రభుత్వం తప్పు దారి పట్టించిందని తమిళనాడు మంత్రి ఉదయనిధి స్టాలిన్ అన్నారు. అందుకే సనాతన ధర్మంపై చేసిన ప్రకటన వివాదం చెలరేగింది అన్నారు. రాజకీయ ప్రయోజనాల కోసం బీజేపీ నా ప్రకటనను వక్రీకరించిందని అన్నారు. ఉత్తర భారత మీడియా కూడా తన ప్రకటనను తప్పుగా ప్రచారం చేసిందన్నారు. తమిళనాడు మంత్రి ఉదయనిధి కూడా కేంద్రంలోని మోడీ ప్రభుత్వంపై తీవ్ర స్థాయిలో విరుచుకుపడ్డారు. కేంద్రంలోని మోడీ ప్రభుత్వం తన ప్రతిపక్ష పార్టీలపై దేశవ్యాప్తంగా స్వతంత్ర దర్యాప్తు సంస్థలను ఉపయోగించుకుంటోంది. రాష్ట్ర వ్యవహారాల్లో గవర్నర్ జోక్యం చేసుకుంటున్నారు. దక్షిణ భారత రాష్ట్రాల హక్కులను కూడా కేంద్ర ప్రభుత్వం లాక్కుంటోందని ఆరోపించారు. సమ్మిట్లో తమిళనాడు అభివృద్ధి గురించి కూడా మాట్లాడారు. విద్య, ఆరోగ్యం, పరిశ్రమలపై డీఎంకే ప్రభుత్వం దృష్టి సారిస్తోందన్నారు. పేద పిల్లల చదువుల కోసం పాలసీలు రూపొందించారు. దేశంలోనే తొలిసారిగా ఐటీ పాలసీని తీసుకొచ్చిన రాష్ట్రం తమిళనాడు. సనాధన ధర్మ ప్రకటనకు సంబంధించి దేశం మొత్తం మీద చాలా రాజకీయాలు జరుగుతున్నాయి. ఈ సందర్భంగా పలువురు బీజేపీ నేతలు డీఎంకే అధినేత ఉదయనిధి స్టాలిన్పై తీవ్ర స్థాయిలో విరుచుకుపడ్డారు.
నేడు న్యూజిలాండ్, బంగ్లాదేశ్ మ్యాచ్.. బరిలోకి కేన్ మామ!
వన్డే ప్రపంచకప్ 2023లో భాగంగా నేడు న్యూజిలాండ్, బంగ్లాదేశ్ జట్ల మధ్య మ్యాచ్ జరగనుంది. చెన్నైలోని ఎంఏ చిదంబరం స్టేడియంలో ఈరోజు మధ్యాహ్నం 2 గంటలకు మ్యాచ్ ఆరంభం కానుంది. మెగా టోర్నీలో ఇప్పటికే రెండు మ్యాచ్లు గెలిచిన న్యూజిలాండ్.. హ్యాట్రిక్ విజయంపై కన్నేసింది. ఆడిన రెండు మ్యాచ్లలో ఓ మ్యాచ్ గెలిచిన బంగ్లాదేశ్.. మరో విజయం సాధించాలని చూస్తోంది. ఈ మ్యాచ్లో కివీస్ ఫెవరెట్ అయినా.. బంగ్లాను తక్కువగా అంచనా వేయడానికి వీల్లేదు. బంగ్లా కండిషన్స్ భారత్ మాదిరే ఉంటాయి కాబట్టి.. స్పిన్ మాయాజాలంతో కివీస్ను కట్టడి చేసే అవకాశాలు లేకపోలేదు. బంగ్లాదేశ్తో మ్యాచ్కు ముందు న్యూజిలాండ్కు గుడ్ న్యూస్ అందింది.కివీస్ రెగ్యూలర్ కెప్టెన్ కేన్ విలియమ్సన్ బంగ్లాపై బరిలో దిగనున్నాడు. ప్రస్తుతం కేన్ మామ పూర్తి ఫిట్నెస్ సాధించినట్లు సమాచారం. కేన్ రాకతో కివీస్ బ్యాటింగ్ మరింత పటిష్టంగా మారనుంది. మెగా టోర్నీలో తొలి రెండు మ్యాచ్లకు విలియమ్సన్ దూరమయిన విషయం తెలిసిందే. కేన్ స్థానంలో మొదటి రెండు మ్యాచ్లకు టామ్ లాతమ్ సారథ్యం వచించాడు. ఐపీఎల్ 2023లో గాయపడిన విలియమ్సన్.. అప్పటినుంచి జట్టుకు దూరంగా ఉన్నాడు. మరోవైపు స్టార్ పేసర్ టిమ్ సౌథీ ఇంకా పూర్తి ఫిట్నెస్ సాధించలేదని తెలుస్తోంది. చేతి వేలి గాయంతో బాధపడతున్న సౌథీ.. బంగ్లాతో మ్యాచ్కు కూడా దూరమయ్యే ఛాన్స్ ఉంది. లాకీ ఫెర్గూసన్, ట్రెంట్ బౌల్ట్, జేమ్స్ నీషమ్, ఇష్ సోధి, మిచెల్ సాంట్నర్లతో కూడిన కివీస్ బౌలింగ్ పటిష్టంగానే ఉంది. డెవాన్ కాన్వే, డారిల్ మిచెల్, రచిన్ రవీంద్రలు ఫామ్లో ఉండడం న్యూజిలాండ్కు కలిసొచ్చే అంశం. వీరికి కేన్ మామ కూడా కలవనున్నాడు.
తిలక్ వర్మకు కెప్టెన్సీ బాధ్యతలు.. జట్టు ఇదే! స్టార్ ఆటగాళ్లు భాగం
టీమిండియా యువ క్రికెటర్, తెలుగు ఆటగాడు తిలక్ వర్మ బంపరాఫర్ కొట్టేశాడు. ఏకంగా కెప్టెన్గా ప్రమోషన్ పొందాడు. దేశవాళీ జాతీయ టీ20 క్రికెట్ టోర్నీ సయ్యద్ ముస్తాక్ అలీ ట్రోఫీలో పాల్గొనే హైదరాబాద్ జట్టును తిలక్ ముందుండి నడిపించనున్నాడు. సయ్యద్ ముస్తాక్ అలీ ట్రోఫీలో పాల్గొనే హైదరాబాద్ జట్టును తాజాగా హెచ్సీఏ అధికారులు ప్రకటించింది. హైదరాబాద్ జట్టుకు కెప్టెన్గా తిలక్ వర్మను ప్రకటించారు. ప్రస్తుతం తిలక్ వర్మ అద్భుతమైన ఫామ్లో ఉన్న విషయం తెలిసిందే. ఇటీవలే ముగిసిన ఆసియా క్రీడలు 2023లో తిలక్ రాణించాడు. అంతకుముందు వెస్టిండీస్ సిరీస్లో ఆకట్టుకున్నాడు. ఈ క్రమంలో హైదరాబాద్ జట్టు కెప్టెన్సీ బాధ్యతలను హెచ్సీఏ తిలక్కు అప్పగించింది. సయ్యద్ ముస్తాక్ అలీ ట్రోఫీ అక్టోబర్ 16 నుంచి ఆరంభం అవుతుంది. ఈ టోర్నీలో టీమిండియా వెటరన్ ప్లేయర్స్ అజింక్య రహానే, భువనేశ్వర్ కుమార్ సహా.. యువ ఆటగాళ్లు రింకూ సింగ్, ఉమ్రాన్ మాలిక్ పాల్గొననున్నారు.
మీ పర్సుని అక్కడ పెడుతున్నారా? అయితే ఇది ఒక్కసారి చూడండి..
అమ్మాయిలు హ్యాండ్ బ్యాగ్ ను వాడుతారు.. అదే అబ్బాయిలు పర్సును వాడుతుంటారు..పర్సును చాలా మంది మగవారు ప్యాంట్ వెనుక జేబులో పెడుతూంటారు. ఎందుకుంటే పెట్టుకోవడానికి, తీసుకోవడానికి సులువగా ఉంటుందని.. ఇలా వెనుక జేబులో పెట్టుకోవడం వల్ల దొంగతనాలు కూడా ఎక్కువగా జరుగుతూంటాయి. ఇక ఈ విషయం పక్కన పెడితే.. ప్యాంట్ వెనుక పాకెట్ లో పెట్టుకోవడం వల్ల పలు రకాల సమస్యలను ఎదుర్కొనాల్సి వస్తుందని ఆరోగ్య నిపుణులు చెబుతున్నారు.. ఎటువంటి సమస్యలు వస్తాయో వివరంగా తెలుసుకుందాం.. ఇలా వెనుక పెట్టడం వల్ల భుజాలు, మెడ, వెన్ను సమస్యలు వస్తాయి. ఇప్పటికే చాలా మంది ఈ సమస్యలను ఫేస్ చేసే ఉంటారు. చాలా మంది వాలెట్ లో ఎన్నో రకాల కార్డ్స్, డబ్బులు, బిల్స్ వంటివి అందులోనే పెడుతూంటారు.