*ఎమ్మెల్యే పిన్నెల్లిని అరెస్ట్ చేయాలని ఈసీ ఆదేశాలు
మాచర్ల సంఘటనపై కేంద్ర ఎన్నికల సంఘం సీరియస్ అయింది. ఎమ్మెల్యే పిన్నెల్లి రామకృష్ణారెడ్డిని అరెస్ట్ చేయాలని ఆదేశాలు జారీ చేసింది. ఈ మేరకు ఏపీ సీఈఓ ముకేష్‌కుమార్‌ మీనాకు కేంద్ర ఎన్నికల సంఘం తాఖీదు పంపింది. మాచర్ల ఎమ్మెల్యే పిన్నెల్లి ఈవీఎం ధ్వంసం సంఘటనపై ఏపీ సీఈఓను కేంద్ర ఎన్నికల సంఘం వివరణ అడిగింది. ఈ సంఘటనలో ఎమ్మెల్యే ప్రమేయం ఉందా అని సీఈసీ ప్రశ్నించింది. ఒకవేళ ఎమ్మెల్యే ప్రమేయం ఉంటే కేసు ఎందుకు పెట్టలేదని అడిగింది. కేసులో ఎమ్మెల్యేను నిందితుడిగా చేర్చారా అని సీఈఓను కేంద్ర ఎన్నికల సంఘం నిలదీసింది. ఒకవేళ నిందితుడిగా చేరిస్తే ఎమ్మెల్యేను అరెస్ట్ చేశారా? లేదా? అని ఎన్నికల సంఘం ప్రశ్నించారు. ఒకవేళ కేసు పెట్టకపోతే వెంటనే ఎఫ్ఐఆర్ రిజిస్టర్ చేయాలని ఆదేశాలు జారీ చేసింది. ఈ రోజు సాయంత్రం 5 గంటల్లోపు తమకు నివేదిక ఇవ్వాలని ఆదేశించింది కేంద్ర ఎన్నికల సంఘం. మాచర్ల వైసీపీ ఎమ్మెల్యే పిన్నెల్లి రామకృష్ణారెడ్డి ఒక పోలింగ్‌ కేంద్రంలోకి దూసుకెళ్లి ఈవీఎంను ధ్వంసం చేసిన వీడియో సోషల్ మీడియాలో వైరల్‌గా మారింది. ఈ నెల 13న ఏపీలో పోలింగ్‌ సందర్భంగా జరిగిన ఆ ఘటనకు సంబంధించి సీసీ కెమెరాలో రికార్డయిన వీడియో మంగళవారం వెలుగులోకి వచ్చింది. రెంటచింతల మండలంలోని పాల్వాయిగేటు పోలింగ్‌ కేంద్రం 202లో ఎమ్మెల్యే ఈ చర్యకు పాల్పడినట్లు చెబుతున్నారు. తొలుత గుర్తు తెలియని వ్యక్తులు ఈవీఎం ధ్వంసం చేసినట్లు కేసు నమోదు చేసిన పోలీసులు.. తాజాగా వీడియో బయటకు రావడంతో.. ఎమ్మెల్యేను నిందితుడిగా చేర్చారు. ఈ విషయాన్ని ఈసీ చాలా తీవ్రంగా పరిగణిస్తూ, ఈ ఘటనల్లో ప్రమేయం ఉన్న వ్యక్తులందరిపై కఠిన చర్యలు తీసుకోవాలని డీజీపీకి తెలియజేయాలని సీఈవో ముఖేష్ కుమార్ మీనాను ఆదేశించింది. తద్వారా ఎన్నికలు శాంతియుతంగా నిర్వహించే విషయంలో భవిష్యత్తులో ఎవరూ ఇటువంటి దుశ్చర్యలకు సాహసం చేయరని ఎన్నికల సంఘం భావిస్తోంది. ఈవీఎం ధ్వంసానికి బాధ్యులైన వారిపై కఠిన చర్యలు తీసుకోవాలని ఈసీ ఆదేశాలు జారీ చేసింది.
*తిరుమలలో కల్యాణ మండపం.. సీఎం రేవంత్ కీలక నిర్ణయం
తెలుగు రాష్ట్రాల మధ్య సత్సంభదాలతో అభివృద్ది పథంలో నడవాలని తెలంగాణ సీఎం రేవంత్ రెడ్డి అన్నారు. ఏపిలో కొత్త ప్రభుత్వం ఏర్పడిన తరువాత కలసి ముందుకు సాగుతామన్నారు. తిరుమలలో తెలంగాణ ప్రభుత్వం తరపున కళ్యాణ మండపం నిర్మించాలని భావిస్తున్నామన్నారు. నూతన ప్రభుత్వం ఏర్పడిన తరువాత ప్రకియను ప్రారంభిస్తామన్నారు. ఫలితాల ప్రక్రియ ముగిసిన తరువాత తప్పకుండా తెలంగాణ రాష్ట్ర ప్రభుత్వం తరుపున సత్ర నిర్మాణానికి అవకాశం ఉంటే కళ్యాణ మండపం నిర్మించి స్వామి వారి సేవ కొనసాగిస్తామని రాష్ట్ర ప్రభుత్వం తరుపున కోరుకుంటున్నా అన్నారు. తొందరలోనే ఆంధ్ర ప్రదేశ్‌ ముఖ్యమంత్రిని కలిసి విజ్ఞప్తి చేసి స్వామి వారి సేవలో తెలంగాణ రాష్ట్ర ప్రభుత్వం కూడా భాగస్వామ్యం అయ్యే విధంగా చూస్తామన్నారు. రాజకీయాలపై రేవంత్ రెడ్డి స్పందిస్తూ.. తిరుపతి కొండపై రాజకీయాలు మాట్లాడకూడదని అన్నారు. తప్పకుండా మంచి వాతావరణం ఉందన్నారు. వాతావరణ మంచిగా అనుకూలించిందన్నారు. గత సంవత్సరం కరువు వచ్చినా.. తాగు నీటి సమస్యలు ఉన్నా సమస్యలను అధిగమించి మంచి బుతుపవనాలు మంచి కాలం ఉందన్నారు. వానలు పడాలి, పంటలు పండాలన్నారు. రెండు తెలుగు రాష్ట్రాలు సుభిక్షంగా ఉండాలనేదే మా ఆలోచన అన్నారు. ప్రధాన ఆలోచన కూడా రైతాంగాన్ని ఆదుకోవడం, దేశం యొక్క సంపదను పెంచాలనేదే అన్నారు. తెలంగాణ సీఎం రేవంత్ రెడ్డి కుటుంబ సభ్యులతో కలిసి ఇవాళ ఉదయం తిరుమల శ్రీవారిని దర్శించుకున్నారు. టీటీడీ ఈవో ఎవి ధర్మారెడ్డి వారికి స్వాగతం పలికి దర్శన ఏర్పాట్లు చేశారు. ఉదయం రేవంత్ రెడ్డి తన మనవడు శ్రీనుకి తలనీలాలు చెల్లించుకున్న విషయం తెలిసిందే..
*అల్లర్లు చెలరేగిన ప్రాంతాల్లోనే సిట్ మకాం
ఏపీలో ఎన్నికల తర్వాత జరిగిన హింసాత్మక ఘటనలపై సిట్ దర్యాప్తు కొనసాగుతోంది. ఇప్పటికే ప్రాథమిక రిపోర్టు ఇచ్చిన ప్రత్యేక దర్యాప్తు బృందం.. అల్లర్లు చెలరేగిన ప్రాంతాల్లోనే ఇంకా మకాం వేసింది. మూడు బృందాలుగా విడిపోయిన అధికారులు తిరుపతి, అనంతపురం, పల్నాడు జిల్లాల్లో ఉన్నారు. ఇప్పటికే క్షేత్ర స్థాయి పర్యటనలు పూర్తి చేశారు. అవసరమైతే మళ్ళీ దాడులు జరిగిన ప్రాంతాలకు వెళ్లే ఆలోచనలో ఉన్నారు. మొత్తం 33 కేసులు నమోదయ్యాయి. మొత్తం 124 మందిని అరెస్ట్ చేశారు. నరసరావు పేట, మాచర్ల పరిధిలో స్థానిక పోలీసులు ఒక్కరినీ అరెస్ట్ చేయలేదు. అల్లర్లలో మొత్తం 1370 మందిని నిందితులుగా గుర్తించారు. వీరిలో 1152 మంది పరారీలో ఉన్నట్టు సిట్ గుర్తించింది. తాడిపత్రిలో 636 మంది, పల్నాడు జిల్లాలో 471 మంది, తిరుపతిలో 41 మంది పరారీలో ఉన్నట్లు సిట్ గుర్తించింది. ఆయా జిల్లాల్లో పోలీసులు విచారిస్తున్న తీరుపై సిట్ మరో నివేదిక ఇవ్వనుంది. ఇవాళ మరోసారి తాడిపత్రికి సిట్ బృందం వెళ్లనుంది. పోలింగ్‌ తర్వాత జరిగిన కేసుల్లో జిల్లాల పోలీసులు విచారిస్తున్న తీరుపై ఆరా తీయనుంది. తాడిపత్రిలో 728 మంది అల్లర్లలో పాల్గొన్నట్లు సిట్ గుర్తించింది. తాడిపత్రిలో 634 మంది పరారీలో ఉండగా.. అందులో 332 మంది నిందితులను గుర్తించాల్సి ఉన్నట్టు నిర్ధారించింది. ఆయా జిల్లాల పోలీసులు కేసులు విచారిస్తున్న తీరుపై సిట్ మరో నివేదిక ఇవ్వనుంది.
*విషాదం.. కారులో ఊపిరాడక చిన్నారి మృతి..
భద్రాద్రి కొత్తగూడెం జిల్లాలో విషాదం చోటుచేసుకుంది. అప్పటిదాకా మన కళ్ల ముందు ఆడుకుంటూ కనిపించిన చిన్నారి అనంతలోకాలకు వెళ్లిపోయింది. కారు డోర్ లాక్ కావడంతో ఊపిరాడక తుది శ్వాస విడిచింది. ఈ విషాదం మణుగూరు మండలం సాంబాయిగూడెంలో వెలుగు చూసింది. సాంబయ్య గూడెంలో మడకం సాయి, లిఖిత కుటుంబం నివాసం ఉంటుంది. వీరికి కల్నిష అనే మూడేళ్ల చిన్నారి ఉంది. అయితే నిన్న సాయంత్రం తల్లి లిఖిత పాపకు నిద్రపోతున్న సమయంలో తన మూడేళ్ల కూతురు కల్నిష ఇంటి బయట నిలిచిన కారు ఉన్న ప్రాంతంలో తోటి పిల్లలతో ఆడుకుంటుంది.అయితే అక్కడే వున్న కారులోకి కల్నిషా ఎక్కి ఆడుకుంటుంది. అయితే.. కారు డోర్లు ఇక్కసారిగా పడి లాక్ అయిపోయాయి. అక్కడే ఆడుకుంటున్న పిల్లలు కూడా కల్నిషా కారులో ఉన్నట్లు గమనించిలేదు. అయితే కల్నిషా బయట పిల్లను చూస్తూ బయటికి రావడానికి అవకాశం లేకపోయింది. దీంతో కారులో ఊపిరాడక స్పృహ తప్పింది. అయితే సాయంత్రం గాలి దుమ్ములు రావడంతో తల్లిదండ్రులు తమ పాప లేదని వెతుక్కుంటూ బయటకు వచ్చారు. పాప కనిపించకుండా పోవడంతో.. చివరికి కార్లో స్పృహ తప్పిన పాప కనిపించింది. కారు లాక్ తీసిన తల్లిదండ్రులు పాపను వెంటనే ఆసుపత్రికి తీసుకెళ్లగా అప్పటికే మృతి చెందనట్లు డాక్టర్లు చెప్పారు. దీంతో కుటుంబ సభ్యులు పాప మృతదేహాన్ని ఇంటికి తీసుకొచ్చారు. అల్లారు ముద్దుగా పెంచి పెద్ద చేసిన అల్లారుడి మూడేళ్ల కూతురు మృతి చెందడంతో తల్లిదండ్రులు కన్నీరుమున్నీరుగా విలపించారు. ఈ ఘటనకు సంబంధించి పోలీసులు ప్రమాదవశాత్తు మృతిగా కేసు నమోదు చేసి దర్యాప్తు చేస్తున్నారు.
*ప్రియాంకగాంధీ అందుకే ఎన్నికల్లో పోటీ చేయలేదు : ఖర్గే
కాంగ్రెస్ అధినేత్రి ప్రియాంక గాంధీ రాయ్‌బరేలీ నుంచి ఈసారి ఎన్నికల్లో పోటీ చేయడంపై చర్చ జోరుగా సాగింది. ప్రియాంక గాంధీ ఈసారి తన రాజకీయ జీవితంలో తొలి ఎన్నికల్లో పోటీ చేయవచ్చని అంతా భావించారు. అయితే, ఈసారి కూడా ఈ ఊహాగానాలన్నీ తప్పని రుజువు కావడంతో రాహుల్ గాంధీ రాయ్ బరేలీ నుంచి నామినేషన్ దాఖలు చేశారు. అమేథీ లోక్‌సభ స్థానం నుండి ప్రియాంకకు అవకాశం లభించలేదు. అక్కడ కాంగ్రెస్ పాత విధేయుడైన కిషోరి లాల్ శర్మకు అవకాశం ఇచ్చింది. రెండు స్థానాల్లో ఓటింగ్ జరిగింది. అయితే ఎన్నికల్లో ప్రియాంకను పోటీ చేయకూడదని ఎవరి నిర్ణయం అన్నది ఇప్పటి వరకు ప్రజల మదిలో మెదులుతున్న ప్రశ్న. దీనిపై కాంగ్రెస్ అధ్యక్షుడు మల్లికార్జున్ ఖర్గే స్పందించారు. ఈ నిర్ణయం సోనియా గాంధీ, రాహుల్, ప్రియాంక స్వయంగా తీసుకున్నదని ఖర్గే అన్నారు. సోనియా గాంధీ 30 ఏళ్లుగా రాజకీయాల్లో ఉన్నారని, ఎన్నికల్లో ఎవరు ఎక్కడి నుంచి పోటీ చేయాలో ఆమెకు బాగా తెలుసని అన్నారు. ఖర్గే మాట్లాడుతూ, ‘ప్రియాంక గాంధీ కూడా మా స్టార్ క్యాంపెయినర్. రాహుల్ గాంధీతో కలిసి ప్రచారంలో బిజీగా ఉన్నారు. సోనియా ఆరోగ్యం బాగాలేదు. ఆమె డిమాండ్ ఉంది. ఆమె మాట వినడానికి వేలాది మంది వస్తారు. రాహుల్, ప్రియాంక ఇద్దరూ మా నాయకులేనని ఖర్గే అన్నారు. రెండింటినీ ఒకే చోట నాటితే మిగతా చోట్ల ఏమవుతుంది. ఆమె అందరికీ సహాయం చేయాలి. ఆమె ఎలాంటి నిర్ణయం తీసుకున్నా స్వాగతిస్తున్నాం. ఇంకా చాలా మంది పెద్ద నాయకులు ఎన్నికల్లో పోటీ చేయలేదన్నారు. ఎందుకంటే అప్పటికే చాలా మంది అసెంబ్లీలో అడుగుపెట్టారు. దీంతో పాటు తనకు కాకుండా మరొకరికి అవకాశం కల్పించాలనేది వారి వ్యూహం. సీనియర్ నేతలు దేశమంతటా పార్టీ కోసం ప్రచారం చేయాలన్నదే మా కోరిక అని ఖర్గే అన్నారు. అందరినీ ఎన్నికల్లో పోటీ చేయమని అడగలేం. ఎన్నికల్లో పోటీ చేసే వారిని బలోపేతం చేస్తున్నాం. అయితే పార్టీ వ్యూహం సిద్ధం చేసే వారు కూడా మాకు ముఖ్యం. నేడు దేశంలోని అన్ని సంస్థలను బీజేపీ తుంగలో తొక్కిందని ఖర్గే అన్నారు. ఇలాంటి పరిస్థితుల్లో పిల్లల నుంచి వృద్ధుల వరకు అందరికీ ఈ ఎన్నికలు కీలకం. ఈ సందర్భంగా ఖర్గే కాంగ్రెస్ 328 స్థానాల్లో మాత్రమే పోటీ చేస్తుందని కూడా చెప్పారు. తోటి పార్టీలతో సీట్లు పంచుకోవాల్సిన పరిస్థితి వచ్చిందని అందుకే ఇలా వ్యూహాత్మకంగా చేశామన్నారు. ఇదొక్కటే కాదు, 2004 లాగే ఎన్నికల్లో గెలిచిన తర్వాత ప్రధానమంత్రి పదవిపై నిర్ణయం తీసుకుంటామని ఖర్గే చెప్పారు. 2004 సార్వత్రిక ఎన్నికల మాదిరిగానే ఆశ్చర్యపరుస్తామని చెప్పారు. అటల్ బిహారీ వాజ్‌పేయి ప్రభుత్వం తిరిగి రావచ్చని అప్పుడు కూడా చర్చ జరిగింది, కానీ ఫలితాలు ఆశ్చర్యకరంగా ఉన్నాయి. భాగస్వాముల కోసం రాజీ పడ్డామని, చరిత్రలో అతి తక్కువ సీట్లలో పోటీ చేయాలని నిర్ణయించుకున్నామని ఖర్గే చెప్పారు.
*బెంగళూర్ రేవ్ పార్టీ ఎంట్రీ ఫీజుతో హైదరాబాదులో లగ్జరీ ఫ్లాట్ కొనేయచ్చు తెలుసా?
బెంగళూరు ఎలక్ట్రానిక్ సిటీ సమీపంలోని ఓ ఫాం హౌస్‌ లో జరిగిన రేవ్ పార్టీ లో ఐదుగురిని పోలీసులు నిందితులుగా చేర్చిన విషయం తెలిసిందే. ఈ పార్టీపై బెంగళూరు పోలీసులు దాడి చేసి పలువురిని అదుపులోకి తీసుకున్నారు. . పార్టీలో డ్రగ్స్ తో పాటు ఇతర మాదక. ద్రవ్యాలను వినియోగించారనే ఆరోపణలు రావడంతో.. అదుపులో తీసుకున్న వారి నుంచి బ్లడ్ శాంపిల్స్ సేకరించారు. రిసార్ట్స్ ఆవరణలో సర్వేపల్లి ఎమ్మెల్యే… రాష్ట్ర మంత్రి కాకాని గోవర్ధన్ రెడ్డి పేరుతో స్టిక్కర్ ఉన్న కారును కూడా పోలీసులు స్వాధీనం చేసుకున్నారు. అంతేగాక కారులో కొన్ని పత్రాలు కూడా లభ్యమైనట్లు తెలిసింది. ఈ విషయం వెలుగులోకి రావడంతో ఆ స్టిక్కర్ తో తనకు సంబంధం లేదని.. అది వారికి ఎలా వచ్చిందో విచారణ చేయాలని కోరుతూ కాకాని వ్యక్తిగత సహాయకుడు శంకర్… నెల్లూరు పోలీసులకు ఫిర్యాదు చేశారు. అయితే ఈ రేవ్ పార్టీ చాలా కాస్ట్లీ అని అంటున్నారు. ఈ రేవ్ పార్టీకి ఒక్క రోజుకు ఎంట్రీ ఫీజు అక్షరాలా రూ.50 లక్షలు అని పోలీసుల విచారణలో వెల్లడైనట్లు చెబుతున్నారు. సోమవారం తెల్లవారుజామున బెంగళూరులోని ఎలక్ట్రానిక్ సిటీ సమీపంలో ఉన్న ఫామ్ హౌస్‌లో జరుగుతున్న ఈ రేవ్ పార్టీపై బెంగళూరు సెంట్రల్ క్రైమ్ బ్రాంచ్ పోలీసులు దాడి చేసి ఆ రేవ్ పార్టీలో భారీగా మత్తు పదార్థాలు స్వాధీనం చేసుకున్నట్లు వివరించారు. 17 ఎండీఎంఏ ట్యాబ్లెట్లు, కొకైన్, ఇతర డ్రగ్స్.. ఆ ఫామ్ హౌస్‌లో దొరికినట్లు చెబుతన్నారు. వాసు అనే వ్యక్తి బర్త్ డే సందర్భంగా ఈ పార్టీని ఏర్పాటు చేయగా మరో 15 లగ్జరీ కార్లను కూడా ఫామ్ హౌజ్ వద్ద పార్కింగ్ చేసినట్లు పేర్కొన్నారు. ఈ రేవ్ పార్టీపై ఎలక్ట్రానిక్ సిటీ పోలీస్ స్టేషన్‌లో కేసు నమోదైంది. ఇక ఎంట్రీ ఫీజు గురించి చర్చ జరుగుతోంది. 50 లక్షలతో హైదరాబాద్ శివార్లలో ఒక లగ్జరీ అపార్ట్మెంట్ కొనుక్కోవచ్చని కామెంట్స్ చేస్తున్నారు నెటిజన్లు.
*దర్శనం కాకుండానే తిరిగి వస్తున్న యాత్రికులు.. కారణం ఇదే ?
చార్‌ధామ్ ప్రయాణం సాఫీగా సాగేందుకు ప్రభుత్వం, యంత్రాంగం చేస్తున్న ప్రయత్నాలు ఫలించడం లేదు. తీర్థయాత్రలకు వచ్చిన చాలా మంది భక్తులు డ్యామ్‌లను సందర్శించకుండానే ఇంటికి తిరిగి రావడం ప్రారంభించారు. పరిపాలన తాత్కాలిక రిజిస్ట్రేషన్ విధానాన్ని కూడా ప్రారంభించింది, అయితే ఇప్పటి వరకు దాదాపు నాలుగు వేల మంది యాత్రికులు రిషికేశ్ నుండి ఇంటికి తిరిగి వచ్చారు. ఉత్తరాఖండ్‌కు చేరుకున్నా ధామ్‌లను సందర్శించలేకపోవడం విచారకరమని యాత్రికులు వాపోయారు. ఇది వారి జీవితంలో అత్యంత చెత్త అనుభవంగా అభివర్ణిస్తున్నారు. ఆఫ్‌లైన్ రిజిస్ట్రేషన్ మూసివేయబడినప్పుడు రిషికేశ్‌లో ఆపివేయబడిన సుమారు 12 వేల మంది యాత్రికులను ధామ్‌లను సందర్శించడానికి అనుమతించడానికి పరిపాలన తాత్కాలిక రిజిస్ట్రేషన్ ఏర్పాట్లు చేసింది. తాత్కాలిక రిజిస్ట్రేషన్ చేసిన తర్వాత, ఈ యాత్రికులను పవిత్ర స్థలాలకు పంపాలని పరిపాలన ప్రణాళిక చేసింది, అయితే అలాంటిదేమీ జరగలేదు. సోమవారం సాయంత్రం 5 గంటలకు తాత్కాలిక రిజిస్ట్రేషన్ వ్యవస్థను కూడా పరిపాలన మూసివేసింది. ట్రాన్సిట్ క్యాంప్ అడ్మినిస్ట్రేషన్ ప్రకారం.. 12 వేల మంది ప్రయాణికులకు వ్యతిరేకంగా కేవలం ఆరు వేల మంది ప్రయాణికుల తాత్కాలిక రిజిస్ట్రేషన్ మాత్రమే చేయవచ్చు. మిగిలిన ఆరు వేల మందిలో దాదాపు నాలుగు వేల మంది యాత్రికులు దర్శనం లేకుండానే వెనుదిరిగారు. దాదాపు రెండున్నర వేల మంది యాత్రికులు ఇప్పటికీ ట్రాన్సిట్ క్యాంపు ప్రాంగణం, ధర్మశాలలలో ఉన్నారు. ఆఫ్‌లైన్ రిజిస్ట్రేషన్‌ను మే 31 వరకు మూసివేయాలని పరిపాలన నిర్ణయించింది. ట్రాన్సిట్ క్యాంపులో ఉన్న ప్రయాణీకులలో సుమారు 800 మంది ప్రయాణికులు ఆఫ్‌లైన్ రిజిస్ట్రేషన్ ప్రారంభమయ్యే వరకు ఇక్కడే ఉంటామని ప్రతిజ్ఞ చేశారు. ధృవ దేవుడి కోసం నిరవధికంగా ఎదురుచూశాడని చెప్పాడు. ఆఫ్‌లైన్ రిజిస్ట్రేషన్ ప్రారంభించడానికి వెయిట్ చేస్తామన్నారు. ఈ ప్రయాణికులకు వసతి, భోజన ఏర్పాట్లు చేశామని అధికార యంత్రాంగం చెబుతోంది. ఏప్రిల్ 4 నుంచి రిషికేశ్ ఆర్టీఓ కార్యాలయంలో గ్రీన్ కార్డుల తయారీ ప్రారంభమైంది. మే 20 వరకు ఇక్కడి నుంచి 23,063 గ్రీన్‌కార్డులు, 16,923 వాహనాలకు ట్రిప్‌కార్డులు తయారు చేశారు. ఈ వాహనాల్లో ఇప్పటివరకు 1,52,963 మంది యాత్రికులు రిషికేశ్ నుండి ధామ్‌లను సందర్శించడానికి వెళ్లారు. రవాణా శాఖ లెక్కల ప్రకారం 11,520 వాహనాలు వెళ్లిపోయాయి. ట్రాఫిక్ నిబంధనలు ఉల్లంఘించినందుకు గాను 1400 వాహనాలకు చలాన్లు జారీ చేయగా 20 వాహనాలను సీజ్ చేశారు. తాత్కాలిక రిజిస్ట్రేషన్ వ్యవస్థను కూడా మూసివేశారు. ఏం చేస్తే బాగుంటుందో అత్యున్నత స్థాయిలో పర్యవేక్షణ జరుగుతోంది.
*ఐపీఎల్‌లో చరిత్ర సృష్టించిన శ్రేయాస్ అయ్యర్.. ఏకైక కెప్టెన్‌గా అరుదైన రికార్డు!
కోల్‌కతా నైట్ రైడర్స్‌ (కేకేఆర్) కెప్టెన్ శ్రేయాస్ అయ్యర్ చరిత్ర సృష్టించాడు. ఐపీఎల్‌లో రెండు ఫ్రాంచైజీలను ఫైనల్‌కు తీసుకెళ్లిన ఏకైక కెప్టెన్‌గా శ్రేయస్ రికార్డుల్లో నిలిచాడు. ఐపీఎల్ 2024లో భాగంగా మంగళవారం అహ్మదాబాద్ వేదికగా సన్‌రైజర్స్ హైదరాబాద్‌తో జరిగిన క్వాలిఫయిర్-1 మ్యాచ్‌లో కేకేఆర్ 8 వికెట్ల తేడాతో విజయం సాధించింది. ఈ విజయంతో కోల్‌కతా ఫైనల్‌కు చేరడంతో శ్రేయస్ ఖాతాలో అరుదైన రికార్డు చేరింది. ఐపీఎల్ 2020 సీజన్‌లో ఢిల్లీ క్యాపిటల్స్‌ను శ్రేయస్ అయ్యర్ ఫైనల్‌కు చేర్చాడు. ముంబై ఇండియన్స్ చేతిలో ఓడి రన్నరప్‌గా నిలిచింది. ఐపీఎల్ 2024 ముందు ఢిల్లీ ఫ్రాంచైజీ అతడిని వదులుకుంది. కేకేఆర్‌కు వచ్చిన శ్రేయస్.. మరోసారి తన కెప్టెన్సీ మార్క్‌ను చూపించాడు. లీగ్ దశలో అద్భుత విజయాలతో కోల్‌కతాను అగ్రస్థానంలో నిలిపాడు. క్వాలిఫయిర్-1లోనూ సన్‌రైజర్స్ హైదరాబాద్‌ను తన నాయకత్వంతో కట్టడి చేశాడు. ఇక క్వాలిఫయిర్-2 విజేతతో చెపాక్ వేదికగా ఆదివారం కేకేఆర్ ఫైనల్ మ్యాచ్ ఆడనుంది. ఈ మ్యాచ్‌లో ముందుగా బ్యాటింగ్ చేసిన సన్‌రైజర్స్ హైదరాబాద్ 19.3 ఓవర్లలో 159 పరుగులకు ఆలౌట్ అయింది. రాహుల్ త్రిపాఠి (55; 35 బంతుల్లో 7×4, 1×6) ఒంటరి పోరాటం చేశాడు. క్లాసెన్‌ (32; 21 బంతుల్లో 3×4, 1×6), కమిన్స్‌ (30; 24 బంతుల్లో 2×4, 2×6) రాణించారు. లక్ష్య చేధనలో కోల్‌కతా 13.4 ఓవర్లలో 2 వికెట్లకు 164 పరుగులు చేసి గెలిచింది. వెంకటేశ్‌ అయ్యర్ (51 నాటౌట్‌; 28 బంతుల్లో 5×4, 4×6), శ్రేయస్ అయ్యర్ (58 నాటౌట్‌; 24 బంతుల్లో 5×4, 4×6) చెలరేగారు.