IND vs AUS : భారత్, ఆస్ట్రేలియా 4వ టెస్ట్, 3359 రోజుల క్రితం ప్రపంచ రికార్డు బద్దలయ్యే ఛాన్స్

IND vs AUS : భారత్, ఆస్ట్రేలియా మధ్య జరుగుతున్న బోర్డర్-గవాస్కర్ సిరీస్ చివరి దశకు చేరుకుంది. ఈ సిరీస్‌లో చివరిదైన నాలుగో టెస్ట్ అహ్మదాబాద్‌లో జరగనుంది. ఈ మ్యాచులో గెలిచి తీరాలని ఇరు జట్లూ తమ శాయశక్తులా ప్రయత్నిస్తాయి. ఎందుకంటే టెస్టు మ్యాచ్ గెలిచి సిరీస్ సమం చేయాలని ఆస్ట్రేలియా భావిస్తోంది. అదే సమయంలో, టీమ్ ఇండియా ఈ టెస్టులో విజయం సాధించి సిరీస్‌తో WTC ఫైనల్‌కు చేరుకోవాలని కసితో ఉన్నారు. ప్రస్తుతం సిరీస్‌లో టీమిండియా 2-1 ఆధిక్యంలో ఉంది. ఇక్కడ ప్రశ్న ఆటగాళ్లు, వారి ప్రదర్శన గురించి కాదు. భారతదేశంలో పాత ప్రపంచ రికార్డును బద్దలు కొట్టి కొత్త చరిత్ర సృష్టించడం గురించి. ఈ రికార్డు స్టేడియంలో ఉన్న ప్రేక్షకుల సంఖ్య. ఈ ప్రపంచ రికార్డు 3359 రోజుల క్రితం నమోదైంది. ఇప్పుడు ఈ ప్రపంచ రికార్డును 3360వ రోజు బద్దలు కొట్టవచ్చు. భారత్-ఆస్ట్రేలియా మధ్య టెస్టు మ్యాచ్ ఇంకా ప్రారంభం కానప్పటికీ.. రికార్డును బద్దలు కొట్టే సూచనలు కనిపిస్తున్నాయి.

ప్రస్తుతం ఈ రికార్డు ఎవరి పేరు?
టెస్టు క్రికెట్‌లో ఒకే రోజులో అత్యధిక సంఖ్యలో ప్రేక్షకులు హాజరైన రికార్డు ఆస్ట్రేలియాలోని మెల్‌బోర్న్ క్రికెట్ గ్రౌండ్ పేరిట ఉంది. 3359 రోజుల క్రితం అంటే 26 డిసెంబర్ 2013న ఈ మైదానంలో మొత్తం ప్రేక్షకుల సంఖ్య 91092. టెస్టు క్రికెట్‌లో ఒక్కరోజులో స్టేడియం హాజరు కావడం ఇదే రికార్డు. ఆస్ట్రేలియా, ఇంగ్లండ్ జట్ల మధ్య జరుగుతున్న యాషెస్ సిరీస్‌లో నాలుగో టెస్టు మ్యాచ్‌లో ఈ రికార్డు నమోదైంది.

నరేంద్ర మోదీ స్టేడియంలో ప్రపంచ రికార్డు
భారత్-ఆస్ట్రేలియా మధ్య జరుగుతున్న నాలుగో టెస్టు తొలి రోజు ఈ రికార్డు బద్దలయ్యే అవకాశం ఉంది. దీనికి చాలా కారణాలున్నాయి. ఈ టెస్టు సిరీస్‌కు నిర్ణయాత్మకం. అంతే కాకుండా ఈ టెస్టు మ్యాచ్‌కు భారత్, ఆస్ట్రేలియా ఇరు దేశాల ప్రధానులు హాజరుకానున్నారు.

ఇప్పటి వరకు ఎన్ని టిక్కెట్లు అమ్ముడయ్యాయి
అహ్మదాబాద్‌లోని నరేంద్ర మోదీ స్టేడియం మొత్తం 1 లక్షా 32 వేల మంది ప్రేక్షకుల కెపాసిటీ కలిగి ఉంది. 1 లక్షా 10 వేల మంది ప్రేక్షకులు కూర్చుని ఈ మ్యాచ్‌ని వీక్షించవచ్చు. ఇప్పటి వరకు 85 వేల టిక్కెట్లు అమ్ముడయ్యాయి. కాబట్టి పదేళ్ల క్రితం MCG వద్ద ఉన్న రికార్డును బద్దలు కొట్టవచ్చు. ప్రేక్షకులు 1 లక్ష వరకు చేరుకోవచ్చు.