PEDDI : తమిళ్, కన్నడలో పెద్దికి పోటీ తప్పదా..?
RRRతో గ్లోబల్ స్టార్గా ఎదిగిన మెగా పవర్ స్టార్ రామ్ చరణ్ ఇమేజ్ను శంకర్ గేమ్ ఛేంజర్తో డ్యామేజ్ చేశాడు. మూడేళ్ల పాటు చెక్కిన ఈ కళాఖండం డిజాస్టర్గా మారింది. దీంతో స్టార్ డైరెక్టర్స్ను పక్కన పెట్టి వన్ మూవీ ఎక్స్ పీరియన్స్ ఉన్న బుచ్చిబాబుకు ఛాన్స్ ఇచ్చాడు. బుచ్చి ఎలా తీస్తాడో అని డౌట్స్ పడుతున్న వేళ మూవీ గ్లింప్స్, చికిరి, రైరైరారా సాంగ్స్ మూవీపై అంచనాలు డబుల్ చేశాయి. ఏఆర్ రెహమాన్ మ్యూజిక్తో మరోసారి మ్యాజిక్ చేశాడు.
పెద్ది తొలుత మార్చి 27న రిలీజ్ అనుకోగా.. షూటింగ్ ఇన్ కంప్లీట్, ఏఆర్ రెహమాన్ స్కోర్ డిలే వల్ల ఏప్రిల్ 30కి పోస్ట్ పోన్ అయ్యింది. రిలీజ్ డేట్ దగ్గర పడటంతో షూట్ శరవేగంగా జరుపుకుంటోంది. అయితే ఇందులో స్పెషల్ సాంగ్ పెండింగ్ ఉన్నట్లు టాక్. దీని కోసం బుచ్చి ముగ్గురు ట్రెండింగ్ భామలను పరిశీలిస్తున్నాడట. గురువు సుకుమార్ ఫిల్మ్ రంగస్థలంలో జిగేల్ రాణిలా మెరిసిన పూజా హెగ్డేతో పాటు మృణాల్ ఠాకూర్, ధురంధర్లో ఐటమ్ సాంగ్తో చించేసిన ఆయేషా ఖాన్ నేమ్స్ పరిశీలిస్తున్నట్లు సమాచారం. పెద్దిని ఏప్రిల్ 30న పాన్ ఇండియా రిలీజ్కు ప్లాన్ చేసుకుంటున్నారు మేకర్స్. టాలీవుడ్, నార్త్ బెల్ట్లో మూవీకి పోటీగా పెద్దగా సినిమాలు లేవు. కానీ సౌత్ ఇండియాలో పొరుగు ఇండస్ట్రీలైన తమిళ్ అండ్ కన్నడ నుండి కాంపిటీషన్ తప్పదు. ఈ మూవీ రిలీజౌతున్న డేట్నే తమిళంలో కరతో వస్తున్నాడు ధనుష్. ఈ మూవీ కూడా ప్రపంచ వ్యాప్తంగా రిలీజ్ చేయబోతున్నారు. ఇటు కన్నడలో అదే రోజు కేడీ ద డెవిల్ కూడా పాన్ ఇండియా వైడ్గా విడుదల కాబోతోంది. ఇక మలయాళంలో మల్టీస్టారర్ ఫిల్మ్ పేట్రియాట్ ఏప్రిల్ 23నే రిలీజ్ కాబోతోంది. ఈ మూవీ క్లిక్ అయితే.. పెద్ది ఓపెనింగ్స్పై ఎఫెక్ట్ పడే ఛాన్స్ కనిపిస్తోంది. త్రిబుల్ ఆర్తో తమిళ్, కేరళలో భారీ ఓపెనింగ్స్ సాధించిన రామ్ చరణ్ పెద్ది రిజల్ట్ ఎలా ఉండబోతుందో.