భారత ప్రధానిగా మూడోసారి నరేంద్ర మోడీ ప్రమాణస్వీకారం చేయబోతున్నారు. ఈ వేడుక రేపు (జూన్ 9) రాత్రి 7:15 గంటలకు రాష్ట్రపతి భవన్లో జరగబోతుంది. ప్రధానితో పాటే కొత్త మంత్రివర్గంలో ప్రమాణ స్వీకారం చేయనుంది. ఈ కార్యక్రమానికి సామాన్యుల నుంచి మొదలుకుని విదేశీ అతిథులు హాజరుకాబోతున్నారు. ఇప్పటికే భారత విదేశీ వ్యవహారాల మంత్రిత్వ శాఖ పలు దేశాలకు ఆహ్వానాలను పంపింది. ఆహ్వానాలను అందుకున్న విదేశీ అథితులు వారి రాకను ధృవీకరించారు. ప్రమాణస్వీకారానికి వచ్చే అతిథుల కోసం లీలా, తాజ్, ఐటీసీ మౌర్య, క్లారిడ్జ్, ఒబెరాయ్ లాంటి ప్రధాన హోటళ్ల దగ్గర ఇప్పటికే భారీ బందోబస్తు ఏర్పాటు చేశారు.
Read Also: NEET Results: నీట్ ఫలితాలపై దుమారం..విచారణ కోరుతున్న ప్రియాంక గాంధీ
ఇక, బంగ్లాదేశ్ ప్రధాని, సీషెల్స్ అధ్యక్షుడు ఈరోజు న్యూఢిల్లీకి వస్తుండగా, మిగతా నేతలందరూ ఆదివారం రాబోతున్నారు. నేపాల్ ప్రధాని ప్రమాణ స్వీకారోత్సవానికి నాలుగు గంటల ముందుగా రానున్నారు. ప్రమాణ స్వీకారానికి హాజరయ్యే ప్రముఖులకు వారి హోటళ్ల నుంచి వేదిక దగ్గరకు రావడానికి నిర్దేశిత మార్గాలను సైతం ఏర్పాటు చేశారు. ప్రమాణ స్వీకారోత్సవానికి హాజరుకావడంతో పాటు రేపు సాయంత్రం రాష్ట్రపతి భవన్లో రాష్ట్రపతి ద్రౌపది ముర్ము ఏర్పాటు చేసిన విందులో పాల్గొంటారు. ఈ కార్యక్రమం సార్క్(సౌత్ ఏషియన్ అసోసియేషన్ ఫర్ రీజినల్ కోఆపరేషన్) సభ్య దేశాల మధ్య ప్రాంతీయ సంబంధాలను మరింత బలోపేతం చేస్తుంది.
Read Also: బాగా బరువు పెరిగారా? అయితే ఇలా చేయండి..
అయితే, ఈ వేడుకకు రాబోతున్న అతిధులు ఎవరెవరంటే..
శ్రీలంక అధ్యక్షుడు- రణిల్ విక్రమసింఘే
మాల్దీవుల అధ్యక్షుడు- మహ్మద్ ముయిజ్జూ
సీషెల్స్ ఉపాధ్యక్షుడు- అహ్మద్ అఫీఫ్
బంగ్లాదేశ్ ప్రధాని-షేక్ హసీనా
మారిషస్ ప్రధాని- ప్రవింద్ కుమార్ జుగ్నాథ్
నేపాల్ ప్రధాన మంత్రి- పుష్ప కమల్ దహాల్ ‘ప్రచండ’
భూటాన్ ప్రధాని-షెరింగ్ టోబ్గే ఉన్నారు.
