పెరుగుతున్న పండ్లు, కూరగాయల ధరలు సామాన్య ప్రజలను బెంబేలెత్తిస్తున్నాయి. గత వారం రోజుల్లో చాలా కూరగాయల ధరలు రెండింతలు పెరిగాయి. వాటితో పాటు పండ్ల ధరలు కూడా దాదాపు రెట్టింపు అయ్యాయి. ఈ క్రమంలో.. పండ్లు, కూరగాయలకు ప్రజలు భారీ ధరలు చెల్లించాల్సిన పరిస్థితి నెలకొంది. ఇవే కాకుండా.. పప్పుల ధరలు కూడా దాదాపు 11 శాతం పెరిగాయి.
AP News: ఏపీ గవర్నర్ సెక్రటరీగా హరి జవహర్ లాల్.. ఆర్టీసీ ఎండీగా డీజీపీకి అదనపు బాధ్యతలు
ఎండల తీవ్రత కారణంగా పొలాల్లోని కూరగాయలు మార్కెట్‌లకు చేరడం లేదు. ఉష్ణోగ్రతలు రికార్డు స్థాయికి చేరుకోవడంతో కూరగాయల పంటలకు భారీ నష్టం వాటిల్లడంతో మార్కెట్‌కు కూరగాయల రాక తగ్గింది. అంతే కాదు ఎండ వేడిమికి మార్కెట్‌లోని కూరగాయలు త్వరగా పాడైపోతున్నాయి. ఇందులో టమాటా, పొట్లకాయ, సీజనల్ కూరగాయలు ఉన్నాయి. గత వారం రోజులుగా కూరగాయల ధరలు 50 శాతానికి పైగా పెరిగాయి.
Varalaxmi Sarathkumar: అల్లు అర్జున్ కు పెళ్లి కార్డు అందించిన కాబోయే భార్యాభర్తలు..
ఎండల ప్రభావంతో పండ్ల ధరలు కూడా ఆకాశాన్నంటాయి. యాపిల్, మామిడి, దానిమ్మ, బొప్పాయి, పుచ్చకాయ, సీతాఫలం, నిమ్మకాయ, కొబ్బరి నీళ్ల వంటి పండ్ల ధరలు 25 నుంచి 30 శాతం పెరిగాయి. కానీ.. కూరగాయలు అత్యంత ఖరీదైనవిగా మారాయి. ఢిల్లీలోని ఆజాద్‌పూర్ మండిలో క్యాప్సికం హోల్‌సేల్ ధర కిలో రూ.100కి చేరుకుంది. కిలో రూ.25-30కి లభించే లఫ్ఫా కిలో రూ.50 నుంచి రూ.60కి అందుబాటులోకి రాగా, రూ.20 నుంచి రూ.25కి లభించే పొట్లకాయ కిలో రూ.50కి రెండింతలు పెరిగింది.