Airtel Black Offer: రీఛార్జ్ ఒక్కటే.. ప్రయోజనాలు ఎన్నో

Airtel Black Offer: మీలో ఎవరైనా ఇంటికి మంచి వై-ఫైని ఏర్పాటు చేసుకోవాలని ప్లాన్ చేస్తుంటే.. తాజాగా ఎయిర్టెల్ విడుదల చేసిన ప్లాన్‌లో మీరు వై-ఫైతో పాటు డీటీహెచ్, ఓటిటి సబ్‌స్క్రిప్షన్స్, ల్యాండ్‌ లైన్ కనెక్షన్‌ని పొందుతారు. ఎయిర్టెల్ కంపెనీ ‘Airtel Black’ అనే ప్రత్యేక సదుపాయాన్ని ప్రారంభించింది. దీని ద్వారా మీరు ఒకే ప్లాన్‌లో వై-ఫై+ డీటీహెచ్+ ఓటిటి+ ల్యాండ్‌లైన్ ప్రయోజనాలను పొందుతారు. నిజానికి ఎయిర్‌టెల్ ప్రకారం, ఈ అన్ని సేవలకు నెలకు కస్టమర్ రూ. 2199 చెల్లించాల్సి ఉంటుంది. అయితే, ఎయిర్‌టెల్ బ్లాక్ ప్లాన్ కింద నెలకు కేవలం రూ. 699కే అందిస్తోంది. ఎయిర్టెల్ 40 Mbps బ్రాడ్‌ బ్యాండ్ కనెక్షన్ నెలకు రూ. 499 + పన్ను చెల్లించాల్సి ఉంటుంది. ఇక ప్రస్తుతం విడుదల చేసిన ప్లాన్ లో ఈ సేవ కోసం ఎయిర్టెల్ విడిగా వసూలు చేయదు. అన్ని సేవలు ఒకే బిల్లులో అందుబాటులో ఉంటాయి. అంటే ఒక్క బిల్లు మాత్రమే చెల్లించాలి.

Also Read: iQOO 13 Price: ‘ఐకూ 13’ ఫోన్‌ వచ్చేసింది.. 50 ఎంపీతో మూడు కెమెరాలు, 6000 ఎమ్‌ఏహెచ్‌ బ్యాటరీ!

ఇక ఈ ఎయిర్టెల్ బ్లాక్ రూ. 699 ప్లాన్ ప్రయోజనాలు చూస్తే.. ఈ ప్లాన్ పోస్ట్‌పెయిడ్ ప్లాన్. దీని వాలిడిటీ 30 రోజులు. రోజువారీ ఖర్చు లెక్కిస్తే రోజుకు రూ.24 మాత్రమే వస్తుంది. ఎయిర్టెల్ బ్లాక్ ప్లాన్ 40mbps ఇంటర్నెట్ స్పీడ్‌ని అందిస్తుంది. అలాగే, ఈ ప్లాన్ అపరిమిత కాలింగ్‌తో ల్యాండ్‌లైన్ కనెక్షన్‌ను అందిస్తుంది. ఇది కాకుండా, వినియోగదారులు రూ. 300 విలువైన టీవీ ఛానెల్‌లతో డీటీహెచ్ కనెక్షన్‌ను కూడా పొందుతారు. ఈ ప్లాన్‌లో 350+ ఛానెల్‌లు చూడవచ్చు. ఈ ప్లాన్‌లో వినియోగదారులు Disney + Hotstar, Airtel Xstream యాప్‌తో సహా 12 OTT యాప్‌ల సభ్యత్వాన్ని పొందుతారు.