Telugu Titans: బాల‌కృష్ణను క‌లిసిన తెలుగు టైటాన్స్ ప్లేయర్స్..

టాలీవుడ్ హీరో నంద‌మూరి బాల‌కృష్ణను తెలుగు టైటాన్స్ ప్లేయర్స్ కలిశారు. ప్రో క‌బ‌డ్డీ లీగ్ కోసం హైద‌రాబాద్‌, బెంగ‌ళూరు, చెన్నై, ఫూణే, నోయిడా, ముంబై, జైపూర్‌, పాట్నాతో పాటు మ‌రికొన్ని న‌గ‌రాలు ఆతిథ్యం ఇవ్వనున్నాయి. అయితే, రేపటి (జనవరి 19) నుంచి హైద‌రాబాద్ లో తెలుగు టైటాన్స్ కు చెందిన మ్యాచ్‌లు మొద‌లుకానున్నాయి. గ‌చ్చిబౌలిలోని ఇండోర్ స్టేడియం వేదిక‌గా శుక్రవారం జ‌రుగున్న మ్యాచ్‌లో బెంగ‌ళూరు బుల్స్‌తో మన తెలుగు టైటాన్స్ తలపడబోతుంది. ఈ మ్యాచ్ కోసం రెండు రోజుల ముందుగానే తెలుగు టైటాన్స్ ప్లేయర్స్ హైదరాబాద్ కు వచ్చారు.

Read Also: Karumuri Nageswara Rao: వైఎస్‌ షర్మిలకు పీసీసీ పగ్గాలు.. ఇలా స్పందించిన మంత్రి కారుమూరి

కాగా, తెలుగు టైటాన్స్ ప్రొ కబడ్డీ లీగ్ సీజన్ లో హోమ్ మ్యాచ్‌లను గచ్చిబౌలి ఇండోర్ స్టేడియంలో మునుపెన్నడూ లేనంత భారీ ఎత్తున జరగబోతున్నాయి. దీనికి సంబంధించిన టిక్కెట్లు www.bookmyshow.comలో అందుబాటులో ఉన్నాయి. తెలుగు టైటాన్స్ తమ హోమ్ మ్యాచ్‌లను రేపటి నుంచి 24వ తేదీ వరకు హైదరాబాద్‌లో ఆడనుంది. ఈ సందర్భంగా తెలుగు టైటాన్స్ సీఈఓ, త్రినాథ్ రెడ్డి మాట్లాడుతూ.. ఈ లీగ్ పోటీతో పాటు గేమ్‌ప్లే, ఆటగాళ్ల ప్రదర్శనల పరంగా జట్టు విజయం సాధిస్తుందని తెలిపారు. ప్రో కబడ్డీ లీగ్ యొక్క ప్రస్తుత సీజన్, చాలా గట్టి పోటీతో కూడిన కొన్ని మ్యాచ్‌లకు సాక్షిగా నిలిచింది. తెలుగు టైటాన్స్‌లో కెప్టెన్ పవన్ సెహ్రావత్ తో పాటు సందీప్ ధుల్, పర్వేష్ వంటి దిగ్గజాలు తమ ఆటను పునర్ నిర్మించుకోవడంతో పాటుగా కొత్త ఆటగాళ్లు కొన్ని అద్భుతమైన ప్రదర్శనలు ఇచ్చారని చెప్పారు.

Read Also: Addanki Dayakar: అద్దంకి దయాకర్‌కు ఇచ్చిన మాట సీఎం నిలబెట్టుకోవాలి: పిల్లి సుధాకర్

ఇక, హోమ్ లీగ్‌ గురించి శ్రీ రెడ్డి మాట్లాడుతూ.. “మేము లీగ్ ముగింపుకు ముందు హోమ్ గ్రౌండ్ లోకి ప్రవేశించాము.. కాబట్టి మనం మెరుగైన ప్రదర్శన చేయడం ముఖ్యం అని తెలిపారు. ఈ మ్యాచ్ ల కోసం హైదరాబాద్‌లోని అభిమానుల తెలుగు టైటాన్స్ కు సపోర్ట్ ఇస్తారని మేము కోరుతున్నామని శ్రీరెడ్డి చెప్పుకొచ్చారు. ఈ మద్దతే ప్రో కబడ్డీ లీగ్ 2024ని దేశంలో అత్యధికంగా అనుసరించే స్పోర్ట్స్ లీగ్‌లలో ఒకటిగా మార్చింది” అని అన్నారు. దీన్ని ఒకచోట చేర్చడంలో మాకు సహాయం చేసిన మా భాగస్వాములందరికీ కృతజ్ఞతలు తెలియజేస్తున్నాను.. మాతో భాగస్వామ్యం కొనసాగించినందుకు గ్రీన్‌కోకు ప్రత్యేక ధన్యవాదాలని శ్రీ రెడ్డి పేర్కొన్నారు.

Read Also: Cholera Outbreak: జాంబియాలో కలరాతో 400 మందికి పైగా మృతి.. 10,000 మందికి ఇన్ఫెక్షన్..

అయితే, తెలుగు టైటాన్స్ తమ మొదటి హోమ్ మ్యాచ్‌ను రేపు బెంగళూరు బుల్స్‌తో ఆడుతుంది. అభిమానులు ప్రతి మ్యాచ్‌ని లైవ్‌లో రాత్రి 7:30 గంటలకు ఎఫ్టీఏ (FTA) ఛానెల్, స్టార్ స్పోర్ట్స్ ఫస్ట్, స్టార్ స్పోర్ట్స్-2, స్టార్‌ స్పోర్ట్స్ 2HD – ఇంగ్లీష్, స్టార్ స్పోర్ట్స్-1 హిందీ, స్టార్ స్పోర్ట్స్ 1 హిందీ HD, స్టార్ స్పోర్ట్స్ 1 తమిళం, కన్నడలో స్టార్ సువర్ణ ప్లస్‌లో, తెలుగులో స్టార్ మా గోల్డ్ తో పాటు హాట్‌స్టార్ తో సహా స్టార్ స్పోర్ట్స్ నెట్‌వర్క్‌లో చూడవచ్చు. మరిన్ని వివరాల కోసం దయచేసి కళ్యాణ్ చక్రవర్తి @ 9381340098 సంప్రదించండి.