TGPSC : తెలంగాణ రాష్ట్రంలో గ్రూప్-1 పోస్టుల భర్తీకి సంబంధించి తెలంగాణ పబ్లిక్ సర్వీస్ కమిషన్ (TGPSC) కీలక ప్రకటన చేసింది. రాష్ట్రంలో 563 గ్రూప్-1 ఉద్యోగాల నియామకానికి నోటిఫికేషన్ విడుదల చేసిన సంగతి తెలిసిందే. ఈ ప్రక్రియలో భాగంగా గ్రూప్-1 మెయిన్స్ (Group-1 Mains) పరీక్షలు గత ఏడాది అక్టోబర్ 21 నుండి 27 వరకు నిర్వహించగా, మొత్తం 21,093 మంది అభ్యర్థులు ఈ పరీక్షలకు హాజరయ్యారు.
ప్రిలిమ్స్లో అర్హత సాధించిన 31,383 మంది అభ్యర్థుల్లో కేవలం 67.17% మాత్రమే మెయిన్స్ పరీక్ష రాశారు. ఈ గణాంకాల ప్రకారం ఒక్కో పోస్టుకు సుమారు 38 మంది పోటీ పడుతున్నారు. ఈ నేపథ్యంలో తాజాగా టీజీపీఎస్సీ గ్రూప్-1 మెయిన్స్ జవాబు పత్రాల మూల్యాంకనం పూర్తి చేసినట్లు ప్రకటించింది.
Anil Kumar Yadav : బీజేపీకి హైదరాబాద్లో ఓట్లు కావాలి.. మూసీ అభివృద్ధి కాదు..!
గ్రూప్-1 మెయిన్స్ పరీక్షలో అభ్యర్థులు సాధించిన మార్కుల ఆధారంగా, 1:2 నిష్పత్తిలో మెరిట్ జాబితా రూపొందించేందుకు టీజీపీఎస్సీ తుది సమీక్ష చేస్తోంది. ఈ ప్రక్రియ పూర్తయిన వెంటనే, వారం నుండి పది రోజుల్లో ఫలితాలు (Results) విడుదల చేసే అవకాశముంది. మెరిట్ జాబితాలో ఎంపికైన అభ్యర్థులకు ధ్రువీకరణ పత్రాల పరిశీలన అనంతరం తుది ఎంపిక జాబితా విడుదల చేయనున్నారు.
ఇక, గ్రూప్-2 (Group-2) , గ్రూప్-3 (Group-3) పరీక్షల ఫలితాల కోసం నిరీక్షణలో ఉన్న అభ్యర్థులకు మరో అప్డేట్ ఉంది. టీజీపీఎస్సీ ముందుగా గ్రూప్-1 నియామక ప్రక్రియను పూర్తి చేసిన తర్వాతే గ్రూప్-2, గ్రూప్-3 పరీక్షల ఫలితాలను ప్రకటించనున్నట్లు సమాచారం.
ఈ ప్రకటనతో గ్రూప్-1 ఉద్యోగాల కోసం ఎదురుచూస్తున్న అభ్యర్థుల్లో ఉత్సాహం నెలకొంది. టీజీపీఎస్సీ అధికారిక వెబ్సైట్లో (https://www.tspsc.gov.in/) మరిన్ని వివరాలు చెక్ చేసుకోవచ్చు.
Ration Rice Benefits: రేషన్ బియ్యం తింటే ఎన్ని లాభాలో తెలుసా?
