AP CM Jagan: ఆంధ్రప్రదేశ్‌ ముఖ్యమంత్రి వైఎస్ జగన్మోహన్‌ రెడ్డి హెలికాప్టర్‌లో సాంకేతిక లోపం తలెత్తింది. ముఖ్యమంత్రి జగన్‌ హెలికాప్టర్‌లో అనంతపురం జిల్లాలోని నార్పల నుంచి పుట్టపర్తికి వెళ్లాల్సి ఉండగా.. సాంకేతిక లోపం కారణంగా నిలిచిపోయింది. జగనన్న వసతి దీవెన పథకంలో భాగంగా అనంతపురం జిల్లా సింగనమల నియోజకవర్గంలోని నార్పలలో లబ్ధిదారుల ఖాతాలకు నిధుల జమ కార్యక్రమం కోసం ముఖ్యమంత్రి అక్కడికి వెళ్లారు.
Read Also: Vasireddy Padma: చంద్రబాబు వల్ల మహిళలకు ఏనాడూ మంచి జరగలేదు..
9,55,662 మంది లబ్ధిదారుల ఖాతాల్లో రూ.912.71 కోట్ల నిధులను జమ చేశారు. ఈ కార్యక్రమం అనంతరం పుట్టపర్తికి వెళ్లాల్సి ఉండగా.. హెలికాప్టర్‌లో సాంకేతిక లోపం ఏర్పడడంతో రోడ్డు మార్గాన పుట్టపర్తికి బయలుదేరారు. ముఖ్యమంత్రితో పాటు మంత్రులు పెద్దిరెడ్డి రామచంద్రారెడ్డి, బచ్చా సత్యనారాయణ, మెరుగు నాగార్జునలు కూడా రోడ్డు మార్గాన పుట్టపర్తికి వెళ్లారు.