Tamil Nadu: నవోదయ స్కూళ్లపై టీవీకే సర్కార్ కీలక నిర్ణయం.. డీఎంకే కూడా మద్దతు.. ముదురుతున్న కేంద్రం-రాష్ట్ర వివాదం
- Follow Us :
-
-
Add as a preferred
source on google
Tamil Nadu: కేంద్రంతో తమిళనాడు రాష్ట్ర ప్రభుత్వం వివాదం మరింత ముదిరింది.. తమిళనాడులో హిందీ భాష, జవహర్ నవోదయ విద్యాలయాల ఏర్పాటు అంశం మరోసారి చర్చనీయాంశంగా మారింది. రాష్ట్రం అనుసరిస్తున్న రెండు భాషల విధానాన్ని మార్చే ప్రసక్తే లేదని తమిళనాడు ప్రభుత్వం స్పష్టం చేసింది. నవోదయ పాఠశాలల కోసం భూమిని కేటాయించేందుకు కూడా రాష్ట్రం నిరాకరిస్తోంది. ఈ నేపథ్యంలో కేంద్రం-రాష్ట్రం మధ్య విభేదాలు కొనసాగుతున్నాయి.
సెప్టెంబర్ 17న నవోదయ పాఠశాలల కేసు విచారణ సందర్భంగా సుప్రీంకోర్టు తమిళనాడు ప్రభుత్వ వైఖరిపై ప్రశ్నలు లేవనెత్తింది. హిందీని పూర్తిగా రాష్ట్రం నుంచి మినహాయించలేమని పేర్కొన్న ధర్మాసనం.. హిందీ బోధనపై రాష్ట్రం పునరాలోచన చేయాలని సూచించింది. ప్రతి జిల్లాలో నవోదయ పాఠశాలల ఏర్పాటుకు అవసరమైన భూమిని గుర్తించాలన్న గత ఆదేశాన్ని కూడా కోర్టు వెనక్కి తీసుకోలేదు. అయితే రాష్ట్రానికి మరో మూడు నెలల గడువు ఇచ్చింది. అయితే, ఈ వ్యాఖ్యలపై తమిళనాడు స్కూల్ ఎడ్యుకేషన్ మంత్రి, టీవీకే నేత రాజ్మోహన్ అరుముగం స్పందిస్తూ.. రాష్ట్రం రెండు భాషల విధానానికే కట్టుబడి ఉంటుందని తెలిపారు. హిందీతో పాటు ఏ భాషకు కూడా తమిళనాడు వ్యతిరేకం కాదని, అయితే తమిళ భాషకు రాష్ట్రంలో ప్రాధాన్యం ఉండాలని ఆయన అన్నారు. సుప్రీంకోర్టు వ్యాఖ్యలు విచారణ సందర్భంగా చేసిన అభిప్రాయాలు మాత్రమేనని, తుది తీర్పుగా పరిగణించకూడదని స్పష్టం చేశారు.
Also Read
- Jairam Ramesh: నోట్లబందీ, ఓట్లబందీ ఒకే నాణేనికి రెండు వైపులు.. జైరాం రమేశ్ సంచలన వ్యాఖ్యలు..
- Uttam Kumar Reddy : జలవాటాలో ఒక్క చుక్కా వదులుకోం.. ఏపీ యత్నాలను అడ్డుకుంటాం
- Sonakshi Sinha: ‘‘రాజీవ్ ఒడిలో సోనియా’’.. రాహుల్ గాంధీకి సోనాక్షి సిన్హా మద్దతు!
- Aura Kid: 'ఆరా కిడ్'గా ఫేమస్ అయిన రెండేళ్ల బుడతడు.. 139M వ్యూస్తో ఇన్స్టాను షేక్ చేస్తున్న వీడియో..
నవోదయ విద్యాలయాలు కేంద్ర విద్యాశాఖ పరిధిలోని నవోదయ విద్యాలయ సమితి నిర్వహించే కేంద్ర నిధులతో కూడిన రెసిడెన్షియల్ పాఠశాలలు. ఈ పాఠశాలల్లో మూడు భాషల విధానం అమలవుతుండటంతో తమిళనాడు రెండు భాషల విధానానికి ఇది భిన్నంగా ఉందని రాష్ట్ర ప్రభుత్వం అభ్యంతరం వ్యక్తం చేస్తోంది. కేంద్రం మాత్రం దేశవ్యాప్తంగా విద్యార్థులకు, ముఖ్యంగా గ్రామీణ ప్రాంతాల్లో ప్రతిభావంతులైన విద్యార్థులకు నాణ్యమైన విద్య అందించడమే నవోదయ పాఠశాలల ఉద్దేశమని చెబుతోంది. ఈ వివాదంలో భాషా విధానంతో పాటు భూమి కేటాయింపు కూడా ప్రధాన అంశంగా మారింది. ప్రతి జిల్లాలో నవోదయ పాఠశాలల ఏర్పాటుకు తగిన భూమిని రాష్ట్రం గుర్తించాలని సుప్రీంకోర్టు ఆదేశించింది. పాఠశాలల నిర్మాణానికి అయ్యే ఖర్చును కేంద్రం భరిస్తుందని, రాష్ట్రం భూమిని సమకూర్చాలని కేంద్రం తన వైఖరిని వెల్లడించింది. కేంద్రం, రాష్ట్రం పరస్పర చర్చల ద్వారా సమస్యను పరిష్కరించుకోవాలని సుప్రీంకోర్టు సూచించింది.
ఇదిలా ఉండగా, తమిళనాడు అసెంబ్లీలో ప్రతిపక్ష నేత, డీఎంకే నేత ఉదయనిధి స్టాలిన్ కూడా రాష్ట్ర ప్రభుత్వ నిర్ణయానికి మద్దతు తెలిపారు. తమిళనాడుకు నవోదయ పాఠశాలలు అవసరం లేదని ఆయన పేర్కొన్నారు. రాష్ట్రంలో ఇప్పటికే మోడల్, రెసిడెన్షియల్ పాఠశాలల ద్వారా నాణ్యమైన విద్య అందిస్తున్నామని తెలిపారు. అవసరమైతే ప్రత్యేక అసెంబ్లీ సమావేశం నిర్వహించి నవోదయ పాఠశాలలకు వ్యతిరేకంగా తీర్మానం చేయాలని ఆయన సూచించారు. హిందీ విషయంలోనూ ఉదయనిధి స్టాలిన్ కీలక వివరణ ఇచ్చారు. తమిళనాడు హిందీకి లేదా ఇతర ఏ భాషకైనా వ్యతిరేకం కాదని, అయితే ఒక భాషను బలవంతంగా అమలు చేయడాన్నే వ్యతిరేకిస్తున్నామని ఆయన పేర్కొన్నారు. దీంతో సాధారణంగా రాజకీయంగా పరస్పరం విమర్శించుకునే అధికార టీవీకే, ప్రతిపక్ష డీఎంకే.. రెండు భాషల విధానం, నవోదయ పాఠశాలల అంశంలో ఒకే వైఖరిని వ్యక్తం చేయడం చర్చనీయాంశంగా మారింది. మరోవైపు.. ప్రస్తుతం సుప్రీంకోర్టు ఇచ్చిన మూడు నెలల గడువులో తమిళనాడు ప్రభుత్వం తదుపరి ఏ చర్యలు తీసుకుంటుందనేది కీలకంగా మారింది. మరోవైపు కేంద్రం, రాష్ట్రం మధ్య చర్చల ద్వారా పరిష్కారం కనుగొనాలని కోర్టు సూచించిన నేపథ్యంలో ఈ వివాదం తదుపరి విచారణల్లో ఎలాంటి మలుపు తిరుగుతుందనేది ఆసక్తికరంగా మారింది.
తాజావార్తలు
-
Jairam Ramesh: నోట్లబందీ, ఓట్లబందీ ఒకే నాణేనికి రెండు వైపులు.. జైరాం రమేశ్ సంచలన వ్యాఖ్యలు..
-
Uttam Kumar Reddy : జలవాటాలో ఒక్క చుక్కా వదులుకోం.. ఏపీ యత్నాలను అడ్డుకుంటాం
-
History of Weekdays: ఆదివారం తర్వాత సోమవారమే ఎందుకు వస్తుంది? ఈ 24 గంటల ఖగోళ లెక్క తెలిస్తే షాక్ అవుతారు!
-
Interesting Facts: 4,000 ఏళ్ల రహస్యం.. వారం 7 రోజులే ఎందుకు? అసలు నిజం ఇదే!
-
Suriya Scene: సూర్య ‘సీన్’ సినిమా కాపీనా.. డిట్టో దింపేశారా?
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!