Imad Wasim ruled out of USA vs PAK Match in T20 World Cup 2024: ఐసీసీ టీ20 ప్రపంచకప్‌ 2024లో పాకిస్తాన్ తన తొలి మ్యాచ్‌ ఆడేందుకు సిద్దమవుతోంది. మెగా టోర్నీలో భాగంగా గురువారం (జూన్‌ 6) డల్లాస్‌లోని గ్రాండ్ ప్రైరీ స్టేడియంలో అమెరికాతో తలపడనుంది. ఈ మ్యాచ్‌కు ముందు పాకిస్తాన్‌కు భారీ షాక్‌ తగిలింది. స్టార్‌ ఆల్‌రౌండర్‌ ఇమాద్ వసీం గాయం కారణంగా యూఎస్ మ్యాచ్‌కు దూరమయ్యాడు. ఈ విషయాన్ని పాకిస్థాన్ క్రికెట్ బోర్డు (పీసీబీ) బుధవారం ఓ ప్రకటనలో తెలిపింది. విశ్రాంతి తీసుకోవాలని అతడికి పీసీబీ మెడికల్ టీమ్ సూచించింది.
లెఫ్ట్ ఆర్మ్ స్పిన్నర్ ఇమాద్ వసీం ప్రస్తుతం ప్రక్కటెముకల నొప్పితో బాధపడుతున్నాడు. అతడు కోలుకోవడానికి వారం రోజుల సమయం పట్టనున్నట్లు సమాచారం. వసీం ప్రస్తుతం ప్రక్కటెముకల నొప్పితో బాధపడుతున్నాడని, యూఎస్ మ్యాచ్‌లో అతడు ఆడడం లేదని పాకిస్తాన్ కెప్టెన్ బాబర్ ఆజామ్ తెలిపాడు. టోర్నీలో మిగిలిన మ్యాచ్‌లకు అతడు అందుబాటులో ఉంటాడని చెప్పాడు. వసీం తన రిటైర్మెంట్‌ను వెనక్కి తీసుకుని.. పాక్ తరపున రీఎంట్రీ ఇచ్చాడు. వసీం పాక్ తరఫున 55 వన్డేలు, 72 టీ20లు ఆడాడు. వన్డేల్లో 986, టీ20ల్లో 535 రన్స్ చేశాడు. 127 మ్యాచ్‌లు ఆడిన వసీం.. ఒక్క సెంచరీ కూడా చేయలేదు.
Also Read: Chandrababu Naidu-Ram Charan: చంద్ర‌బాబుకు శుభాకాంక్ష‌లు తెలిపిన రామ్ చ‌ర‌ణ్!
పాకిస్తాన్ జ‌ట్టు:
బాబర్ ఆజమ్ (కెప్టెన్), అబ్రార్ అహ్మద్, ఆజం ఖాన్, ఫఖర్ జమాన్, హరీస్ రవూఫ్, ఇఫ్తీకర్ అహ్మద్, ఇమాద్ వసీం, మహ్మద్ అబ్బాస్ అఫ్రిది, మహ్మద్ అమీర్, మహ్మద్ రిజ్వాన్, నసీమ్ షా, సైమ్ అయూబ్, షాదాబ్ ఖాన్, షాహీన్ అఫ్రిదీ, ఉస్మాన్ ఖాన్.