Sushmita Konidela: మెగా కుటుంబంలో ఆడపడుచు, కోడళ్ల మధ్య అనుబంధం ఎలా ఉంటుందనే కుతూహలం అభిమానుల్లో ఎప్పుడూ ఉంటుంది. సాధారణంగా ఇళ్లలో ఉండే అత్తాకోడళ్లు, ఆడపడుచుల గొడవలకు భిన్నంగా.. మెగా ఫ్యామిలీలో అందరూ ఒకే తాటిపై ఉంటూ ఒకరికొకరు అండగా నిలుస్తుంటారు. తాజాగా ఎన్టీవీ పాడ్కాస్ట్లో పాల్గొన్న సుస్మిత కొణిదెల, తన తమ్ముడు రామ్ చరణ్ భార్య ఉపాసనతో తనకున్న స్నేహాన్ని వివరిస్తూ పలు ఆసక్తికర విషయాలను వెల్లడించారు. ఉపాసన కేవలం తన తమ్ముడి భార్య మాత్రమే కాదని, అంతకు మించి ఒక మంచి స్నేహితురాలని ఆమె కొనియాడారు.
READ ALSO: Iran Ship Attack: ఇరాన్ యుద్ధనౌక దాడిలో “విషాద కోణం”.. కమాండర్ మొండితనానికి 87 మంది బలి..
ఉపాసన వ్యక్తిత్వం గురించి సుస్మిత మాట్లాడుతూ.. ఆమె ఎంతటి క్లిష్ట పరిస్థితుల్లోనైనా చాలా ప్రశాంతంగా ఉంటుందని తెలిపారు. “ఉపాసన ఏ విషయాన్ని కూడా నెగటివ్గా లేదా సీరియస్గా తీసుకోదు. ప్రతి పరిస్థితిని చాలా తేలికగా (Lightly) తీసుకుంటూ, ఇంటి వాతావరణం ఎప్పుడూ ప్రశాంతంగా ఉండేలా చూసుకుంటుంది. ‘కీప్స్ ద పీస్ ఆఫ్ ద హౌస్’ అనే సూత్రాన్ని ఆమె పాటిస్తుంది” అని సుస్మిత ప్రశంసించారు. ఉపాసనకు ఆహారం అంటే ఎంత ఇష్టమో, ఇతరులకు వడ్డించడం అంటే అంతకంటే ఎక్కువ ఇష్టమని వెల్లడించారు. “ఆమెకు ఫుడ్ అంటే ఒక సెలబ్రేషన్ లాంటిది. అందరికీ మంచి పోషకాహారం అందించాలనే ఉద్దేశంతోనే ఆమె ‘అత్తమ్మాస్ కిచెన్’ అనే స్టార్టప్ను ప్రారంభించింది. ఆరోగ్యం విషయంలో ఆమెకు ఉన్న స్పృహ కుటుంబం మొత్తానికి ఎంతో ఉపయోగపడుతోంది” అని పేర్కొన్నారు. అలాగే ఉపాసనకు పిల్లలంటే ప్రాణమని, పిల్లలకు సెలవులు వచ్చాయని తెలిస్తే చాలు.. వారిని ఇంటికి పిలిపించి వారితో కలిసి ఆటపాటలతో అల్లరి చేస్తుందని చెప్పుకొచ్చారు. క్లిన్ కారా రాకతో మెగా ఇంట్లో సందడి మరింత పెరిగిందని, ఒక తల్లిగా, కోడలిగా ఉపాసన అన్ని బాధ్యతలను ఎంతో చక్కగా బ్యాలెన్స్ చేస్తోందని చెప్పారు. వృత్తిరీత్యా బిజినెస్ ఉమెన్గా ఎంత బిజీగా ఉన్నా, కుటుంబ సభ్యులతో సమయం గడపడంలో ఉపాసన ఎప్పుడూ ముందుంటుందని సుస్మిత చేసిన వ్యాఖ్యలు మెగా అభిమానులను విశేషంగా ఆకట్టుకుంటున్నాయి.
READ ALSO: Sanju Samson: ధోనీ రికార్డుపై కన్నేసిన సంజు.. చరిత్ర సృష్టించేందుకు ఒక్క పరుగు దూరంలో!