Surya : నా లైఫ్ మార్చిన ‘బ్రహ్మ’ ఆయనే.. స్టేజీపై ఎమోషనల్ అయిన హీరో సూర్య!

తమిళ చిత్ర పరిశ్రమలో స్టైలిష్ మేకర్‌గా తనకంటూ ఒక ప్రత్యేక ముద్ర వేసుకున్న దర్శకుడు గౌతమ్ వాసుదేవ్ మీనన్, ఇండస్ట్రీలోకి వచ్చి 25 ఏళ్లు పూర్తయిన సందర్భంగా గ్రాండ్‌గా వేడుకలు జరిగాయి. ఈ వేడుకకు ముఖ్య అతిథిగా హాజరైన సూర్య, తన కెరీర్ ఎదుగుదలకు కారణమైన దర్శకుడిని చూసి ఎంతో భావోద్వేగానికి లోనయ్యారు. సూర్య స్టేజీపైకి వస్తూనే గౌతమ్ మీనన్‌తో కలిసి ‘అంజల’ పాటకు స్టెప్పులేయడం చూసి ఫ్యాన్స్ కేరింతలతో ఆడిటోరియం దద్దరిల్లిపోయింది.

Also Read : TV Actress Vahini : క్యాన్సర్‌తో పోరాడుతూ ప్రముఖ నటి వాహిని మృతి..

ఈ సందర్భంగా సూర్య మాట్లాడుతూ.. ‘సినిమాకు దర్శకులే బ్రహ్మలు. వాళ్ళు ఒక పాత్రను ఊహించకపోతే మాలాంటి నటులకు అస్సలు గుర్తింపు ఉండదు. ఒక నటుడిగా నన్ను మలిచిన వ్యక్తి గౌతమ్ మీనన్. ఈ రోజు సమాజంలో నాకు దొరుకుతున్న గౌరవానికి, అభిమానుల ప్రేమిస్తున్న ‘అన్బుసెల్వన్’ పాత్రకు మూలం ఆయనే. ‘కాక్క కాక్క’ సినిమా నా కెరీర్‌నే మలుపు తిప్పింది’ అని కొనియాడారు. కేవలం సినిమా కోసమే కాకుండా వ్యక్తిగతంగా కూడా గౌతమ్ మీనన్ తనకు ఎంతో ఇష్టమైన వ్యక్తి అని, ఆయన సినిమాల్లో నటించే అవకాశం ఇచ్చినందుకు కృతజ్ఞతలు తెలుపుకుంటున్నానని సూర్య భావోద్వేగంగా చెప్పారు.

సూర్య తన ప్రసంగం ముగిస్తూ, ఇన్నేళ్లుగా తనకు అండగా నిలుస్తున్న అభిమానులకు తలవంచి నమస్కరించారు. ఈ హిట్ కాంబో మళ్ళీ ఎప్పుడు కలుస్తుందా అని ప్రేక్షకులు ఎంతో ఆసక్తిగా ఎదురుచూస్తున్నారు. ప్రస్తుతం సూర్య పాన్ ఇండియా ప్రాజెక్టులతో బిజీగా ఉన్నప్పటికీ, తన మూలాలను గుర్తుంచుకుని దర్శకుడికి ఇచ్చిన ఈ గౌరవం అందరినీ ఆకట్టుకుంటోంది.

 

#Suriya dance to Anjala song with GVM and Karthik@Suriya_offl pic.twitter.com/iXnPRWQZhe

— Suresh PRO (@SureshPRO_) February 5, 2026