Sumanth : అక్కినేని కుటుంబం నుంచి వచ్చిన వాళ్లలో హీరో సుమంత్ ఒకరు. 1999లో వచ్చిన ప్రేమకథ సినిమాతో హీరోగా అరంగేట్రం చేశారు. తన కెరీర్లో ఎన్నో వైవిధ్యమైన సినిమాల్లో నటించి ప్రేక్షకులను అలరించారు. ప్రేమకథ తర్వాత యువకుడు, పెళ్లి సంబంధం, రామా చిలకమ్మ, మహానంది నాగార్జునతో కలిసి స్నేహమంటే ఇదేరా వంటి అనేక సినిమాలతో ఆకట్టుకున్నాడు.
Read Also:Rashmika: ‘పుష్ప 2’ థాంక్స్ మీట్ లో భాగం కాలేకపోయాను: రష్మిక
సుమంత్ నటించిన చిత్రాల్లో సత్యం, గౌరి, మహానంది, గోదావరి, గోల్కొండ హైస్కూల్, మళ్లీ రావా వంటి హిట్ అయ్యాయి. ఇక సీతారామం సినిమాతో నటుడిగా మంచి గుర్తింపు తెచ్చుకున్నాడు. సైమా బెస్ట్ సపోర్టింగ్ యాక్టర్ అవార్డ్కు నామినేట్ కూడా అయ్యాడు. ఇక, అహం రీబూట్ అనే సినిమాతో ఓటీటీలోకి ఎంట్రీ ఇచ్చాడు. ఇప్పుడు తాజాగా మరో సినిమాతో నేరుగా ఓటీటీలో అలరించేందుకు సుమంత్ రెడీ అయ్యాడు. హీరో సుమంత్ నటించిన లేటెస్ట్ మూవీ అనగనగా.. నేరుగా ఓటీటీ రిలీజ్ కానుంది. ఈ సినిమాలో వ్యాస్ అనే టీచర్గా సుమంత్ నటిస్తున్నారు. సన్నీ కుమార్ దర్శకత్వం వహించిన ఈ సినిమా స్కూల్ నేపథ్యంలో సాగనున్నట్లు తెలుస్తోంది.
Read Also:Warangal: కడియం శ్రీహరికి మాజీ ఎమ్మెల్యే రాజయ్య సవాల్.. ఎమ్మెల్యే కౌంటర్
గతంలో టీచర్స్ డే నాడు విడుదల చేసిన అనగనగా గ్లింప్స్ ఆకట్టుకుంది. తాజాగా ఇవాళ (ఫిబ్రవరి 9) సుమంత్ బర్త్ డే సందర్భంగా అనగనగా ఫస్ట్ లుక్ను విడుదల చేశారు. ఇందులో సైకిల్పై ఒక బాబు, మహిళతో సుమంత్ కనిపించాడు. వారు వాస్ మాస్టార్ భార్య, కొడుకు అని తెలుస్తోంది. ఇక అనగనగా మూవీ ఈటీవీ విన్ ఓటీటీలో డైరెక్ట్ స్ట్రీమింగ్ కానుంది. ఇక ఈటీవీ విన్లో డైరెక్ట్ ఓటీటీ స్ట్రీమింగ్ కానున్న అనగనగా మూవీలో కాజల్ రాణి హీరోయిన్గా నటిస్తోంది. ఈ సినిమాతో ఆమె టాలీవుడ్ ఎంట్రీ ఇస్తోంది. అలాగే, చైల్డ్ ఆర్టిస్ట్ విహర్ష్ మరో కీలక పాత్ర పోషిస్తున్నాడు. ఈ చిత్రాన్ని కృషి ఎంటర్టైన్మెంట్స్ వారు నిర్మాణం వహించగా డేట్ ఇంకా బయటకి రావాల్సి ఉంది.
