కరీంనగర్ లోని ఓ ప్రభుత్వ హాస్టల్ లో డిగ్రీ విద్యార్థిని ఆత్మహత్యకు పాల్పడింది. నగునూరులో సోషల్ వెల్ఫేర్ స్కూల్ లో డిగ్రీ ఫస్ట్ ఈయర్ చదువుతున్న 19 ఏళ్ల సృజన సూసైడ్ చేసుకుంది. ఎవరు లేని సమయంలో హాస్టల్ గదిలోనే ఉరి వేసుకుని బలవన్మరణం చేసుకుంది. ఆత్మహత్యకు పాల్పడిన విద్యార్థిని సృజన స్వస్థలం.. మానకొండూరు మండలం గంగిపల్లి గ్రామంగా గుర్తించారు.
ఈ విషాదం తెలియగానే విద్యార్థిని తల్లిదండ్రులు శోకసంద్రంలో మునిగిపోయారు. తమ కూతురికి ఎలాంటి ఆరోగ్య సమస్యలుగానీ, తమకెలాంటి ఆర్థిక సమస్యలుగానీ లేవని మృతురాలి తల్లిదండ్రులు ఆరోపిస్తున్నారు. మరోవైపు.. మృతురాలి సృజన స్నేహితులను అసలేం జరిగిందో విచారించాలని కుటుంబీకులు డిమాండ్ చేస్తున్నారు. ఇదిలా ఉంటే.. కరీంనగర్ సివిల్ హాస్పిటల్ కు పోస్ట్ మార్టం కోసం మృతదేహం తరలించారు. ఈ ఘటనపై కేసు నమోదు చేసుకున్న కరీంనగర్ రూరల్ పోలీసులు.. దర్యాప్తు చేస్తున్నారు.
Read Also: CM Revanth: ప్రభుత్వంలో ప్రతి నిర్ణయం పారదర్శకంగా ఉండాల్సిందే..