Sudigali Sudheer – Rashmi: ఎక్కడికి వెళ్లినా రష్మీనే అడుగుతున్నారు

Sudigali Sudheer – Rashmi: బుల్లితెర ప్రేక్షకులకు పరిచయం అక్కర్లేని పేరు సుడిగాలి సుధీర్. అక్కడ ఆయన క్రేజే వేరు. బుల్లితెరపై జబర్దస్త్ షో ద్వారా ప్రేక్షకులకు పరిచయమైన సుధీర్, ఆ తరువాత ఢీ, శ్రీదేవి డ్రామా కంపెనీ వంటి షోల ద్వారా బాగా పాపులర్ అయ్యారు. వెండితెరపై హీరోగా నిలదొక్కుకునేందుకు తన వంతు ప్రయత్నం చేస్తున్నాడు. తాజా సుధీర్ హీరోగా ‘గాలోడు’ చిత్రం ద్వారా ప్రేక్షకులను అలరించబోతున్నాడు. చిత్ర ప్రమోషన్లలో భాగంగా ఇంటర్వ్యూలో ఆయన మాట్లాడుతూ అనేక విషయాలను అభిమానులతో పంచుకున్నాడు.

Read Also: Man Kicked Boy : దూలతీరిందా.. కాలితో తన్ని కటకటాల్లోకి వెళ్లావు

ఈ సందర్భంగా తన ఫ్యాన్స్‎కి ఒక స్వీట్ న్యూస్ చెప్పాడు. సుధీర్ కెరీర్‎లో జబర్దస్త్ ఎంత కీలకమైందో ప్రత్యేకంగా చెప్పుకోవాల్సిన అవసరం లేదు. ‘జబర్దస్త్’ చేసే వరకూ తానంటే ఎవరికీ తెలియదు. ఆ షో వల్లనే తనకు ఇంత క్రేజ్ వచ్చింది. అందరూ అనుకుంటున్నట్టు ‘జబర్దస్త్’ను వదిలేసి వెళ్లిపోలేదన్నారు. మళ్లీ జబర్దస్త్ చేయడానికి సిద్ధంగా ఉన్నానన్నంటూ సుధీర్ వెల్లడించారు. ఎక్కడికి వెళ్లినా అభిమానులు రష్మి గురించే అడుగుతున్నారని… మీ ఇద్దరి గురించి విన్నది నిజమా అంటూ ఫ్యాన్స్ ప్రశ్నిస్తున్నారని సుధీర్ అన్నారు. అదంతా స్క్రీన్ వరకే అన్నా వినడం లేదంటూ వాపోయారు. తమ మధ్య అలాంటిదేమీ లేదని.. చెప్పినా వినిపించుకోవడం లేదంటూ సుధీర్ వివరించారు. చాలా కాలంగా ఇద్దరం కలిసి పనిచేస్తూ ఉండటం కూడా ఇందుకు కారణం కావొచ్చని అభిప్రాయం వెల్లడించారు. ఒక ఆర్టిస్టు గా అందరినీ ఎంటర్టైన్ చేయడమే తన లక్ష్యం అన్నారు సుధీర్.