Siva Karthikeyan : వెంకట్ ప్రభు – శివకార్తికేయన్ కాంబోలో భారీ సైన్స్ ఫిక్షన్ సినిమా

కోలీవుడ్ స్టార్ హీరో శివకార్తికేయన్ (SK) వరుస సినిమాలను లైన్ లో పెడుతున్నాడు. రెండు రోజుల క్రితం తన బర్త్ డే సందర్భంగా సియోన్ అనే సినిమాను ప్రకటించాడు. ఈ సినిమా సెట్స్ పై ఉండగానే మరో సినిమాను లైన్ లో పెట్టె పనిలో ఉన్నారు. వినిపిస్తున్న సమాచారం మేరకు శివ కార్తికేయన్ తాజాగా  కోలీవుడ్ స్టార్ డైరెక్టర్ వెంకట్ ప్రభు దర్శకత్వంలో ఒక భారీ ప్రాజెక్టుకు గ్రీన్ సిగ్నల్ ఇచ్చారని తెలుస్తోంది. వీరిద్దరి కలయికలో రాబోయే ఈ సినిమా సైన్స్ ఫిక్షన్ కథాంశంతో తెరకెక్కనుందట. వెంకట్ ప్రభు గతంలో ‘మానాడు’ వంటి టైం లూప్ చిత్రంతో మెప్పించగా, ఇప్పుడు శివకార్తికేయన్‌తో ఎలాంటి మ్యాజిక్ చేస్తారో అని అభిమానులు ఆసక్తిగా ఎదురుచూస్తున్నారు.

Also Read : Mrunal Thakur : హృతిక్ రోషన్‌ను చూసి నా మాజీ ప్రియుడు భయపడ్డాడు

  ఈ సినిమాలో శివకార్తికేయన్ సరసన కథానాయికగా కళ్యాణి ప్రియదర్శన్ ను తీసుకున్నట్టు టాక్. వీరిద్దరి జోడీ గతంలో ‘హీరో’ సినిమాలో అలరించిన సంగతి తెలిసిందే. ఇక ఈ చిత్రంలో ఒక కీలక పాత్ర కోసం ‘సేతుపతి’ ఫేమ్ రమ్య నంబీసన్ పేరును పరిశీలిస్తున్నారట. ఆమె పాత్ర కథ మలుపు తిప్పేలా ఉంటుందని సమాచారం.ఈ సినిమా పూర్తిగా సైన్స్ ఫిక్షన్ నేపథ్యంలో సాగుతుంది కాబట్టి, చిత్రంలో భారీ స్థాయిలో  విజువల్ ఎఫెక్ట్స్ సీక్వెన్స్‌లు ఉండబోతున్నాయి. గ్రాఫిక్స్ పనులు  హై స్టాండర్డ్స్ తో ఉండాలనే ఉద్దేశంతో, ప్రీ-ప్రొడక్షన్ పనులకు చిత్ర యూనిట్ ఎక్కువ సమయం కేటాయిస్తోంది. దీనివల్ల షూటింగ్ ప్రారంభం అనుకున్న సమయం కంటే కాస్త ఆలస్యంగా మొదలయ్యే అవకాశం ఉంది. త్వరలోనే ఈ సినిమాకు సంబందించి అధికారక ప్రకటన రానుందని తెలుస్తోంది.