చెవిటోని ముందు శంఖం ఊదినట్టే : కేసీఆర్‌పై షర్మిల సెటైర్లు

సీఎం కేసీఆర్‌ పై మరోసారి వైఎస్‌ షర్మిల ఫైర్‌ అయ్యారు. ధాన్యం కొనుగోలు అంశంలో కేసీఆర్ సర్కార్‌ పై ఆమె మండిపడ్డారు. ఢిల్లీ రాజకీయాలు చేసే దొరగారికి ఇక్కడి రైతుల చావులు, నేతన్నల ఆత్మహత్యలు కనిపించడం లేదంటూ నిప్పులు చెరిగారు. పెట్టిన పెట్టుబడి రాక, పండిన పంట కళ్ళ ముందు కొట్టుకుపోతుంటే, అప్పులు తీరక గుండెలు ఆగిపోతుంటే కేసీఆర్ గారికి మాత్రం కనిపించడం లేదని ఆగ్రహించారు వైఎస్‌ షర్మిల.

దొరా.. పంటలు కొనండి అని గుండెలు ఆగేలా మొత్తుకొంటున్నా.. కేసీఆర్ కు మాత్రం చెవిటోని ముందు శంఖం ఊదినట్టే ఉందంటూ ఎద్దేవా చేశారు షర్మిల. ఆఖరి గింజ వరకూ కొంటానన్న దొర గారు, ఇప్పటికైనా మీ డ్రామాలు పక్కన పెట్టి.. కాళ్ళు పట్టుకొంటున్న రైతులు, గల్లా పట్టుకోకముందే రైతుల ధాన్యాన్ని తక్షణమే కొనాలని డిమాండ్ చేస్తున్నామని నిప్పులు చెరిగారు.