SBI: SBI బ్యాంక్ ఖాతాను మరొక బ్రాంచ్‌కి బదిలీ చేయాలా.. చాలా సింపుల్

SBI: ఉద్యోగులకు బదిలీలు సర్వసాధారణం. ఆ సమయంలో వారు ఉన్న చోటు నుంచి వేరే చోటుకు వెళ్లాల్సి వస్తుంది. అప్పటి వరకు ఉన్న ప్రాంతంలో బ్యాంక్ ఖాతను ఓపెన్ చేసిన లావా దేవీలను కొనసాగిస్తుంటారు. బదిలీ తర్వాత బ్యాంకు ఖాతాను కొత్త ప్రాంతానికి బదిలీ చేసుకోవాల్సి వస్తుంది. అప్పుడు బ్యాంక్ చుట్టూ తిరగాల్సి వస్తుంది. ఇలాంటి ఇబ్బందులు లేకుండా ఇంట్లో కూర్చునే బ్యాంక్ ఖాతాను ఒక ప్రాంతం నుంచి మరో ప్రాంతానికి సులువుగా మార్చుకునే సదుపాయాన్ని స్టేట్ బ్యాంక్ ఆఫ్ ఇండియా (SBI) తన కస్టమర్లకు కల్పించింది.

SBI ఖాతాను ఒక శాఖ నుండి మరొక శాఖకు బదిలీ చేయడానికి, మీ ఖాతాను బదిలీ చేయాలనుకుంటున్న బ్రాంచ్ కోడ్ తెలిసి ఉండాలి. దాంతో పాటు మీ ఫోన్ నంబర్ తప్పనిసరిగా SBI ఖాతాతో లింక్ అయి ఉండాలి. SBI కస్టమర్లందరూ తమ స్మార్ట్‌ఫోన్‌లో YONO యాప్ లేదా YONO లైట్ ద్వారా బ్యాంక్ బ్రాంచ్‌ని మార్చుకోవచ్చు, ఈ సందర్భంలో కూడా మీ ఫోన్ నంబర్ తప్పనిసరిగా బ్యాంక్‌తో లింక్ చేయబడాలి. ఈ విధంగా మీరు ఆన్‌లైన్ మాధ్యమం ద్వారా SBI బ్యాంక్ ఖాతాను ఒక శాఖ నుండి మరొక శాఖకు సులభంగా బదిలీ చేయవచ్చు.

Read Also:MLA Raja Singh: తలసానిపై బీజేపీ నేత రాజాసింగ్‌ ప్రశంసలు.. అయోమయంలో ప్రజలు

– మొదట SBI అధికారిక వ్యక్తిగత బ్యాంకింగ్ పేజీ onlinesbi.comని సంప్రదించాలి.
– దీని తర్వాత పర్సనల్ బ్యాంకింగ్‌కి వెళ్లి మీ ఖాతాతో లాగిన్ చేయాలి.
– OTP ఎంటర్ చేసి లాగిన్ అయిన తర్వాత, మెనూ బార్‌లోని ‘e-Services’ ట్యాబ్‌ను ఎంచుకోవాలి.
– ఇప్పుడు ‘ట్రాన్స్‌ఫర్ ఆఫ్ సేవింగ్స్ అకౌంట్’ ఎంపికను ఎంచుకోవాలి.

YONO SBI ద్వారా SBI బ్యాంక్ ఖాతాను ఒక శాఖ నుండి మరొక శాఖకు ఎలా బదిలీ చేయాలి?
– ముందుగా కస్టమర్ SBI YONO యాప్‌కి లాగిన్ అవ్వండి.
– దీని తర్వాత ‘సర్వీసెస్’ ఎంపికకు వెళ్లండి.
– ఇప్పుడు మీరు ‘ట్రాన్స్‌ఫర్ ఆఫ్ సేవింగ్స్ అకౌంట్’ అనే ఆప్షన్‌ను ఎంచుకోవాలి.
– ఇక్కడ మీరు కొత్త బ్రాంచ్ కోడ్‌తో పాటు మీరు బదిలీ చేయాలనుకుంటున్న బ్యాంక్ బ్రాంచ్ పేరు, బ్రాంచ్ కోడ్ నమోదుచేయాలి.
– కొత్త బ్రాంచ్ పేరు ఫ్లాష్ అవుతుంది. అది సరైనదైతే ‘Submit’ ఎంపికపై క్లిక్ చేయండి.
– వివరాలను ఒకసారి క్రాస్ చెక్ చేసి, ఆపై మీ అభ్యర్థనను సమర్పించాలి.

Read Also:Free Broadband: ఫ్రీ ఇన్‌స్టాలేషన్‌తో BSNL బ్రాడ్‌బ్యాండ్ కనెక్షన్‌.. త్వరపడండి

YONO Lite SBIని ఉపయోగించి..
– YONO Lite SBI సేవల విభాగానికి వెళ్లండి.
– దీని కింద ట్రాన్స్‌ఫర్ ఆఫ్ సేవింగ్స్ అకౌంట్ ఆప్షన్‌పై క్లిక్ చేయండి.
– ఇప్పుడు మీరు మరొక బ్రాంచ్‌కు బదిలీ చేయాలనుకుంటున్న బ్యాంక్ ఖాతాను ఎంచుకోవాలి.
– మీరు ఖాతాను ఎంచుకున్న తర్వాత, మీరు ఎంచుకున్న ఖాతాను బదిలీ చేయాలనుకుంటున్న SBI బ్రాంచ్ కోడ్‌ను ఎంచుకోవాలి.
– ఇక్కడ OTP వస్తుంది, బ్యాంక్ ఖాతా బదిలీ కోసం మీ అభ్యర్థనను ఖరారు చేయడానికి దానిని ఎంటర్ చేయాలి. తర్వాత సబ్మిట్ ఆప్షన్‌పై క్లిక్ చేయండి.
– ఈ దశలో మీకు ‘మీ ఖాతా బదిలీ అభ్యర్థన ప్రాసెస్ చేయబడింది’ అనే సందేశం వస్తుంది.