Sandeep reddy vanga : గతంలో ఎప్పుడూ చూడని ప్రభాస్ ని స్పిరిట్ మూవీలో చూస్తారు..

పాన్ ఇండియా స్టార్ ప్రభాస్ రీసెంట్ గా సలార్‌ మూవీ తో బిగ్గెస్ట్ బ్లాక్ బస్టర్ హిట్ అందుకున్నాడు.దుమ్ము రేపే కలెక్షన్స్ తో సలార్ మూవీ దూసుకుపోతుంది. సలార్ ఇచ్చిన జోష్ తో ప్రభాస్ ఇప్పుడు తన తరువాత సినిమాలపై దృష్టి పెట్టాడు. ప్రభాస్ లైనప్ లో కల్కి 2898 ఏడీ, స్పిరిట్, రాజా డీలక్స్ లాంటి సినిమాలు వున్నాయి.. ఈ మధ్యే కల్కి 2898 ఏడీ మూవీ గురించి డైరెక్టర్ నాగ్ అశ్విన్ ఇంట్రెస్టింగ్ అప్‌డేట్స్ ఇవ్వగా…తాజాగా స్పిరిట్ డైరెక్టర్ సందీప్ రెడ్డి వంగా కూడా దీనిపై స్పందించాడు. సినిమాలో ప్రభాస్ పాత్ర, స్క్రిప్ట్, ప్రీప్రొడక్షన్ పనుల గురించి అతడు వివరించాడు.స్పిరిట్ మూవీలో ప్రభాస్ ఓ పవర్‌ఫుల్ పోలీస్ ఆఫీసర్ గా కనిపించబోతున్నాడని సందీప్ రెడ్డి వెల్లడించాడు. ఈ మధ్యే ఓ ఇంటర్వ్యూలో మాట్లాడిన సందీప్ స్పిరిట్ మూవీ స్క్రిప్ట్ వర్క్ దాదాపు పూర్తయిందని తెలిపాడు. గతంలో ఎప్పుడూ చూడని ప్రభాస్ ను ఈ మూవీలో చూడబోతున్నట్లు అతడు చెప్పడం విశేషం.

అర్జున్ రెడ్డి, కబీర్ సింగ్ మరియు యానిమల్ వంటి మూడు సినిమాలతోనే స్టార్ డైరెక్టర్ గా మారిపోయిన సందీప్.. ప్రభాస్ తో ఎలాంటి సినిమా తీయబోతున్నాడో అనే ఆసక్తి నెలకొంది.ఈ నేపథ్యంలో స్పిరిట్ మూవీలో అతనిది పోలీస్ పాత్ర అని చెప్పి సందీప్ ఆసక్తి పెంచుతున్నాడు. స్క్రిప్ట్ దాదాపు పూర్తయిందని, తుది మెరుగులు దిద్దుతున్నట్లు అతడు చెప్పాడు. ప్రీప్రొడక్షన్ పనులు త్వరలోనే ప్రారంభం కాబోతున్నట్లు కూడా ప్రభాస్ వెల్లడించాడు. ఈ ఏడాది సెకండాఫ్ లో స్పిరిట్ షూటింగ్ ప్రారంభమయ్యే అవకాశాలు కనిపిస్తున్నాయి.స్పిరిట్ మూవీని టీ-సిరీస్ నిర్మిస్తోంది.ఈ ఏడాది ప్రభాస్ నటించిన కల్కి 2898 ఏడీ మూవీ రిలీజ్ కానుంది. రూ.600 కోట్ల బడ్జెట్ తో ఇండియన్ సినిమా హిస్టరీలోనే అత్యంత ఖరీదైన మూవీగా కల్కి నిలవనుంది. బాహుబలి నుంచి వరుసగా భారీ బడ్జెట్ పాన్ ఇండియా సినిమాలు చేస్తూ వస్తున్న ప్రభాస్.. మధ్యలో డైరెక్టర్ మారుతితోనూ ఓ సింపుల్ మూవీ చేయబోతున్నాడు. ఈ సినిమా అప్‌డేట్ సంక్రాంతికి రానుంది.