Sachin Pilot: సచిన్ పైలట్, సారా అబ్దుల్లా విడాకులు తీసుకున్నారు.. ఎన్నికల అఫిడవిట్లో వెల్లడి
Sachin Pilot: కాంగ్రెస్ నాయకుడు సచిన్ పైలట్, సారా అబ్దుల్లా దాదాపు రెండు దశాబ్దాల వైవాహిక జీవితం తర్వాత విడిపోయారు. రాబోయే రాజస్థాన్ ఎన్నికల కోసం సచిన్ పైలట్ ఎన్నికల అఫిడవిట్లో జీవిత భాగస్వామి వివరాలను కోరుతున్న కాలమ్లో కాంగ్రెస్ నాయకుడు “విడాకులు తీసుకున్నాను” అని పేర్కొన్నందున ఇది వెలుగులోకి వచ్చింది. జమ్మూ కాశ్మీర్ మాజీ ముఖ్యమంత్రి, నేషనల్ కాన్ఫరెన్స్ (NC) చీఫ్ ఫరూక్ అబ్దుల్లా కుమార్తె అయిన సారా అబ్దుల్లా నుంచి 46 ఏళ్ల సచిన్ పైలట్ విడిపోయిన విషయాన్ని వెల్లడించడం ఇదే మొదటిసారి.
Also Read: Delhi Rule: మాంసం దుకాణానికి, మతపరమైన స్థలం మధ్య 150 మీటర్ల దూరం ఉండాలి..
సచిన్ పైలట్, సారా అబ్దుల్లా 2004లో వివాహం చేసుకున్నారు. వారికి ఆరన్, వెహాన్ అనే ఇద్దరు కుమారులు ఉన్నారు. తన అఫిడవిట్లో తన కుమారులిద్దరూ తనపై ఆధారపడిన వారని పైలట్ పేర్కొన్నాడు. గత ఐదేళ్లలో సచిన్ పైలట్ సంపద దాదాపు రెండింతలు పెరిగిందని అఫిడవిట్లో తేలింది. 2018లో అతని మొత్తం ఆస్తుల విలువ సుమారు రూ. 3.8 కోట్లు. 2023 నాటికి అది రూ.7.5 కోట్ల అంచనా విలువకు చేరుకుంది. రాజస్థాన్ అసెంబ్లీకి నవంబర్ 25న ఎన్నికలు జరగనుండగా.. ఫలితాలు డిసెంబర్ 3న వెలువడనున్నాయి.
