Rohit Sharma Captain: రోహిత్ శర్మనే కెప్టెన్.. కోచ్, సెలెక్టర్ల ఏకగ్రీవ నిర్ణయం!

Rohit Sharma To Lead Team India In 2024 T20 World Cup: 2024 జూన్ 4 నుంచి టీ20 ప్రపంచకప్‌ జరగనున్న విషయం తెలిసిందే. ఈ మెగా టోర్నీలో కూడా రోహిత్‌ శర్మ నాయకత్వం వహించే అవకాశాలు ఉన్నాయి. ప్రపంచకప్‌లో భారత జట్టును నడిపించడానికి రోహితే సరైన వ్యక్తని హెడ్ కోచ్‌ రాహుల్‌ ద్రవిడ్‌, బీసీసీఐ సెలక్టర్లు ఏకాభిప్రాయంతో ఉన్నట్లు సమాచారం. నవంబర్ 19న జరిగిన వన్డే ప్రపంచకప్‌ 2023 ఫైనల్లో భారత్‌ ఓటమి అనంతరం బీసీసీఐ ఇటీవలే సమీక్ష సమావేశం నిర్వహించింది. ఈ సమావేశంలో ద్రవిడ్‌, రోహిత్‌ సహా బోర్డు కార్యదర్శి జై షా, ఉపాధ్యక్షుడు రాజీవ్‌ శుక్లా తదితరులు హాజరయ్యారు.

బీసీసీఐ సమీక్ష సమావేశంలో టీ20 ప్రపంచకప్‌ 2024లో భారత జట్టుకు ఎవరు నాయకత్వం వహించాలనే విషయంలో ప్రధానంగా చర్చకు వచ్చిందని తెలుస్తోంది. మెగా టోర్నీలో భారత జట్టుకు తాను నాయకత్వం వహిస్తానో లేదో చెప్పాలని, అందుకు సన్నద్ధమవుతానని రోహిత్‌ అడిగినట్లు సమావేశంలో పాల్గొన్న ఓ బీసీసీఐ అధికారి చెప్పారు. కెప్టెన్సీకి రోహితే తగినవాడని అంతా ఏకగ్రీవంగా అంగీకరించినట్లు పేర్కొన్నాడు.

Also Read: Animal: యానిమల్ రివ్యూ ఇవ్వడానికి టాలీవుడ్ భయపడుతుందా.. ?

దక్షిణాఫ్రికాతో సిరీస్‌లో కూడా భారత జట్టును నడిపించాలని కోచ్, సెలెక్టర్లు అడిగినా.. పరిమిత ఓవర్ల సిరీస్‌ నుంచి విశ్రాంతి కావాలని రోహిత్‌ శర్మ కోరాడని సదరు బీసీసీఐ అధికారి చెప్పారు. టెస్ట్ సిరీస్‌లో తాను అందుబాటులో ఉంటానని రోహిత్ స్పష్టం చేశాడట. దక్షిణాఫ్రికా పర్యటనలో భారత టీ20 జట్టుకు సూర్యకుమార్‌ యాదవ్‌, వన్డే జట్టుకు లోకేష్ రాహుల్‌ సారథ్యం వహించనున్నారు. 2022 టీ20 ప్రపంచకప్‌ తర్వాత రోహిత్‌ ఎక్కువగా టీ20లు ఆడలేదు.