రామ్ చరణ్ తేజ ఇటీవలే గేమ్ చేంజర్ చిత్రంతో ప్రేక్షకుల ముందుకు వచ్చారు. ఈ సినిమా తెలుగుతో పాటు తమిళ, కన్నడ, మలయాళ, హిందీ భాషల్లో సైతం ఏకకాలంలో రిలీజ్ అయింది. శంకర్ దర్శకత్వంలో ఈ సినిమాని దిల్ రాజు అత్యంత ప్రతిష్టాత్మకంగా తెరకెక్కించారు. అయితే ఊహించిన మేర ఈ సినిమా రిజల్ట్ సాధించలేకపోయింది. అయితే ప్రస్తుతానికి రామ్ చరణ్ తేజ తన 16వ సినిమా బుచ్చిబాబు దర్శకత్వంలో చేస్తున్నాడు. వృద్ధి సినిమాస్ బ్యానర్ మీద ఈ సినిమాని అత్యంత ప్రతిష్టాత్మకంగా తెరకెక్కిస్తున్నారు. ఈ సినిమాకు స్పోర్ట్స్ డ్రామా అని అంటున్నారు.
Chiranjeevi: ఎక్స్ పీరియంలో తొలి షూటింగ్ నాదే!
పాన్ ఇండియా సినిమాగా తెలుగు, తమిళ, కన్నడ, మలయాళ, హిందీ భాషల్లో ఏకకాలంలో రిలీజ్ చేయడానికి ప్రణాళికలు సిద్ధం చేస్తున్నారని తెలుస్తోంది. ఇక ఆ సినిమా పూర్తయిన తర్వాత రామ్ చరణ్ తేజ సుకుమార్ దర్శకత్వంలో ఒక సినిమా చేయాల్సి ఉంది. అయితే ఈమధ్య మరో వార్త తెరమీదకు వచ్చింది. అదేంటంటే రామ్ చరణ్ తేజ దిల్ రాజుతో మరో సినిమా చేయబోతున్నాడని పెద్ద ఎత్తున ప్రచారం జరుగుతోంది. అయితే అదేది నిజం కాదని తెలుస్తోంది. ప్రస్తుతానికి రామ్ చరణ్ తేజ తన 16వ సినిమాతో పాటు 17వ సినిమా మాత్రమే ఫైనల్ చేశారని, మరే ఇతర సినిమాలను ఆయన ఫైనల్ చేయలేదని ఆయన టీం నుంచి సమాచారం అందుతోంది. మరోపక్క రాంచరణ్ 16వ సినిమాకి సంబంధించిన షూటింగ్ ఈనెల 29వ తేదీ నుంచి ప్రారంభం కాబోతోంది.