Rajshri Deshpande: ప్రముఖ నటికి బ్రెస్ట్ క్యాన్సర్.. సోషల్ మీడియాలో ఎమోషన్ పోస్ట్..
- Follow Us :
-
-
Add as a preferred
source on google
Rajshri Deshpande: ‘సేక్రెడ్ గేమ్స్’ ఫేమ్ రాజశ్రీ దేశ్పాండేకు రొమ్ము క్యాన్సర్ ఉన్నట్లు నిర్ధారణ అయింది.. ఈ విషయాన్ని సోషల్ మీడియా వేదికగా ఆమె ప్రకటించారు.. తనకు బ్రెస్ట్ క్యాన్సర్ నిర్ధారణ అయినట్లు సోషల్ మీడియా వేదికగా వెల్లడించారు. ప్రస్తుతం తాను కోలుకుంటున్నానని ఆమె తెలిపారు. బుధవారం ఆసుపత్రి బెడ్పై తీసిన ఫోటోను షేర్ చేస్తూ, తనకు గ్రేడ్ 1 ఇన్ఫిల్ట్రేటింగ్ డక్టల్ కార్సినోమా (NOS) ఉన్నట్లు డాక్టర్లు నిర్ధారించారని తెలిపారు. సాధారణ ఆరోగ్య పరీక్షల సమయంలోనే ఈ సమస్య బయటపడిందని, ముందుగానే గుర్తించడం వల్ల చికిత్స సులభమైందని చెప్పారు.
రాజశ్రీ తన పోస్టులో ఇలా రాసుకొచ్చారు.. “ఇది చదువుతున్న మీ అందరికీ చెప్పాల్సిన సమయం వచ్చింది. నాకు గ్రేడ్ 1 బ్రెస్ట్ క్యాన్సర్ ఉందని నా తల్లిదండ్రులకు చెప్పడానికి ధైర్యం దొరికింది. అదృష్టవశాత్తూ సాధారణ చెకప్ సమయంలోనే ఇది బయటపడింది.” అని పేర్కొన్నారు.. అనేక పరీక్షలు, శస్త్రచికిత్సలు జరిగినప్పటికీ కుటుంబ సభ్యుల ప్రేమ, అభిమానుల మద్దతు తనకు బలాన్నిచ్చాయని ఆమె తెలిపారు. ప్రస్తుతం తాను బాగా కోలుకుంటున్నానని, త్వరలో ఆసుపత్రి నుంచి డిశ్చార్జ్ అవుతానని చెప్పారు.
సినీ ప్రముఖుల మద్దతు
రాజశ్రీ దేశ్పాండే పోస్టుకు పలువురు సినీ ప్రముఖులు స్పందించారు.. Tillotama Shome, Chhaya Kadam, Adarsh Gourav తదితరులు ఆమె త్వరగా కోలుకోవాలని ఆకాంక్షించారు. నటి-నర్తకి Lauren Gottlieb ప్రేమాభిమానాలు తెలియజేస్తూ, “మీరు చాలా బలమైన మహిళ” అని వ్యాఖ్యానించారు.
రాజశ్రీ దేశ్పాండే సినీ ప్రయాణం
రాజశ్రీ దేశ్పాండే బాలీవుడ్లో తన కెరీర్ను Talaash (2012) సినిమాతో ప్రారంభించారు. అనంతరం Kick, Mom, Manto, The Sky Is Pink, Joram వంటి చిత్రాల్లో నటించారు. టెలివిజన్లో Kuch Toh Log Kahenge, 24 వంటి షోలలో కనిపించారు. ముఖ్యంగా ‘Sacred Games’ సిరీస్లో ఆమె నటనకు విస్తృత గుర్తింపు లభించింది. ఇటీవల ఆమె Thug Life చిత్రంలో Kamal Haasan, Trisha Krishnan, Silambarasan, Aishwarya Lekshmi, Ashok Selvanలతో కలిసి నటించారు. మొత్తంగా క్యాన్సర్ ముందస్తు పరీక్షల ప్రాముఖ్యతను గుర్తుచేస్తూ, రాజశ్రీ చేసిన ఈ ప్రకటన అనేక మందికి అవగాహన కలిగిస్తోంది. అభిమానులు ఆమె త్వరగా పూర్తిగా కోలుకోవాలని ఆకాంక్షిస్తున్నారు.
View this post on Instagram