Raja Singh: దళితులకు ఇచ్చిన ఏ ఒక్క హామీని కేసీఆర్ నిలబెట్టుకోలేదు

హైదరాబాద్ లోని బీజేపీ రాష్ట్ర కార్యాలయంలో డా. బీఆర్. అంబేద్కర్ వర్ధంతి కార్యక్రమంలో గోషామహాల్ ఎమ్మెల్యే రాజాసింగ్ పాల్గొన్నారు. ఈ సందర్భంగా డాక్టర్. బీఆర్ అంబేద్కర్ చిత్రపటానికి పూలమాల వేసి నివాళులు అర్పించారు. ఈ కార్యక్రమంలో మనోహర్ రెడ్డి, కొప్పు భాషాతో పాటు బీజేపీ కార్యకర్తలు, నాయకులు పాల్గొన్నారు. ఇక, రాజాసింగ్ మాట్లాడుతూ.. 8 మంది ఎమ్మెల్యేలను గెలిపించిన తెలంగాణ ప్రజలకు ధన్యవాదాలు.. డాక్టర్ బీఆర్ అంబేద్కర్ వర్ధంతి కార్యక్రమం మా పార్టీ కార్యాలయంలో నిర్వహించామని చెప్పుకొచ్చారు. దళితులకు ఇచ్చిన ఏ ఒక్క హామీని కేసీఆర్ నిలబెట్టుకోలేదు అని బీజేపీ ఎమ్మెల్యే రాజాసింగ్ ఆరోపించారు.

Read Also: Mahesh Babu: నెల్ రోజుల్లో రిలీజ్ ఉంది స్పీడ్ పెంచండి… అప్డేట్ కోసం సోషల్ మీడియాలో ట్రెండ్

భారత రాజ్యాంగాన్ని మారుస్తా అన్న కేసీఆర్ నే తెలంగాణ ప్రజలు మార్చేశారు అని రాజాసింగ్ పేర్కొన్నారు. మూడు రాష్ట్రాల్లో బీజేపీ గెలిచింది.. తెలంగాణలో కాంగ్రెస్ ఎక్కువ రోజులు ప్రభుత్వాన్ని నడపలేదు.. కేసీఆర్ అప్పులు చేసి వెళ్లారు.. అప్పులు పూడ్చడంతోనే కాంగ్రెస్ నాయకులకు సరిపోతుంది అని ఆయన ఎద్దేవా చేశారు. కాంగ్రెస్ పార్టీ ఇచ్చిన 6 గ్యారంటీలు ఎలా అమలు చేస్తారు అని ప్రశ్నించారు. తెలంగాణ అభివృద్ధి బీజేపీ పార్టీతోనే సాధ్యం అవుతుందని ఆయన తెలిపారు. ఒక్క ఏడాది మాత్రమే తెలంగాణలో కాంగ్రెస్ ప్రభుత్వం ఉంటుంది.. ఆ తర్వాత బీజేపీ ప్రభుత్వం అధికారంలోకి వస్తుందని రాజాసింగ్ సూచించారు.