సలార్, కల్కి వంటి బ్లాక్ బస్టర్స్ తర్వాత రెబల్ స్టార్ ప్రభాస్ నుంచి రాబోతున్న సినిమా ‘ది రాజాసాబ్’. మారుతి దర్శకత్వంలో వస్తున్న ఈ సినిమా హార్రర్ కామేడీ ఎంటర్టైనర్‌గా తెరకెక్కుతోంది. ఇప్పటికే రిలీజ్ చేసిన మోషన్ పోస్టర్, ప్రభాస్ లుక్ సినిమాపై అంచనాలు పెంచేశాయి. డార్లింగ్ వింటేజ్ లుక్, ముఖ్యంగా ఓల్డ్ గెటప్ మాత్రం అదిరిపోయింది. దీంతో ప్రభాస్ ఫ్యాన్స్ రాజాసాబ్ కోసం వెయిట్ చేస్తున్నారు. 2025 ఏప్రిల్ 10న ఈ సినిమా రిలీజ్ కానుంది. ఇప్పటికే షూటింగ్ చివరి దశకు చేరుకుంది.
ప్రస్తుతం హనురాఘవపూడి దర్శకత్వంలో తెరకెక్కుతున్న సినిమా షూటింగ్‌తో ప్రభాస్ బిజీగా ఉన్నాడు. ఆ తర్వాత రాజాసాబ్ కోసం విదేశాలకు వెళ్లనున్నట్టుగా తెలుస్తోంది. ఈ సినిమాలో మొత్తం ఆరు పాటలు ఉండగా.. తమన్ సంగీతం అందిస్తున్నాడు. అయితే ఇంకా కొన్ని సాంగ్స్‌ షూటింగ్ పెండింగ్‌లో ఉన్నాయట. దీంతో వచ్చే నెలలో యూరప్‌లో ఒక సాంగ్‌ను చిత్రీకరించేందుకు చిత్ర యూనిట్ ప్లాన్ చేస్తున్నట్లుగా తెలుస్తోంది. ఈ సినిమాలో నిధి అగర్వాల్, మాళవిక మోహనన్‌, రిద్ధి కుమార్‌ హీరోయిన్లుగా నటిస్తున్నారు. మరి ఈ ముగ్గురిలో విదేశాల్లో ప్రభాస్ ఎవరితో రొమాన్స్ చేస్తాడనేది ఆసక్తికరంగా మారింది.
Also Read: Pushpa 2: అస్సలు తగ్గేదేలే.. భారీ రన్ టైం లాక్! ఆ మాత్రం ఉండాల్సిందే
ప్రభాస్, మాళవిక మోహనన్‌ల మధ్య పాట ఉంటుందని సమాచారం. అదిరిపోయే లొకేషన్స్‌లో ఈ సాంగ్ షూటింగ్‌కు ప్లాన్ చేస్తున్నారట. ఈ సినిమా ఫస్ట్ సింగిల్‌ను సంక్రాంతికి రిలీజ్ చేయడానికి చిత్ర యూనిట్ సిద్ధమవుతోంది. సంక్రాంతికి ప్రమోషన్స్ స్టార్ చేసి.. సమ్మర్ వరకు మస్త్ కిక్ ఇవ్వనున్నాడు రాజాసాబ్. ప్రభాస్‌ను మారుతి ఎలా హ్యాండిల్ చేస్తున్నాడో చూడాలి. ఇక రాజాసాబ్ చిత్రంను టీజీ విశ్వప్రసాద్‌ నిర్మిస్తున్నారు. ప్రభాస్ రెండు భిన్న కోణాలున్న పాత్రలో కనువిందు చేయనున్నారు.