Rahul Gandhi: కోర్టుకు వెళ్లి వస్తుండగా చెప్పుల కుట్టే వ్యక్తితో రాహుల్ గాంధీ ముచ్చట్లు..

కాంగ్రెస్‌ ఎంపీ రాహుల్‌గాంధీ శుక్రవారం ఉత్తరప్రదేశ్‌లోని సుల్తాన్‌పూర్‌లో పర్యటించారు. సుల్తాన్‌పూర్ సివిల్ కోర్టు నుండి లక్నోకు వెళుతుండగా.. రాహుల్ గాంధీ కాన్వాయ్ గుప్తర్‌గంజ్‌లోని ఎమ్మెల్యే నగర్‌లోని ఓ చెప్పుల కొట్టు వద్ద ఆగారు. రాహుల్ గాంధీ ఆ కొట్టులో కూర్చుని చెప్పులు కుడుతున్న వ్యక్తితో మాట్లాడారు. ఈ సమయంలో.. రాహుల్ గాంధీ చెప్పులు కూడా కుట్టారు. పనిలో ఎదురయ్యే సమస్యల గురించి కూడా తెలుసుకోండి. తాము మీ గొంతుకగా నిలుస్తామని భరోసా ఇచ్చారు.

Mamata Banerjee: ఢిల్లీలో మమత పర్యటన.. సునీతా కేజ్రీవాల్‌కు పరామర్శ

కుటుంబం ఎలా నడుస్తోందని రాహుల్ గాంధీ అతన్ని అడిగారు. ఒక్కోసారి రూ.100, ఒక్కోసారి రూ.50 షాపు నుంచి లభిస్తున్నాయని చెప్పులు కుట్టే వ్యక్తి చెప్పాడు. దీంతో.. రాహుల్ గాంధీ ఇంత తక్కువ ఆదాయంతో కుటుంబాన్ని ఎలా సాగిస్తున్నావని అడిగాడు. అతను పని వివరాలను రాహుల్‌కు తెలియజేసి ఇంటి ఆర్థిక పరిస్థితి చాలా దారుణంగా ఉందని చెప్పాడు. తనకు కొంత ఆర్థిక సహాయం అందితే, తాను కొత్త వ్యాపారాన్ని ప్రారంభిస్తానని చెప్పాడు. ఈ పనిలో ఆత్మగౌరవం లేదు.. ప్రజలు అతనిని చిన్నచూపు చూస్తున్నారన్నాడు. దీంతో.. తన కొడుకును ఈ పనికి దూరంగా ఉంచానని రాహుల్ గాంధీతో చెప్పాడు.

Renu Desai: పవన్ కళ్యాణ్ మాజీ భార్యను ఘనంగా సత్కరించిన తెలంగాణ మంత్రి.. కారణమేంటంటే.?

కొట్టులో కూర్చున్న రాహుల్ గాంధీ చెప్పులు, షూలు కుట్టే పద్ధతిని అడిగి ఒక చెప్పు తీసుకుని కుట్టడం మొదలుపెట్టాడు. రాహుల్ ఈ స్టైల్ చూసి అందరూ ఫిదా అయిపోయారు. రాహుల్ దాదాపు ఐదు నిమిషాల పాటు షాపులోనే ఉండి బూట్లు, చెప్పులు తయారు చేయడంలోని చిక్కుముడులను అర్థం చేసుకుంటూనే ఉన్నాడు. అనంతరం కొట్టు యజమాని ఫ్యామిలీతో కలిసి రాహుల్ గాంధీ సెల్ఫీ దిగారు. అనంతరం.. రామ్‌ చైత్‌ మీడియాతో మాట్లాడారు. రాహుల్‌గాంధీ తన చెప్పుల కొట్టు దగ్గరికి రావడంపై ఆయన సంతోషం వ్యక్తంచేశారు. తాను షూలు, చెప్పులు ఎలా తయారు చేస్తానో రాహుల్‌గాంధీకి చూపించానని చెప్పారు. తన ఆర్థిక పరిస్థితి బాగాలేదని, సాయం చేయాలని తాను రాహుల్‌గాంధీని కోరానని రామ్ చైత్‌ తెలిపారు.