Ragi Kajjikayalu Recipe: న్యూట్రియంట్స్ పవర్ హౌస్.. పోషకాలు అందించే ‘రాగి కజ్జికాయలు’! చేసేయండి ఇలా..
Ragi Kajjikayalu Recipe: ఆరోగ్యానికి ఉపయోగపడే సంప్రదాయ వంటకాలలో రాగి కజ్జికాయలు ప్రత్యేక స్థానం కలిగి ఉన్నాయి. నువ్వులు, పల్లీలు, శనగపప్పు, బెల్లం, రాగిపిండి వంటి పోషక పదార్థాలతో తయారయ్యే ఈ కజ్జికాయలు నిజంగా న్యూట్రియంట్స్ పవర్ హౌస్లా పనిచేస్తాయి. ఒక్క కజ్జికాయ తిన్నా రోజుకు శరీరానికి అవసరమయ్యే ఐరన్, కాల్షియం, పొటాషియం, డైటరీ ఫైబర్ లో మంచి భాగం శరీరానికి అందుతుంది. ఇవి ఎముకల దృఢత్వాన్ని పెంచడంలో, రక్తహీనతను తగ్గించడంలో, గట్ హెల్త్ను మెరుగుపరచడంలో సహాయపడతాయి. ముఖ్యంగా పిల్లల్లో జ్ఞాపకశక్తి పెరగడానికి కూడా ఈ ఆహారం ఎంతగానో ఉపయోగపడుతుంది.
తయారీ విధానం:
ముందుగా మిక్సీ జార్లో అర కప్పు వేయించిన నువ్వులు, అర కప్పు వేయించి పొట్టు తీసిన పల్లీలు, అర కప్పు వేపుడు శనగపప్పు వేసి కాస్త బరకగా గ్రైండ్ చేసుకోవాలి. తర్వాత స్టవ్ మీద కడాయిని పెట్టి ఈ మిశ్రమంలో ఒక కప్పు పచ్చి కొబ్బరి తురుము, రెండు కప్పుల బెల్లం తురుము వేసి తక్కువ మంటపై సుమారు ఐదు నిమిషాలు ఉడికించాలి. బెల్లం కరిగి ముద్దలా మారిన తర్వాత ఒక టేబుల్ స్పూన్ నెయ్యి వేసి కలపాలి. ఆ తరువాత నెయ్యిలో వేయించిన జీడిపప్పు ముక్కలు, గసగసాలు వేసి మిశ్రమాన్ని పక్కన పెట్టాలి.
స్లిమ్ బెజెల్స్, టూ-వే స్పీకర్లతో రాబోతున్న Xiaomi X Pro QLED (2026) 75 అంగుళాల టీవీ.. ఫీచర్స్ ఇవే!
ఆ తర్వాత ఇంకో కడాయిలో ఒక కప్పు నీళ్లు, కొద్దిగా ఉప్పు, ఒక టేబుల్ స్పూన్ బెల్లం, కొద్దిగా నెయ్యి వేసి మరిగించాలి. ఒక ఇప్పుడు కప్పు రాగి పిండి వేసి రెండు నిమిషాల పాటు కలుపుతూ ఉడికించాలి. ఇది కొద్దిగా చల్లారిన తర్వాత ముద్దగా చేసి చిన్న ఉండలుగా తయారు చేసుకోవాలి. ప్రతి ఉండలో ముందుగా తయారుచేసిన కొబ్బరి మిశ్రమాన్ని పెట్టి ‘కజ్జికాయ’ ఆకారంలో ఒత్తుకోవాలి. చివరిగా ఈ కజ్జికాయలను ఇడ్లీ పాత్రలో పెట్టి ఆవిరిపై సుమారు 15 నిమిషాలు ఉడికించాలి. చల్లారిన తర్వాత రుచికరమైన, ఆరోగ్యకరమైన రాగి కజ్జికాయలు సిద్ధం అవుతాయి. పోషకాలు సమృద్ధిగా ఉండే ఈ సాంప్రదాయ స్వీట్ ను ఇంట్లోనే సులభంగా తయారు చేసి కుటుంబ సభ్యుల ఆరోగ్యాన్ని కాపాడుకోవచ్చు.