Pushpa 2 Update: హమ్మయ్య.. ఓ పనైపోయింది! ఫాన్స్ రెడీ అయిపోండమ్మా

ఎప్పుడెప్పుడా అని ఎదురు చూస్తున్న ‘పుష్పగాడి’ రూలింగ్.. వచ్చే వారమే మొదలు కానుంది. కానీ ఇంకా పుష్ప 2 షూటింగ్ జరుగుతునే ఉంది. దీంతో అరె ఇంకెప్పుడు షూటింగ్ పూర్తవుతుంది?, అసలు ఈసారైనా సినిమా రిలీజ్ అవుతుందా? అనే అనుమానాలు అభిమానుల్లో వెలువడుతున్నాయి. కానీ మొన్న సండే నాటికి ఓ మాస్ సాంగ్‌తో షూటింగ్ దాదాపుగా పూర్తి అయిపోయింది. ఇక ఇప్పుడు ప్యాచ్ వర్క్‌తో సహా షూటింగ్ మొత్తం కంప్లీట్ అయింది. అల్లు అర్జున్‌కు సంబంధించిన ఓ చిన్న ప్యాచ్ వర్క్‌ షూట్‌తో పుష్ప 2కి గుమ్మడికాయ కొట్టేశారు. దీంతో హమ్మయ్య ఇప్పటికైనా షూటింగ్ పూర్తైందని ఊపిరి పీల్చుకుంటున్నారు అల్లు ఫ్యాన్స్.

షూటింగ్ పూర్తైంది కాబట్టి డిసెంబర్ 5న పుష్ప 2 రిలీజ్ అవడం పక్కా. ప్రస్తుతం సుకుమార్ 24/7 వర్క్‌తో బిజీగా ఉన్నాడు. ఇప్పటికే ఫస్ట్ హాఫ్ రెడీ అవగా.. రేపో మాపో సెకండాఫ్ వర్క్ పూర్తి పూర్తి కానుంది. ఆపై సెన్సార్‌ కార్యక్రమాలు ప్లాన్ చేశాడు సుక్కు. మరోవైపు మేకర్స్ భారీ ఎత్తున ప్రమోషన్స్ చేస్తున్నారు. ఇప్పటికే పాట్నా, చెన్నై ఈవెంట్స్‌తో మంచి హైప్ క్రియేట్ చేశారు. ట్రైలర్‌, కిస్సిక్ సాంగ్ ఓ రేంజ్‌లో సెన్సేషన్ అవుతున్నాయి.

Also Read: Kissik Song: శ్రీలీల.. చంపేశావ్ పో: సమంత

కేరళ, ముంబైలో భారీ ఈవెంట్స్ చేసి.. హైదరాబాద్‌లో అదిరిపోయే ఈవెంట్ చేయాలని మేకర్స్ ప్లాన్ చేస్తున్నారు. తెలుగు ప్రీ రిలీజ్ ఈవెంట్‌లో సెకండ్ ట్రైలర్ రిలీజ్ చేసి.. పుష్పగాడి క్రేజ్‌ను నెక్స్ట్ లెవల్‌కి తీసుకెళ్లనున్నారు. ఈ సినిమా ప్రీమియర్స్ ఒక రోజు ముందే ఓవర్సీస్‌లో స్టార్ట్ కానుండగా.. తెలుగు రాష్ట్రాల్లో ఎర్లీ మార్నింగ్ స్పెషల్ షోస్ ప్లాన్ చేస్తున్నారు. రేపో మాపో అడ్వాన్స్ బుకింగ్స్ ఓపెన్ కానున్నాయి. మరి డిసెంబర్ 5న పుష్ప 2 ఎంతటి ప్రభంజనం సృష్టిస్తుందో చూడాలి.