Borewell Rescue: 10 గంటల పాటు రెస్క్యూ ఆపరేషన్.. 300 అడుగుల బోర్వెల్లో చిక్కుకున్న చిన్నారి సురక్షితం.!
- Follow Us :
-
-
Add as a preferred
source on google
Punjab Borewell Rescue: పంజాబ్లోని హోషియార్పూర్ జిల్లాలో బోర్వెల్లో పడిపోయిన చిన్నారిని దాదాపు 10 గంటల పాటు సాగిన ఉత్కంఠభరిత రెస్క్యూ ఆపరేషన్ అనంతరం ఎస్డిఆర్ఎఫ్, ఎన్డిఆర్ఎఫ్ బృందాలు సురక్షితంగా బయటకు తీశాయి. ఈ ఘటన స్థానికంగా తీవ్ర ఆందోళన కలిగించగా, చివరకు చిన్నారి క్షేమంగా బయటపడటంతో కుటుంబ సభ్యులు, అధికారులు ఊపిరిపీల్చుకున్నారు.
ఘటనపై అధికారుల తెలిపిన వివరాల ప్రకారం.. ఈ ఘటన శుక్రవారం సాయంత్రం సుమారు 4 గంటల సమయంలో హోషియార్పూర్ జిల్లాలోని చక్ సవానా గ్రామంలో చోటుచేసుకుంది. ఆడుకుంటూ ఉన్న చిన్నారి ప్రమాదవశాత్తు 300 అడుగుల లోతున్న బోర్వెల్లో పడిపోయాడు. అయితే చిన్నారి సుమారు 90 అడుగుల లోతులో చిక్కుకున్నట్లు అధికారులు గుర్తించారు. సమాచారం అందుకున్న వెంటనే ఎన్డిఆర్ఎఫ్, ఎస్డిఆర్ఎఫ్, స్థానిక పోలీసులు, అగ్నిమాపక సిబ్బంది, అంబులెన్స్ బృందాలు ఘటనా స్థలానికి చేరుకున్నాయి. హోషియార్పూర్ ఎంపీ రాజ్ కుమార్ చబ్బేవాల్, పంజాబ్ మంత్రి రవ్జోత్ సింగ్, జిల్లా ఎస్ఎస్పీ సహా పలువురు ఉన్నతాధికారులు కూడా రెస్క్యూ పనులను పర్యవేక్షించారు.
Also Read
- ICC Schedules: 2035 వరకు ఐసీసీ క్రికెట్ టోర్నీల షెడ్యూల్ విడుదల.. ఇండియాలో ఆ వరల్డ్ కప్..
- Akhilesh Ayodhya Visit: ‘‘నమాజ్ చేసిన ప్రాంతానికి వెళ్తున్నారు’’.. అఖిలేష్ ‘‘రామమందిర’’ సందర్శనపై ఓవైసీ వ్యాఖ్యలు..
- BJP: ఇటలీ నేత ‘ఓట్ చోర్’ నినాదం.. రాహుల్ గాంధీ నవ్వులపై బీజేపీ మండిపాటు!
- Uttam Kumar Reddy : మేడిగడ్డపై ఉత్తమ్ సంచలన వ్యాఖ్యలు.. ప్రధాని మోదీకి కీలక విన్నపాలు
చిన్నారిని రక్షించేందుకు బోర్వెల్లో ప్రత్యేక కెమెరాలను పంపించి పరిస్థితిని పరిశీలించారు. అనంతరం నాలుగు జేసీబీ యంత్రాలతో భారీ ఎత్తున తవ్వకాలు చేపట్టారు. ఎన్డిఆర్ఎఫ్, ఎస్డిఆర్ఎఫ్ సిబ్బంది, స్థానిక స్వచ్ఛంద సంస్థలు, గ్రామస్తులు కలిసి నిరంతరం శ్రమించి చిన్నారి వద్దకు చేరుకునేందుకు ప్రయత్నించారు. దాదాపు 10 గంటల పాటు సాగిన ఈ ఆపరేషన్ చివరికి విజయవంతమైంది. అర్ధరాత్రి సమయంలో రెస్క్యూ సిబ్బంది చిన్నారిని సురక్షితంగా బయటకు తీశారు. చిన్నారి బయటకు రావడంతో అక్కడ ఉన్న కుటుంబ సభ్యులు ఆనందం వ్యక్తం చేశారు.
చిన్నారిని రక్షించిన వెంటనే వైద్య పరీక్షల కోసం సమీప ఆస్పత్రికి తరలించారు. బోర్వెల్లో గంటల పాటు చిక్కుకుపోవడంతో ఆరోగ్యంపై ఎలాంటి ప్రభావం పడిందో వైద్యులు పరీక్షిస్తున్నారు. ప్రస్తుతం చిన్నారి పరిస్థితి నిలకడగా ఉన్నట్లు అధికారులు తెలిపారు. త్వరితగతిన స్పందించి చిన్నారి ప్రాణాలను కాపాడిన రెస్క్యూ బృందాలకు చిన్నారి తల్లిదండ్రులు, కుటుంబ సభ్యులు కృతజ్ఞతలు తెలిపారు.
#WATCH | Punjab | The three-year-old child who fell into a borewell in Hoshiarpur's Chak Sawana village has been safely rescued https://t.co/x3dmkC7QAF pic.twitter.com/JsxfIMYDGc
— ANI (@ANI) May 15, 2026
తాజావార్తలు
-
Bhakthi TV Koti Deepotsavam Day 2 LIVE : తిరుచెందూరు శ్రీ సుబ్రహ్మణ్య స్వామి కల్యాణం
-
Dulquer Salmaan: మేమిద్దరం ‘నెపో కిడ్స్’.. కానీ బ్యాక్గ్రౌండ్ లేని కొత్తమ్మాయిని లాంచ్ చేయడం మా అదృష్టం!
-
Sun Transit : రేపు సూర్యుడి రాశి మార్పుతో అదృష్టం.. ఈ 8 రాశులకు శుభ ఘడియలు!
-
ICC Schedules: 2035 వరకు ఐసీసీ క్రికెట్ టోర్నీల షెడ్యూల్ విడుదల.. ఇండియాలో ఆ వరల్డ్ కప్..
-
Akhilesh Ayodhya Visit: ‘‘నమాజ్ చేసిన ప్రాంతానికి వెళ్తున్నారు’’.. అఖిలేష్ ‘‘రామమందిర’’ సందర్శనపై ఓవైసీ వ్యాఖ్యలు..
-
Satvika Veeravalli: రెండు ఇంజినీరింగ్ డిగ్రీలు, అమెరికా జాబ్ వదిలేసి హీరోయిన్గా వచ్చా: సాత్విక వీరవల్లి
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!