Naseem Shah: PSL మ్యాచ్‌కు BPL హెల్మెట్.. పాక్ క్రికెటర్‌కు జరిమానా

పాకిస్తాన్ సూపర్ లీగ్‌లో వింత సంఘటన చోటు చేసుకుంది. మ్యాచ్ సందర్భంగా 20 ఏళ్ల పాక్ బౌలర్ అయిన నసీమ్‌షా.. పాక్ సూపర్ లీగ్ మ్యాచ్‌కు బంగ్లాదేశ్ ప్రీమియర్ లీగ్‌కు సంబంధించిన హెల్మెట్‌ను పెట్టుకొచ్చాడు. దీంతో ఈ ఫోటో కాస్త నెట్టింట వైరల్‌గా మారి నసీమ్ నెటిజన్ల ట్రోల్స్‌కు గురవుతున్నాడు. “ఇలాంటివి పాకిస్తాన్‌లో మాత్రమే జరుగుతాయి” అని ఓ అభిమాని చమత్కరించాడు. పాక్ పరిస్థితి మరీ ఇంతలా అయిపోయిందా.. అని మరో అభిమాని సెటైర్ వేశాడు. దీంతో దీనిపై స్పందించిన పాక్ క్రికెట్ బోర్డు.. అతడిని హెచ్చరిస్తూ జరిమానా విధించింది.

Also Read: Crime News: మరికాసేపట్లో పెళ్లి.. రైలుపట్టాలపై పెళ్లికొడుకు శవం

పాకిస్తాన్ సూపర్ లీగ్‌లో భాగంగా శుక్రవారం క్వెట్టా గ్లాడియేటర్స్-ముల్తాన్ సుల్తాన్స్ మధ్య మ్యాచ్ జరిగింది. ఈ మ్యాచ్‌లో 20 ఏళ్ల క్వెట్టా పేసర్ నసీమ్ షా బ్యాటింగ్‌కు వచ్చిన సమయంలో పొరపాటుగా వేరే లీగ్ హెల్మెట్ పెట్టుకొచ్చాడు. బంగ్లాదేశ్ ప్రీమియర్ లీగ్‌లో అతడు బరిలోకి దిగే కొమిలియా విక్టోరియన్స్‌కు చెందిన హెల్మెట్‌ను ఈ లీగ్ మ్యాచ్‌లో ధరించాడు. దీంతో లీగ్ రూల్స్ ప్రకారం షాకు మ్యాచ్ ఫీజులో 10 శాతం కోత విధించారు. మరోసారి పునరావృతం కాకుండా చూసుకోవాలని మందలించారు.

League PSL✅
Helmet BPL🤦🏻‍♂️#naseemshah #BPL #PSL #Cricket pic.twitter.com/lQzkRvfGBv

— Pritom (@JoyChow16122996) February 15, 2023

ఈ మ్యాచ్‌లో తొలుత బ్యాటింగ్ చేసిన క్వెట్టా గ్లాడియేటర్స్ జట్టు 110 రన్స్‌ మాత్రమే చేయగలిగింది. అనంతరం ఛేజింగ్‌లో 13.3 ఓవర్లలోనే 111 రన్స్ చేసి ముల్తాన్ జట్టు విజేతగా నిలిచింది. 20 ఏళ్ల ఇసానుల్లా కేవలం 12 రన్స్ ఇచ్చి 5 కీలక వికెట్లు పడగొట్టి ముల్తాన్ గెలుపులో కీలకపాత్ర పోషించాడు.

Also Read: Prithvi Shaw: పృథ్వీ షా ఎవరో కూడా నాకు తెలియదు: సప్నా గిల్