గచ్చిబౌలిలో అంతర్జాతీయ సెక్స్ రాకెట్ గుట్టు రట్టు చేశారు హైదరాబాద్ పోలీసులు. ఈ వ్యభిచార గృహంలో 17 మంది విదేశీ యువతులను పోలీసులు పట్టుకున్నారు. అంతర్జాతీయ యువతులతో ఆన్లైన్ వెబ్సైట్ ద్వారా ఆర్గనైజ్డ్గా వ్యభిచారం చేయిస్తున్న గుట్టును గచ్చిబౌలి పోలీసులు, యాంటీ ఉమెన్ ట్రాఫికింగ్ పోలీసులు రట్టు చేశారు. గచ్చిబౌలి పోలీస్ స్టేషన్ పరిధిలో కొండాపూర్లోని ఒక ఇండిపెండెంట్ హౌస్లో ఈ గలీజు దందాను నడిపిస్తున్నట్టు పోలీసులు గుర్తించారు. పోలీసులకు వచ్చిన విశ్వసనీయ సమాచారం మేరకు.. సదరు ఇంటిపై పోలీసులు దాడి చేశారు. ఈ దాడిలో విస్తుపోయే విషయాలు వెలుగులోకి వచ్చాయి. ఆ ఇండిపెండెంట్ ఇంట్లో.. ఊహించని రీతిలో కుప్పలు కుప్పలుగా విదేశీ యువతులు కనిపించారు. కెన్యా దేశానికి చెందిన 14 మంది, యుగాండా, టాంజానియా దేశాలకు చెందిన ముగ్గురిని.. ఇలా మొత్తంగా 17 మంది విదేశీ యువతులను పోలీసులు అదుపులోకి తీసుకుని సేఫ్ హౌస్కు తరలించారు. కాగా.. ఈ చీకటి దందాను నడిపిస్తున్న నిర్వాహకుడు శివ కుమార్తో పాటు ఇద్దరు విటులను కూడా పోలీసులు అరెస్టు చేశారు.
Tollywood: మెగాస్టార్, పవర్ స్టార్ సినిమాల అప్ డేట్స్.. జస్ట్ వన్ క్లిక్ తోనే..