Aadujeevitham OTT: నాలుగు నెలల తర్వాత ఓటీటీలోకి ‘ఆడు జీవితం’.. స్ట్రీమింగ్ ఎక్కడ, ఎప్పుడంటే?
Aadujeevitham OTT Release Date Telugu: మలయాళ స్టార్ హీరో పృథ్వీరాజ్ సుకుమారన్ నటించిన సినిమా ‘ఆడు జీవితం’ (ది గోట్ లైఫ్). బ్లెస్సీ దర్శకత్వం వహించినఈ సినిమా మార్చి 28న థియేటర్లలో విడుదలైంది. సౌదీలో కూలీలు పడే కష్టాల ఇతి వృత్తంతో వచ్చిన ఈ చిత్రం బాక్సాఫీస్ వద్ద ఘన విజయాన్ని అందుకుంది. దాంతో ఆడు జీవితం ఓటీటీ విడుదల కోసం సినీ ప్రేమికులు ఎంతగానో ఎదురుచూస్తున్నారు. ఈ నేపథ్యంలో దాదాపు నాలుగు నెలల తర్వాత ఓటీటీలోకి వచ్చేందుకు సిద్ధమైంది.
ప్రముఖ ఓటీటీ ప్లాట్ఫామ్ ‘నెట్ఫ్లిక్స్’ వేదికగా జులై 19 నుంచి ఆడు జీవితం స్ట్రీమింగ్ కానుంది. ఈ విషయాన్ని నెట్ఫ్లిక్స్ అధికారికంగా తమ సోషల్ మీడియా ఖాతా ద్వారా తెలిపింది. మలయాళంతో పాటు తమిళం, తెలుగు, కన్నడ, హిందీ భాషల్లో అందుబాటులో ఉంటుంది. ఎట్టకేలకు ఓటీటీలోకి ఆడు జీవితం వస్తుండటంతో ఫ్యాన్స్ ఖుషీ అవుతున్నారు. ప్రపంచవ్యాప్తంగా రూ.150 కోట్లు రాబట్టిన ఈ చిత్రం.. ఓటీటీలో రికార్డులు సృష్టించడం ఖాయంగా కనిపిస్తోంది.
Also Read: Sourav Ganguly: నన్ను అందరూ మర్చిపోయారు.. సౌరవ్ గంగూలీ ఆసక్తికర వ్యాఖ్యలు!
కేరళకు చెందిన నజీబ్ అనే వ్యక్తి కథే ఈ ‘ఆడు జీవితం’. ఉపాధి కోసం గల్ఫ్ దేశాలకు వెళ్లిన నజీబ్ ఎలాంటి ఇబ్బందులు ఎదుర్కొన్నాడో చెబుతూ బెన్యామిన్ ‘గోట్ డేస్’ను రచించారు. 2008లో ఈ నవల అత్యధికంగా అమ్ముడైంది. గోట్ డేస్ను సినిమాగా తీయాలనే ఆలోచనతో డైరెక్టర్ బ్లెస్సీ హక్కులు కొనుగోలు చేశారు. 10 ఏళ్లకు పైగా శ్రమించి ఆడు జీవితంను ఆయన తెరకెక్కించారు. నజీబ్ పాత్ర కోసం పృథ్వీరాజ్ సుకుమారన్ 31 కిలోల బరువు తగ్గారు. ఈ సినిమా కోసం ఆయన ఎంతో కష్టపడ్డారు. ఎంతో కష్టపడిన పృథ్వీరాజ్కు మంచి విజయమే దక్కింది.